მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ეს პროცესი გაგრძელდება როგორც საქართველოში, ასევე მთელ კავკასიაში" - სინოპტიკოსის პროგნოზი: რამდენ ხანს გასტანს გაუსაძლისი სიცხე და რას უნდა ველოდოთ "თბური ტალღის" დროს
17:54 / 11-08-2023
8 აგვისტოს გარემოს ეროვნულმა სააგენტომ მოსახლეობა გააფრთხილა, რომ მიმდინარე კვირის განმავლობაში საქართველოს ტერიტორიაზე მოსალოდნელი გახლდათ "თბური ტალღა". მათივე ცნობით, "მოსალოდნელი მაღალი ტემპერატურა სითბური სტრესის, ტყის ხანძრებისა და მყინვარების დნობასთან დაკავშირებული პროცესების გააქტიურების ხელმშემწყობ პირობებს წარმოადგენს".
რა არის "თბური ტალღა,“ რამდენ ხანს გაგრძელდება პროცესი და საერთოდ რა მოვლენები იწვევს მსგავს სითბურ ეფექტებს, ამ თემაზე Ambebi.ge-ს გარემოს ეროვნული სააგენტოს ჰიდრომეტეოროლოგიის დეპარტამენტის გრძელვადიანი პროგნოზების სინოპტიკოსი თამარ პაპაშვილი ესაუბრა
- ქალბარონო თამარ, რამ გამოიწვია თბური ტალღა საქართველოში?
- თბური ტალღა არ არის ახალი ტერმინი. ბოლო წლებში, ადამიანის ცნობიერება საკმაოდ გაიზარდა მიმდინარე კლიმატის ცვლილებასთან დაკავშირებით, აქედან გამომდინარე ეს ტერმინიც უფრო ხშირად გვხვდება. თბური ტალღის დროს, მარტივად რომ გითხრათ ატმოსფეროში განვითარებული პროცესები რამდენიმე დღის განმავლობაში მაღალი ტემპერატურის არსებობას განაპირობებს გარკვეულ ტერიტორიაზე.
თბური ტალღების ერთ-ერთ გამომწვევ მიზეზად წყნარ ოკეანეში განვითარებული ე.წ. ელ ნინიოს სამხრეთის ოსცილაცია (რხევა) შეიძლება დასახელდეს. ელ ნინიო, როგორც მოვლენა - გავლენას ახდენს მთელი დედამიწის კლიმატზე.
მსოფლიოს წამყვანი მეტეოროლოგიური ცენტრების პროგნოზით 2023 წლის ზაფხული ჩრდილოეთ ნახევარსფეროს ბევრი ქვეყნისთვის, მათ შორის საქართველოსთვისაც, ცხელი უნდა ყოფილიყო.
- ახლა გადაირა თბურმა ტალღამ თუ ისევ ამ პროცესში ვართ?
- ჯერჯერობით რამდენიმე დღე კიდევ გაგრძელდება, ნებისმიერ შემთხვევაში - 15 აგვისტომდე. ეს პროცესი გაგრძელდება როგორც საქართველოში, ასევე მთელ კავკასიაში, თურქეთის სამხრეთი ნაწილში, ესპანეთის ტერიტორიაზე და ბალკანეთის ნახევარკუნძულზე. ჩვენ ვვარაუდობთ, რომ ჰაერის ტემპერეტურა, ქვეყნის ტერიტორიის ზოგიერთ რაიონში რამდენიმე დღის განმავლობაში 38-40 გრადუსის ფარგლებში დაფიქსირდება.
- ქალბატონო თამარ, მართალია, რომ რამდენიმე დღის წინ თბილისში, წერეთლის გამზირზე 58 გრადუსი იყო?
- საერთოდ, ჰაერის ტემპერატურა მზეზე არ იზომება. ამისათვის შექმნილია სპეციალური მეტეოროლოგიური მოედანი. ჰაერის ტეპერატურა იზომება მიწისპირიდან 2 მეტრზე, თერმომეტრი ბუდრუგანაშია მოქცეული რომ პირდაპირი მზის სხივი არ შეეხოს მას. ის ტემპერატურა, რომელსაც ადამიანი შეიგრძნობს, სხვადასხვა ფაქტორებზეა დამოკიდებული, მაღალი ტენიანობს პირობებში ადამიანის ორგანიზმი უფრო მგრნობიარე ხდება მაღალი ტემპერატურის მიმართ.
- საქართველოში ტენიანობის მომატება რამ გამოიწვია.
- ჰაერის მაღალი ტემპერატურისას, დედამიწის ზედაპირიდან აორთქლება მატულობს, რაც უფრო მეტი წყალი ორთქლდება დედამიწის ზედაპირიდან მით უფრო მეტი რაოდენობის ტენს შეიცავს ატმოსფერო და აქედან გამომდინარე, ტენიანობაც უფრო მაღალია.
- საქართველოში გაუსაძლისი სიცხე როდემდე გაგრძელდება?
- 39-40 გრადუსამდე სიცხე შენარჩუნდება 15 აგვისტომდე.
- იყო ინფორმაციაც რომ აგვისტოში 29 გრადუსსაც უნდა ველოდოთ.
- აგვისტოს მომდევნო ორი კვირის განმავლობაში საქართველოს ზოგიერთ რაიონში შესაძლოა, წვიამიანი დღეების ეპიზოდები აღინიშნოს, ამის ფონზე შესაძლოა, ჰაერის ტემპერატურამაც დაიკლოს. ასეთი ტიპის აგრილებების ალბათობა არსებობს.
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
"ჰაერის ტეპერატურა იზომება მიწისპირიდან 2 მეტრზე, თერმომეტრი ბუდრუგანაშია მოქცეული რომ პირდაპირი მზის სხივი არ შეეხოს მას." რა ვქნათ ჩვენ, უბრალო მოკვდავებმა, ვინც გავარვარებულ ასფალტზე გადაადგილდება "მიწისპირიდან 2 მეტრზე" დაბლა?
თქვენ არ გქონდეთ სიცხე?!