"მიყვარხარ, ქეით" - გურამ გვასალია ქეით მოსს სიყვარულს საჯაროდ უხსნის: რა ფოტოებს აქვეყნებს დიზაინერი?
Balenciaga-ს კრეატიულ დირექტორის დემნა გვასალიას ძმა, დიზაინერი გურამ გვასალია "ინსტაგრამზე" ცნობილ მოდელ, ქეით მოსთან ერთად გადაღებულ ფოტოებს აქვეყნებს, რომელზეც ჩანს, რომ წყვილი ერთმანეთს ვნებიანად კოცნის და წერს: "მიყვარხარ, ქეით“.
ორი თვის წინ, გურამ გვასალიასთან ვრცელი ინტერვიუ New Your Times-მა გამოაქვეყნა. ინტერვიუში ის ძმას დაუპირისპირდა და განაცხადა, - დემნაზე უფრო წინ ვარო...
ძმებს შორის დაპირსპირება მოდის სამყაროში განხილვის მთავარ თემად იქცა. "როგორც ჩანს, Vetements-ის აღმასრულებელი დირექტორი, 37 წლის გურამ გვასალია გრძნობს, რომ თავისი ძმის, დემნას ჩრდილში ცხოვრობს", - წერდა მედია.
"დემნა ჩემზე ექვსი წლით უფროსია, როცა მე მეორე კლასში ვიყავი, ის მერვეში იყო. ჩემზე ადრე მიიღო ცხოვრებაში გარკვეული შესაძლებლობები, მაგრამ თუ გავითვალისწინებთ, სად ვარ მე დღეს და სად იყო ჩემი ძმა ჩემს ასაკში, ვფიქრობ, რომ მე მასზე ბევრად უფრო წინ ვარ“, - ამბობდა გურამი.
ცნობისთვის, დემნა და გურამ გვასალიებმა ტანსაცმლის ბრენდი Vetements-ი 2014 წელს ერთად დააარსეს. ერთი წლის შემდეგ დემნა Balenciaga-ს კრეატიული დირექტორი გახდა. საბოლოოდ Vetements-ი 2019 წელს დატოვა.
2020 წლის შემოდგომაზე როდესაც გურამმა ძმის გარეშე Vetements - ის პირველი ჩვენება გამართა, ერთ-ერთი მოდელი სწორედ ქეით მოსი გახლდათ.
წაიკითხეთ ასევე: