"ამოცანების სია ნათელია..." - რას წერს ოლივერ ვარჰეი ილია დარჩიაშვილთან შეხვედრის შემდეგ?
ამოცანების სია ნათელია, თქვენი ერთგულება და სიმტკიცე დაგეხმარებათ დარჩენილი ნაბიჯების შესრულებაში. ამის შესახებ სამეზობლო პოლიტიკისა და გაფართოების საკითხებში ევროკომისარი ოლივერ ვარჰეი “ტვიტერის” პირად გვერდზე წერს.
"მინისტრ დარჩიაშვილთან გაფართოების შესახებ პირველი ანგარიში და ევროკავშირისკენ გზაზე საქართველოს ნაბიჯები განვიხილეთ.
ევროკომისიამ რეკომენდაცია გასცა საქართველოს ევროკავშირის კანდიდატი ქვეყნის სტატუსი მიენიჭოს. ამოცანების სია ნათელია.
თქვენი ერთგულება და სიმტკიცე დაგეხმარებათ დარჩენილი ნაბიჯების შესრულებაში”, - წერს ვარჰეი.
ცნობისთვის, 8 ნოემბერი საქართველოსთვის უკვე ისტორიული დღეა - ევროკომისიამ რეკომენდაცია გასცა, საქართველოს ევროკავშირის კანდიდატის სტატუსი მიენიჭოს. ევროკომისიის პრეზიდენტმა ურსულა ფონ დერ ლაიენმა ბრიუსელში მიმდინარე პრესკონფერენციაზე სიტყვით გამოსვლისას განაცხადა:
"საბჭომ მიიღო გაფართოების ანგარიში. დღეს კომისია იძლევა რეკომენდაციას, რომ საბჭომ დაიწყოს მიერთების მოლაპარაკებები. კომისია, ასევე, გაწევრიანების მოლაპარაკების რეკომენდაციას იძლევა ბოსნია ჰერცეგოვინასთან მას შემდეგ, რაც მიღწეულ იქნება წევრობის კრიტერიუმთან შესაბამისობა და რეკომენდაციას ასევე კომისიის მხრიდან, რომ საქართველოს მიენიჭოს კანდიდატის სტატუსი, იმ თვალსაზრისით, რომ უნდა განხორციელდეს ზოგიერთი რეფორმა. ამ 4 ქვეყანაზე მოვახდენთ ფოკუსირებას, პირველ რიგში კი უკრაინაზე", - აღნიშნა ევროკომისიის პრეზიდენტმა.
წაიკითხეთ ასევე: