მნიშვნელოვანი ინფორმაცია
10
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცამეტე დღე დაიწყება 18:38-ზე, მთვარე ქალწულშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას. მოერიდეთ მგზავრობას, მოგზაურობის დაწყებას; საქმის, საქმიანობის შეცვლას. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ლევან წულაძემ ახალი ცხოვრება დაიწყო, ის ორ ადგილას მუშაობას ვერ მოახერხებდა" - რატომ წავიდა "ჭოლა" მარჯანიშვილის თეატრიდან: რას ჰყვება რეჟისორის გეგმებზე მისი გუნდის წევრი?
09:24 / 12-10-2023
ორი დღის წინ ცნობილი გახდა, რომ ლევან წულაძემ მარჯანიშვილის თეატრის სამხატვრო ხელმძღვანელის თანამდებობა დატოვა. შესაბამისი ინფორმაცია კულტურის სამინისტრომ გაავრცელა. აღნიშნულს საზოგადოების მხრიდან არაერთგვაროვანი მოსაზრებები და შეფასება მოჰყვა.
ზოგს მიაჩნია, რომ აიძულეს წასულიყო თეატრიდან და ეს ნაბიჯი გადაედგა, ზოგი თვლის, რომ ადამიანს ახალი თეატრის შექმნა და შემოქმედებითი კუთხით ახალი ცხოვრების დაწყება უნდოდა და სურვილი აისრულა. ვინაიდან ლევან წულაძესთან დაკავშირება ჯერ ვერ მოხერხდა, AMBEBI.GE ეკატერინე მაზმიშვილს, "თეატრალური სახელოსნო 42-ის" გუნდის წევრს ესაუბრა:
"ეს ის საკითხია, რაზეც ბატონმა ლევანმა უნდა გასცეს პასუხი, ისე, როგორც თვითონ ჩათვლის საჭიროდ. მე შემიძლია გითხრათ, რომ 25 სექტემბერს გაიხსნა ახალი თეატრი და ამჟამად ამით ვართ მოცული და მთლიანად დაკავებული. ყველანი გაფრთხილებული ვიყავით, ვიცოდით, როგორც კი ახალ თეატრში მუშაობა დაიწყებოდა, ის წამოვიდოდა თეატრიდან. ამ ეტაპზე მისი 2 თეატრში მუშაობა სრულიად გამორიცხულია და ფიზიკურად შეუძლებელი, ვერ მოახერხებდა.
მისთვის, რა თქმა უნდა, ახალი ცხოვრების დაწყება საკმაოდ მნიშვნელოვანი საკითხია და ეს თავადვე გადაწყვიტა. ამის გარშემო ლაპარაკი, სხვადასხვაგვარი ინტერპრეტაცია, აზრი და ვარაუდი, რა თქმა უნდა, შეიძლება იყოს. მნიშვნელოვანი კი თვითონ ფაქტია, ინტერპრეტაციების გარეშე, რომ ლევან წულაძე მარჯანიშვილის თეატრიდან წამოვიდა და ახალი ცხოვრება დაიწყო...
- ადამიანების ნაწილს სჯერა, რომ რეჟისორის ახალი ცხოვრება წარმატებული იქნება, რადგანაც, ჯერ კიდევ 2000-იანების დასაწყისში, მან მიძინებული და ჩაბნელებული ქალაქი "თეატრალური სარდაფის" შექმნით გამოაცოცხლა...
- კი, გეთანხმებით და ახლა ყველანი დაკავებულები ვართ იმით, რომ თეატრი მაღალ დონეზე ამუშავდეს. მაქსიმალურად დაიტვირთოს. ამიტომ სხვა რამისთვის დრო არ გვაქვს, მათ შორის, ამა თუ იმ ინტერპრეტაციის თუნდაც მოსასმენად თუ განსახილველად.
- ერთ-ერთი ვარაუდი, რაც კომენტარებში ამოვიკითხე, ის იყო, რომ ლევან წულაძე აიძულეს, თეატრიდან წასულიყო... არადა, კულტურის სამინისტრომ საკუთარ გვერდზე მადლობა გადაუხადა მარჯანიშვილის თეატრში წარმატებული შემოქმედებითი საქმიანობისთვის..
- ბატონი ლევანის მარჯანიშვილის თეატრში საქმიანობა ძალიან მნიშვნელოვანი პერიოდია თეატრისთვის. ყოფილი სტუდენტები და არაერთი ადამიანი აღნიშნავს, თუ რა მნიშვნელოვანი და საინტერესო ეპოქა შექმნა "მარჯანიშვილში" მსახიობების, სპექტაკლების მიმართულებით, ასევე საერთაშორისო იმიჯის და ახალგაზრდა თაობის პროფესიული გაზრდის კუთხით. არაერთი ახალი მსახიობი გამოჩნდა სცენაზე, ბევრიც სულ სხვა კუთხით დაგვანახა. ამასთან, ახალი თაობის საინტერესო რეჟისორები გამოჩნდნენ, რომლებმაც მუშაობა თავიდან მარჯანიშვილის თეატრში დაიწყეს. თეატრი ყველას აძლევდა საშუალებას, ემუშავა. მან შექმნა თეატრალების დიდი გაერთიანება, ერთიანობა, რომელსაც ასევე კარგი საერთაშორისო იმიჯი გაუჩნდა. არაერთ ქვეყანაში მისი სპექტაკლების გასტროლები დიდი წარმატებით მიდიოდა, იყო კოპროდუქციებიც, საერთაშორისო სტუმრები.
