"NO EXIT" - პირობითი ჯოჯოხეთი, მოზარდ მაყურებელთა თეატრის დიდ სცენაზე თამაშდება

სამი, ერთმანეთისგან სრულიად უცნობი სული, სიკვდილის შემდეგ, ერთსა და იმავე სივრცეში აღმოჩნდება... ჟან-პოლ სარტრის კონცეპტის მიხედვით, ჯოჯოხეთში...

შემოსაზღვრულ ლოკაციაში მოქცეული სამი პერსონაჟი: ფიზიკურ ცხოვრებაში - პუბლიცისტი გარსენი, ფოსტის თანამშრომელი ინესი, და ახალგაზრდა მიმზიდველი ქალი ესტელი - ერთმანეთს საკუთარ ცოდვებს უზიარებენ და ასე ფიქრობენ ჯოჯოხეთისთვის თავის დაღწევას, მაგრამ აღმოაჩენენ, რომ ერთმანეთზე არიან დამოკიდებულნი, ერთმანეთის ჯალათები არიან.

ისინი ზუსტად ისე აზროვნებენ, სტყუიან, ერთმანეთს ექიშპებიან, სამარცხვინო სიმართლეს სიცრუით აკეთილშობილებენ, როგორც ვიტალური ცხოვრების პერიოდში...

პირობითი ჯოჯოხეთი, მოზარდ მაყურებელთა თეატრის დიდ სცენაზე თამაშდება. აქვე ზის მაყურებელიც.

უჩვეულო და საინტერესო დადგმის რეჟისორია გიორგი ჩალაძე. მხატვარი ნინო დოლიძე. მუსიკალური გაფორმება ია გოგიშვილის. ქორეოგრაფი გია მარღანია.

მომაწილეობენ: თამარ მამულაშვილი, ხატია მელქაძე, ნიკოლოზ ფაიქრიძე, გიორგი ჯიქურიძე.

ჟან პოლ სარტრის პიესის მიხედვით დადგმული სპექტაკლის “ NO EXIT” ნახვის შესაძლებლობა გაქვთ 23 იანვარს 20 საათზე.

R