"როგორც სმკ-ს ჰყავდა აღორძინება "ოპოზიციად", ეგ გინდათ გახდეთ "ოცნებისთვის“, საოცნებო ოპოზიცია?! - ამ ტემპით კოალიციასაც შეუკრავთ და პარლამენტსაც "გაუპრავებთ“ - ნიკა მელია ბარამიძეს
როგორც სმკ-ს ჰყავდა აღორძინება "ოპოზიციად" ეგ გინდათ გახდეთ ოცნებისთვის?! საოცნებო ოპოზიცია ?! - ამ ტემპით "ოცნებას“ კოალიციასაც შეუკრავთ და პარლამენტსაც "გაუპრავებთ“, - ამის შესახებ "ნაციონალური მოძრაობის“ წევრი ნიკა მელია სოციალურ ქსელში, პარტიის წევრის, გია ბარამიძის მისამართით წერს.
მისი თქმით, "ძალიან სამწუხაროა, ადამიანის დეგრადაციის პირდაპირ ეთერში ყურება, როგორ შეიძლება ხუნდებოდეს პრინციპები და იდეალები“.
მელია Facebook-ზე გამოქვეყნებულ "პოსტში“ ბარამიძეს მიმართავს: "პირატების გემივით მოდიხართ, შავი დროშით, ჩონჩხი რომ ახატია ზედ“.
"ჭაობის პრინციპი ისაა, რომ რაც მეტს იმოძრავებ უფრო ჩაეფლობი, პოლიტიკური კორუფციის ჭაობიც ზუსტად ასეთია;
ვუყურებთ გია ბარამიძეს და ვხედავთ ფაქტების დამახინჯებასა და ყველაფრის "გაპრავებას" პარტიის ინტერესის სახელით.
უბრალორ ვერ ვხვდები, როდის მერე გახდა გიასთვის ნორმა, ან რატომ ჰგონია რომ ქვეყანა ჩალითაა დაფარული და ყველაფრის იაფფასიანი გაპრავებით "ახლა ერთობაა მნიშვნელოვანი" და პუტინისტ ბერძენიძეებთან და ინჯიას მეგობარ გოროზიასთან ერთად, ან მეტ ნდობას დაიმსახურებს ან როდისმე რამეს მოიგებს.
ვუთხარი ერთხელ დამპალი და დაჭიანებული დროშის ტარი შეგრჩება ხელშითქო...
გაგახსენებთ რა და როგორ იყო სანამ გიას დამახინჯებულ მსჯელობაში გავყვები ამ პროპაგანდაში რომელსაც ყველაზე არაობიექტურ მხარდაჭერსაც ვერ დააჯერებ, იდეურზე ხომ აღარ ვლაპარაკობ.
გოროზიასა და ფრიდონ ინჯიას შორის პოლიტიკური კორუფციის შესახებ მე 2021 წლის არჩევნების შემდეგ გავიგე, როცა მარტვილში კოალიცია შეუკრა ზაზა გოროზიამ ოცნებას.
კარგად გაიხსენეთ რა დრო იყო მაშინ, მიშა ჩამოსული და დაჭერილი... გაიხსენეთ რა ტურბულენციაში მომიხდა თავმჯდომარეობა, ჩემი დაჭერიდან დაწყებული, მიშას დაჭერით დამთავრებული...
ან ახლა რომ არის გია ბარამიძე პარტიის სამდივნოში რას
აკეთებს? თანამდებობა იყოს და ყველაფერი მოსულა?
სიმართლეს არ აქვს მნიშვნელობა? ყრილობაზე შირმად დადგა ადამიანი, ყველაფერი არჩევითი იყოსო იძახა, იმავე დარბაზში ძველი თანამებრძოლები გაუგდეს, დანიშნულ პოლიტსაბჭოში შეიყვანეს, თვალები დახუჭა და მიიღო...
მაგ პრინციპულობით, ადამიანს ან პოლიტიკაში რა გინდა ან ხელისუფლებაში, კომუნისტებიც მაგას იძახდნენ როცა მოგვიხმობს პარტიაო....
სამარცხვინოა, როგორ იქცა გია ყველაფერ იმად რასაც ებრძოდა, ‘ მოქალაქეთა კავშირი’ რატო დატოვა 20 წლის წინ, რომ 20 წლის შემდეგ იმავედ ქცეულიყო?
პოლიტიკური კორუფციის ჭაობად, პროგრესის მოწინააღმდეგეებად?
როგორც სმკ-ს ჰყავდა აღორძინება "ოპოზიციად" ეგ გინდათ გახდეთ ოცნებისთვის?! საოცნებო ოპოზიცია... ?!
ამ ტემპით ოცნებას კოალიციასაც შეუკრავთ და პარლამენტსაც გაუპრავებთ.
ოღონდ როგორც მაშინ გაირღვა სიახლითა და სიმართლით ისე გაირღვევა ახლაც.
ისტორიაა ციკლური, პერსონაჟები კი არა... ნუთუ გია ბარამიძეს სამყაროსა და პოლიტიკის ლოგიკის გაგება ასე დაეხშო?!
პირატების გემივით მოდიხართ, შავი დროშით, ჩონჩხი რომ ახატია ზედ...
პრინციპებზე საუბარს, პრინციპული ადამიანისგან მივიღებ…“, - წერს მელია.
ასევე იხილეთ: