"ტურა ხარ-მეთქი... ფარჩაკო, შენ!“ - დაპირისპირება პარლამენტში: პაატა მანჯგალაძის პრემიერისადმი მიმართვას ხმაური მოჰყვა (ვიდეო)
ხმაური და სიტყვიერი დაპირისპირება იყოს პარლამენტის სხდომაზე, სადაც პრემიერ-მინისტრი ირაკლი ღარიბაშვილი ყოველწლიური ანგარიშით გამოდის. არეულობა "სტრატეგია აღამაშენებლის" დეპუტატ პაატა მანჯგალაძის განცხადებას მოჰყვა.
- თქვენ ატერორებთ საქართველოს მოსახლეობას, ვითომ დიდი მშვიდობისმყოფელები ხართ და თქვენ მოუტანეთ ქვეყანას მშვიდობა - სანერვიულო გაქვთ თქვენ, ბოდიში თქვენ გაქვთ მოსახდელი, რომ ქვეყანას ისტორიული შანსი აქვს კანდიდატის სტატუსის მისაღებად და ამას აკარგვინებთ, - ასე მიმართ პაატა მანჯგალაძემ პარლამენტში პრემიერ-მინისტრს.
როგორც მანჯგალაძემ აღნიშნა, პრემიერის ყოველწლიური ანგარიშის წარდგენაში ბოლშევიკური პათოსი, დაგეშვა, გაღიზიანება და სიძულვილი იყო.
"კმაყოფილებას ვატყობ „ქართული ოცნების“ წარმომადგენლებს სახეზე, პრემიერიც კმაყოფილია ამ სიძულვილის, ზიზღის, მოსახლეობის დაგეშების რიტორიკით და ამას უკრავთ ტაშს.
თქვენ ახლა ტაშს უკრავთ და ახალისებთ ძალადობას, იმ ძალადობას, რომელსაც ვხედავთ ბოლო დღეებში. ზურა ჯაფარიძეს, სტუდენტებს, მიშა მშვილდაძეს და ლევან ბერძენიშვილს მიუვარდნენ. თქვენ ახალისებთ ამ ქმედებებით პოლარიზებას, თქვენ ახალისებთ ამ ყველაფერს, საღლიცინოდ საქმე არ გვაქვს. ამასთან ერთად, ატერორებთ საქართველოს მოსახლეობას ვითომ, დიდი მშვიდობისმყოფელები ხართ და თქვენ მოუტანეთ ქვეყანას მშვიდობა. ქვეყანას მშვიდობა მოუტანა უკრაინელების თავდადებულმა ბრძოლამ, მათ შორის, იმ ქართველი ბიჭების, რომლებიც იქ იბრძვიან. პუტინმა ღიად გამოაცხადა, რომ საბჭოთა იმპერიის აღდგენა იყო ამოცანა, მაგრამ კიევთან წაიმტვრია კისერი. კიევი, რომ დაცემულიყო და არ ყოფილიყო წინააღმდეგობა, თქვენ რას აპირებდით? სერგო ორჯონიკიძესავით უომრად შემოუძღვებოდით საქართველოს? როგორ იცილებდით რუსეთთან ომს, მაინტერესებს. მაინტერესებს, როგორ იცილებდა რუსეთთან ომს ღარიბაშვილი, როდესაც პუტინმა პირდაპირ გამოაცხადა, რომ საბჭოთა ბოროტების იმპერიის აღდგენა იყო ამოცანა, წითელი დროშით მიადგნენ კიევს. რატომ ატერორებთ მოსახლეობას? რატომ უწყობთ ხელს ძალადობას?