18 წლის განმავლობაში თეატრალური ცხოვრება "მარჯანიშვილში" დუღდა. მუშაობდა რამდენიმე სცენა, არსებობდა გასვლითი სპექტაკლები, მათ შორის, საქართველოს ფარგლებში და იმ ადგილებშიც, სადაც რთულია სპექტაკლის ჩატარება. ბევრ სხვადასხვა თეატრს ვმასპინძლობდით. მაყურებლის რაოდენობაც წლის განმავლობაში დაახლოებით 50.000-ს აღწევდა. ექსპერიმენტების გაკეთების არ გვეშინოდა. ლევან წულაძე სხვადასხვა მიმართულებით მუდმივად ფიქრობდა. დღეს ადამიანები მადლობას უხდიან, რომ მისი დახმარებით და ჩართულობით ცხოვრებაში რაღაც მნიშვნელოვანს მიაღწიეს.
- გამოდის, ახლა "თეატრი სახელოსნო 42"-ის დრო დადგა...
- სახელწოდებაში "თეატრალური სარდაფის" მისამართიდან ნაწილი შევინარჩუნეთ, ის რუსთაველის 42-ში მდებარეობდა. ახალი თეატრის შესაქმნელად მზადება შარშან სექტემბერში დავიწყეთ, დეკემბრიდან კი უკვე მშენებლობა და წელს სექტემბერში გავხსენით. გვქონდა ერთი გასვლა იტალიაში, რადგან სპექტაკლი იტალიის დაკვეთით დაიდგა. ახალ სპექტაკლებზე მუშაობა მიმდინარეობს და ვგეგმავთ პრემიერებს.
- სად მდებარეობს თქვენი თეატრი?
- "კოკა-კოლას" ყოფილი ქარხნის ტერიტორიაზე. ამ ადგილს "ფექტორი თბილისი“ ჰქვია, რომელიც უნდა კულტურის ჰაბად გადაიქცეს. ძალიან დიდი ტერიტორიაა და მნიშვნელოვანი პროექტია, რომლის ნაწილიც ჩვენ გავხდით. იქნება დიდი კულტურული ორგანიზაციები, კომპანიები, ჯგუფები და აქ დამოუკიდებლად იმუშავებენ. შეიქმნება სხვადასხვა სახის პროდუქცია. არის საგამოფენო დარბაზები, საგანმანათლებლო აკადემია. ასე რომ, აქაურობა მალე თბილისის მნიშვნელოვან ადგილად გადაიქცევა.
- როგორია თეატრის კონცეფცია?
- კარი არ არის დაკეტილი, შეიძლება ადამიანი დილასაც მოვიდეს, რადგანაც არის კაფე, დაჯდეს, დაისვენოს. დღეს მსოფლიოში მხოლოდ სპექტაკლისთვის აღარ იხსნება თეატრის კარი. იმ მიმართულებით ვითარდებიან, რომ იქ თავშეყრის ადგილებიც იყოს და შესაძლებლობა, დღის ნებისმიერ მონაკვეთში მიხვიდე - ისწავლო, იმეცადინო, წაიკითხო, დახატო, დაისვენო და ქალაქის ყოველდღიურობისგან და რეალობისგან განსხვავებული, მშვიდ გარემოში აღმოჩნდე.
- ე.ი. წელს 25 სექტემბრიდან თეატრმა მუშაობა დაიწყო?
- დიახ და „ოტელო“ უკვე რეპერტუარშია. 29 ოქტომბრამდე ყველა ბილეთი გაყიდულია. უკვე ნოემბრის ბილეთები იყიდება და მალე პრემიერის ბილეთების გაყიდვაც დაიწყება, რომელზეც ვმუშაობთ. ჩვენი პარტნიორი „ფაქტორი თბილისია“ და ბევრი სპონსორი გვყავს - არაერთი კერძო კომპანია და ადამიანია. ყველა გვგულშემატკივრობს.
წაიკითხეთ ასევე:
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მოგაკლდება ბიუჯეტის ფული, ჰააა.... შექმენით ისეთი რამე რომ ხალხს დააიტერესოთ და არა ვიწრო ჯგუფს, და შემოსავალიც რომ ქონდეთ.
წულუკიანი და კულტურა, ხელოვნება. ანუ - ბაბი, გელა, ბუზალაძე, ნიკა წულუკიძის "ავტოგრაფი", ჯაჯანიძის ჯადოები. ეგაა მოკლე შეჯამებით. ჰო, ის კიდე, თემურ თათარაშვილი და გახარიას კვერცხები.