1
აპრილიდღის ზოგადი ასტროლოგიური პროგნოზი
თეოლოგი გიორგი ტიგინაშვილი ბარბარობის დღესასწაულსა და ლობიანების გამოცხობის ტრადიციის ურთიერთმიმართების თაობაზე პოსტს ავრცელებს. როგორც იგი წერს, აღნიშნულ ტრადიციას არაფერი აქვს საერთო ქრისტიანობასთან.
"ბარბარობა საქართველოში წინაქრისტიანული ხანის წარმოდგენებსაც შეიცავს. ქართველები ბარბოლს, ბარბლაშის (სვანეთი) და ბარბალეს სახით თაყვანს სცემდნენ ამავე სახელწოდების მზის ადგილობრივ, წარმართულ ღვთაებას. ქართულ წარმართულ პანთეონში აქტიური ადგილი ეკავა მზის ღვთაებას და მის დედას აისს-ბარბალეს. მათდამი პატივსაცემად დღესასწაულზე აცხობდნენ მზის დისკოს ფორმის ღვეზელებს, ყველიან და კვერცხიან კვერებს (დაახლოებით ხაჭაპურის მსგავსს). ამ კვერებს მზის საპატივცემულოდ მრგვალი ფორმა და ყვითელი გული ქონდა.სავარაუდოდ, ლობიოს შემოსვლამდე მისი გულსართი ოსპით, ცულისპირათი ან მუხუდოთი მზადდებოდა.როდესაც გაქრისტიანდა ქვეყანა, არსებული წარმართული წმინდანისა და ახალი ბარბარეს სახელების ფონეტიკური დამთხვევის გამო მოხდა მათი შერწყმა. შედეგად აღინიშნებოდა ბარბარობა ბარბალობის წესების რამდენადმე შენარჩუნებით. თუმცა ბარბარობა მარხვას ითვალისწინებდა, ყველი და კვერცხი კი აღარ გამოდგებოდა. შედეგად ფარშის სახით მზის ფორმის კვერებში გაჩნდა ყველაზე ხელმისაწვდომი სამარხო პროდუქტი - ლობიო.მოკლედ, ამ დღეს ლობიანების ცხობას არანაირი კავშირი არ აქვს ქრისტიანობასთან... " - წერს გიორგი ტიგინაშვილი..