ერთი რამ მომეწონა მხოლოდ თქვენ გამოსვლაში, რეზერვთან დაკავშირებით, რაღაც თქვით. დანარჩენი იყო ბოლშევიკური პათოსი, დაგეშვა, გაღიზიანება, სიძულვილი. სანერვიულო გაქვთ თქვენ, ბოდიში თქვენ გაქვთ მოსახდელი, რომ ქვეყანას ისტორიული შანსი აქვს კანდიდატის სტატუსის მისაღებად და ამას აკარგვინებთ. სამი რეზოლუცია მივაღებინეთ "ალდეს“, სადაც უპირობოდ დავადასტურეთ, რომ საქართველოს უპირობოდ ეკუთვნის კანდიდატის სტატუსი, თქვენ რა გააკეთეთ?!“ - აღნიშნა მანჯგალაძემ სიტყვით გამოსვლისას, რასაც ხმაური მოჰყვა.
კერძოდ, აღნიშნული განცდების შემდეგ, “ქართული ოცნების“ დეპუტატმა, ირაკლი ზარქუამ მანჯგალაძეს მიმართა, რომ ღირსებასა და კაცობაზე ნუ საუბრობს.
"ვაშაძემ საკუთარი ოჯახის წევრი სხვაგან გადაიყვანა და რუსებს მიაქირავა {ადგილი} და შენ მელაპარაკები ღირებულებასა და კაცობაზე?!“, - აღნიშნა ზარქუამ.
ამასთანავე, “ქართული ოცნების“ კიდევ ერთმა დეპუტატმა, ალუდა ღუდუშაურმა, პაატა მანჯგალაძეს "ფარჩაკი" უწოდა და შემდეგი სიტყვებით მიმართა: "ტურა ეს, ტურა ხარ-მეთქი...ფარჩაკო, შენ!“.
არავის ეშინია მათი. ვიცით, რა ძალასთან გვაქვს საქმე. არ ვაპირებთ ძალადობას, მაგრამ თავდაცვაზე უარს ვერ ვიტყვით - მესმოდა უკნიდან, გარეთ აპირებდნენ საქმის გარჩევას, - განაცხადა ჟურნალისტებთან "სტრატეგია აღმაშენებლის" დეპუტატმა სხდომათა დარბაზში მომხდარ ინციდენტთან დაკავშირებით.
მისი თქმით, მათ "ქართული ოცნება" ამხილეს, საპასუხოდ კი ძალადობის მცდელობას ჰქონდა ადგილი.
"არავის ეშინია მათი. ვიცით, რა ძალასთან გვაქვს საქმე. არ ვაპირებთ ძალადობას, მაგრამ თავდაცვაზე უარს ვერ ვიტყვით. როცა უსამართლოდ გესხმიან თავს, ყველამ უნდა მიიღოს შესაბამისი პასუხი. არანაირი შეურაცხყოფა ჩვენი მხრიდან არ ყოფილა, იყო მხილება და ფაქტები, ამ მხილებაზე ჰქონდათ "ოცნების" ცალკეულ დეპუტატებს ძალადობის მცდელობა. მე მზად ვარ, ინტელექტუალური შეჯიბრისთვის, რომ მათ ტელევიზიებში ვისაუბროთ 12 პუნქტიან რეკომენდაციებზე, ქვეყნის პერსპექტივაზე, ასევე, ჰქონდათ სურვილი სხვა ფორმატში შეხვედრის და არც მაგაში მაქვს წინააღმდეგობა. საქართველოს დასაცავად მზად ვარ ყველაფერზე. გავიდეთ, დავილაპარაკოთო - "ქართული ოცნების" წარმომადგენლები, "ხალხის ძალის" წევრები იძახდნენ, მესმოდა უკნიდან, რომ გარეთ აპირებდნენ საქმის გარჩევას. მე მზად ვარ, გამოსული ვარ, თუ უნდათ დავილაპარაკოთ.
რაც შეეხება ანგარიშს, იყო ბოლშევიკურ პათოსში. მარტივი კითხვა არსებობს, თუ ასე კარგად არის ყველაფერი, რატომ გარბიან საქართველოს მოქალაქეები?!"- განაცხადა მანჯგალაძემ.