"უარს არასოდეს ვიტყვი ბუნებრივ სილამაზეზე..." - ჰოლივუდის ვარსკვლავები, რომლებიც პლასტიკურ ქირურგიას ეწინააღმდეგებიან და ბუნებრივად დაბერება სურთ

თანამედროვე სამყაროში, როცა სილამაზესთან დაკავშირებით არაერთი სტერეოტიპი და დამკვიდრებული შეხედულება არსებობს, ქალები ხშირად ცდილობენ, არსებული სტანდარტები გაითვალისწინონ და პლასტიკურ ქირურგიას მიმართონ. რა თქმა უნდა, ეს თითოეული ადამიანის არჩევანია და ყველას აქვს უფლება, საკუთარ სხეულში თავს კომფორტულად გრძნობდეს და ის დეტალი შეიცვალოს, რომელიც არ მოსწონს. თუმცა, ამ ვარსკვლავებმა გადაწყვიტეს, პლასტიკურ ქირურგიაზე უარი თქვან და ბუნებრივი დაბერება აირჩიონ:

• ქეით ბლანშეტი, 54 წლის

მსახიობ ქეით ბლანშეტს პლასტიკური ოპერაცია არასოდეს გაუკეთებია. "პლასტიკურ ქირურგიაზე ფიქრი ჩემში აღტაცებას კი არა, სევდას იწვევს. ვფიქრობ, საბოლოოდ, რასაც ვხედავთ, სახე კი არა, ქირურგის სამუშაო დაფაა." - თქვა ბლანშეტმა ერთ-ერთ ინტერვიუში.

• ჯულიანა მური, 62 წლის

მსახიობს პლასტიკური ქირურგიისათვის არასოდეს მიუმართავს და ამბობს, რომ საკუთარ ქალიშვილსაც იმავეს ურჩევს.

"მალე პლასტიკური ქირურგიის გამოყენებას დაბადებიდანვე დაიწყებენ და კლონების წინაშე აღმოვჩნდებით. ვფიქრობ, ძალიან ცუდია, 20 წლის გოგონები სხვადასხვა ინიექციას რომ იღებენ. ოდესმე ამ საშინელების შესახებ ფილმს აუცილებლად გადავიღებ", - თქვა მსახიობმა. გაგარძელეთ კითხვა