დიდგვაროვანი ქალის სამარხის გახსნისას საოცარი რამ აღმოაჩინეს - მუმია იმდენად კარგად იყო შენახული, რომ სისხლი ვენებში ჯერ კიდევ ჰქონდა

ჩინელი დიდგვაროვანი ქალის 2200 წლის მუმიფიცირებული სხეული, ცნობილი როგორც Xin Zhui, ანუ ლედი დაი ერთ-ერთი ყველაზე კარგად შემონახული მუმიაა. ლედი დაი ძვ.წ. 178-145 წლებში, დაახლოებით 50 წლის ასაკში გარდაიცვალა.

მისი საფლავის შიგნით აღმოჩენილი ნივთები სიმდიდრესა და მაღალ სოციალურ სტატუსზე მიუთითებს. სამარხი მუშებმა 1971 წელს, სრულიად შემთხვევით აღმოაჩინეს. სხეულის პირველადი გამოკვლევების შედეგად დადგინდა, რომ მისი კანი ჯერ კიდევ სველი და ელასტიკური იყო, სახსრები - მოქნილი, სისხლიც კი ისევ ძარღვებში დარჩა.

საყლაპავში, კუჭსა და ნაწლავებში ნესვის 138 დაუმუშავებელი თესლი აღმოაჩინეს - ხილი მან სავარაუდოდ, სიკვდილამდე ერთი საათით ადრე შეჭამა. მისი ორგანოები ჯერ კიდევ ხელუხლებელი იყო, მეცნიერების თქმით, ქალს შაქრიანი დიაბეტი, მაღალი არტერიული წნევა, მაღალი ქოლესტერინი და ღვიძლის დაავადება აწუხებდა.

ლედი დაი 50 წლის ასაკში, გულის შეტევით გარდაიცვალა, რაც ჭარბი წონით იყო გამოწვეული. იგი ერთ-ერთი ყველაზე კარგად შემონახული მუმიაა. დასაფლავებისას ქალის სხეული აბრეშუმის 20 ფენაში გაახვიეს და 80 ლიტრი უცნობი სითხით დაფარეს, რომელიც მაგნიუმს შეიცავდა.

შემდეგ კუბოების ოთხ ფენაში მოათავსეს და 12 მეტრის სიღრმეზე ჰერმეტულ, თიხით მოპირკეთებულ სამარხში დამარხეს. ამ ყველაფერმა სხეული ჰაერის, ნესტისა და ბაქტერიების ზემოქმედებისგან დაიცვა, რამაც მისი გახრწნის პროცესი შეაჩერა...წყარო

მოამზადა ანი შავიშვილმა