მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ფარცხალაძე მიიჩნევს, რომ მასზე დაკისრებული სანქცია პიროვნული ვენდეტის შედეგია" - ქადაგიშვილი
17:25 / 16-09-2023
საქართველოს პარლამენტის საპროცედურო საკითხთა და წესების კომიტეტის თავმჯდომარის, ირაკლი ქადაგიშვილის განცხადებით, ოთარ ფარცხალაძე მიიჩნევს, რომ მასზე ამერიკის შეერთებული შტაბების მხრიდან დაკისრებული სანქცია „პიროვნული ვენდეტის შედეგია“.
როგორც ქადაგიშვილმა ჟურნალისტებს განუცხადა, ეს არის საქართველოში რადიკალიზაციისთვის ჩამოგდებული მუხტი.
„უკრაინაში ომის დაწყების შემდეგ, გარკვეული ძალები ქვეყნის შიგნით და გარეთ, ცდილობენ საქართველო დაადანაშაულონ რუსეთთან კავშირში. ეს განცხადებები, რომელიც ეხებოდა იმას, თითქოს საქართველო არის რუსეთის სანქციების გვერდის ავლის ადგილი, საქართველო ტრანზიტულადაც კი ატარებს რუსეთისკენ იარაღს და ა.შ. ბევრი პოლიტიკოსის მხრიდან მოგვისმენია და მათ შორის უცხოელი ექსპერტების განცხადებებიც იყო ამასთან დაკავშირებით. მოგვისმენია უკრაინელი მაღალჩინოსნების მუქარები, რომ დავასანქცირებთ საქართველოს ამა თუ იმ პიროვნებას, რასაც ორკესტრირებულად მხარს უბამდა ქართული ოპოზიცია. ამერიკაში მოქმედი FARA-ს კანონის მეშვეობით იყო გაწეული საქართველოს დასანქცირებისთვის ლოგიკური საქმიანობა. ვხედავთ იმასაც, რომ ერთხელ მოსამართლეებთან დაკავშირებით სავიზო სანქცია შემოიღეს, მაგრამ არანაირი არგუმენტი, მტკიცებულება, განმარტება ამასთან დაკავშირებით არ ყოფილა. ახლაც ხდება ადამიანის დასანქცირება, რომელსაც 10 წელზე მეტია არ აქვს არანაირი შეხება არც სახელმწიფო სტრუქტურებთან, არც საჯარო სამსახურთან და პოლიტიკასთან. თვითონ ეს ადამიანიც აკეთებს განმარტებას და მიიჩნევს, რომ ეს მასზე პიროვნული ვენდეტის შედეგია. აქედან გამომდინარე, ჩნდება ეჭვი, რომ ეს არის რადიკალური, გლობალური ომის პარტიის მცდელობა, რომ საქართველო დააზიანოს რამდენიმე მიმართულებით. ერთი მხრივ, ასეთი გადაწყვეტილება იწვევს რადიკალური ოპოზიციის მხრიდან პოლარიზაციის გაღრმავების ახალი ტალღის წარმოშობას. ამავდროულად, გამოიყენება იმისთვის, რომ საქართველოს ევროკავშირთან ინტეგრაციის გზაზე პრობლემები შეუქმნას და ქვეყანაში ვითარება კიდევ უფრო დაიძაბოს. ჩანს, რომ ეს საქართველოში რადიკალიზაციისთვის ჩამოგდებული მუხტია. ობიექტური ხედვა, რასთან გვაქვს საქმე, ჯერჯერობით არ ჩანს“, - განაცხადა ქადაგიშვილმა.
ცნობისთვის, აშშ-მ საქართველოს ყოფილ გენერალურ პროკურორს ოთარ-ფარცხალაძეს სანქციები დაუწესა. აშშ-ის სახაზინო დეპარტამენტის უცხოური აქტივების კონტროლის ოფისის ინფორმაციით, ახალი სასანქციო პაკეტის ფარგლებში სანქციები კიდევ 24 ინდივიდზე გავრცელდა, რომელთა შორისაა ოთარ ფარცხალაძე. აშშ-ის სახელმწიფო დეპარტამენტი ოთარ ფარცხალაძეს ქართველ-რუს ოლიგარქად მოიხსენიებს, რომელთანაც რუსეთის უშიშროების ფედერალური სამსახური (“ეფესბე”) მუშაობდა, რათა რუსეთის სასარგებლოდ ქართულ საზოგადოებასა და პოლიტიკაზე გავლენა მოეხდინა.
მკითხველის კომენტარები /
10 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს რა უკურნებელი არასასიკვდილო კოვიდი სჭირს.ისე ყიყლიყო კი აქვს ხმაში.ეტყობა სხვების დაცვით ყელს ნაპრალი გაუჩნდა .წადი პაპი სახლში ,შეირგე რაც ნაოხრალი გაქვს.
დაუკრეფავშიც ნუ გადახვალთ ქოცებო, ფარცხალაძის გათეთრებას ნუ შეეცდებით. ყველამ იცის რა ჩიტიცაა. ფეხსაცმელების ქურდი და ყალბი დიპლომით გაპროკურორებული მაფიოზი.