"დაბლა დამაგდეს და წიხლები, მუშტები მირტყესო" - რას ჰყვება შშმ პირის დედა შვილზე, რომელიც, სავარაუდოდ, გუშინ კასპში უცნობმა პირებმა სცემეს

კასპში, შშმ პირს თავს დაესხნენ და ფიზიკურად გაუსწორდნენ. ახალგაზრდა მამაკაცის, გიორგი ედიშერაშვილის დედის თქმით, მისი შვილი უცნობმა პირებმა მანქანით გაიტაცეს და სცემეს.

მისივე თქმით, წუხელ გიორგი ერთ-ერთ სუპერმარკეტთან იმყოფებოდა, როდესაც მას უცნობმა მამაკაცებმა მანქანით გასეირნება შესთავაზეს. უარის მიეღების შემდეგ კი შშმ პირი ძალის გამოყენებით ჩასვეს ავტომობილში და კასპის ერთ-ერთ განმარტოებულ ადილას მიიყვანეს.

ნაცემი მამაკაცი თავიდან კასპში, შემდეგ კი მცხეთის საავადმყოფოში გადაიყანეს. მას სხეულის სხვადასხვა ადგილებში დაზიანებები აღენიშნება.

"წიხლები და მუშტები მირტყესო, დაბლა დამაგდესო. 3 მანქანით ყოფილან მოძალადეები. ცემის მერე ერთი სათი გავიდაო ყარაულმა მითხრა. მიშველეო გიორგიმ მითხრაო." - ამბობს ქალი "ფორმულასთან".

შსს-ში აცხადებენ, რომ საქმეზე გამოძიება სსკ-ის 126-ე მუხლით მიმდინარეობს, რააც ძალადობას გულისხმობს.