მნიშვნელოვანი ინფორმაცია
4
მაისიდღის ზოგადი ასტროლოგიური პროგნოზი
კვირა, მთვარის მერვე დღე დაიწყება 11:21-ზე, მთვარე ლომშია
ახალი საქმეების დასაწყებად ნეიტრალური დღეა. დიდ დროსა და ენერგიას ითხოვს ადრე დაწყებული საქმეები. მნიშვნელოვანი გადაწყვეტილებების მიღება სხვა დღისთვის გადადეთ. კარგი დღეა უძრავ ქონებასთან დაკავშირებული საქმეების მოსაგვარებლად. კარგია მივლინების, მოგზაურობის დასაწყებად. ხშირად იმოძრავეთ, გადააადგილეთ ავეჯი, განაახლეთ ინტერიერი. სხვა დღისთვის გადადეთ ქორწინება და ნიშნობა. მოერიდეთ კუჭის გადატვირთვას, მოწევას, სმას. უმჯობესდება ფსიქოემოციური ფონი. ადამიანი უფრო ხალისიანი ხდება. კარგად გამოიძინეთ, მიიღეთ მზის აბაზანები და დიდხანს ისეირნეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სამი წიგნი კოლინ ჰუვერის მოყვარულებისთვის
15:12 / 27-04-2023
გაზაფხულის მზის მოძლიერებასთან ერთად, შაბათ-კვირას თუ სხვა თავისუფალ დროს საყვარელი წიგნების კითხვა კიდევ უფრო სასიამოვნოა. თუმცა, ახალი წიგნების ზღვასთან გამკლავება ხშირად ძნელია და არჩევანის გაკეთება რომ გაგიმარტივდეთ, ამ ბლოგში მკითხველებისთვის ყველაზე საყვარელი და გამორჩეული წიგნების მსგავს ლიტერატურას გირჩევთ.
შეიძლება, შეამჩნიეთ კიდეც, რომ რამდენიმე თვეა, რაც ქართველი მკითხველი საერთაშორისო ბესტსელერების ავტორს, კოლინ ჰუვერს გაეცნო და მისი წიგნებიც შეიყვარა. თუმცა, სანამ ჰუვერის ახალი ტექსტების წაკითხვას შევძლებთ, საინტერესოა, ამ ჟანრის მოყვარულებს სხვა რომელი ავტორები და წიგნები დააინტერესებდათ?
კოლინ ჰუვერის პოპულარობა Tik-Tok-სა და კერძოდ, BookTok-ზე მისმა გამოჩენამ განაპირობა. ამიტომ, ჩვენც, პირველ რიგში, BookTok-ის სიას მივმართეთ და პირველი რეკომენდაციისთვის გამოვარჩიეთ ტეილორ ჯენკინს რეიდის რომანი, „ეველინ ჰიუგოს შვიდი ქმარი“.
ჰოლივუდის კინოს ხანდაზმული და კარჩაკეტილი ხატი, ეველინ ჰიუგო, ჰყვება ზღაპარს დაუნდობელი ამბიციების, მოულოდნელი მეგობრობისა და დიდი, აკრძალული სიყვარულის შესახებ. იგი მზადაა გაამხილოს სიმართლე თავისი სკანდალური ცხოვრების შესახებ. ინტერვიუსთვის კი უცნობ რეპორტიორს, მონიკ გრანტს, ირჩევს. ეველინის მდიდრულ ბინაში დაბარებული მონიკი გატაცებით უსმენს მსახიობის ისტორიას _ 1950-იან წლებში ლოს-ანჯელესში თვითდამკვიდრებით დაწყებული, 80-იან წლებში შოუბიზნესის დატოვების გადაწყვეტილებამდე და, რა თქმა უნდა, გზად შვიდი ქმარი...
წიგნში ეველინ ჰიუგოს შესახებ დაწერილი პრესის ამონარიდებსა და ამ სტატიებთან შერწყმულ, ნამდვილ, პერსონაჟის მიერ მოყოლილ ისტორიებს წაიკითხავთ და თავად დარწმუნდებით, რომ პრესაში თუ ხალხში მოარული ამბები ხშირად შორსაა რეალობისგან, რომელიც ხანდახან კიდევ უფრო წარმოუდგენელია, ვიდრე მოგონილი ამბავი!
მთარგმნელი: სალომე ჩიტაძე
შეიძლება უკვე გიფიქრია, როგორი იქნებოდა შენი ცხოვრება, სხვა გარემოში რომ გაზრდილიყავი? მართლა არსებობს თუ არა განსაკუთრებული კავშირი დებს შორის? და რას ნიშნავს არჩევანი, რომლითაც საკუთარ თავზე თავად ამბობ უარს?
ახალგაზრდა ამერიკელი ავტორის, ბრიტ ბენეტის, ბესტსელერი სწორედ ამ არჩევანის შესახებ გვიყვება. „დაკარგული ნახევარი“ შთამბეჭდავი რომანია ტყუპ დაზე, რომლებიც ბავშვობაში განუყრელები იყვნენ, მერე კი ორ სხვადასხვა სამყაროში გადაწყვიტეს ცხოვრება - შავსა და თეთრში. დები პატარა სამხრეთულ დასახლებაში გაიზარდნენ და 16 წლის ასაკში გაიქცნენ სახლიდან. თუმცა ზრდასრულობაში არა მარტო მათი ყოველდღიურობაა განსხვავებული, არამედ ყველაფერი - მათი ოჯახები, საზოგადოება და მომავალიც. წლების შემდეგ ერთ-ერთი და თავის შავკანიან ქალიშვილთან ერთად კვლავ იმ სამხრეთულ დასახლებაში ცხოვრობს, საიდანაც თავის დაღწევა სცადა, მეორემ კი თეთრკანიანთა შორის თავის დამკვიდრება შეძლო.
მიუხედავად ამისა, დების ბედი კვლავ ერთმანეთზეა გადაჯაჭვული. და ვინ იცის, რა მოხდება, როცა მათი ქალიშვილების გზები გადაიკვეთება?
წიგნი გამოცემისთანავე მოექცა „New-York Times"-ის ბესტსელერთა სიის სათავეში. ბენეტს წიგნის ეროვნულმა ორგანიზაციამ 35 წლამდე ასაკის მწერლების საპატიო წოდება მიანიჭა,„The Times"-მა კი ავტორი წლის 100 გავლენიანი ადამიანის სიაში შეიყვანა.
მთარგმნელი: სალომე ჩიტაძე
წიგნის გამოცემა დაფინანსებულია საქართველოში აშშ-ის საელჩოს წიგნების თარგმნის პროგრამის ფარგლებში.
ავტორი, რომლის წერის სტილსა და თემატიკას ხშირად ელიფ შაფაქსაც ადარებენ, ახალგაზრდა პაკისტანელი მწერალი, კამილა შამზია. მისი რომანი, „ხანძარი სახლში“ ემიგრაციაში წასული ქალის ისტორიას მოგვითხრობს. მთავარი პერსონაჟი უპირისპირდება როგორც უცხოობაში ყოფნის სირთულეს, ასევე ოჯახური პრობლემების, პასუხისმგებლობებისა და ტკივილიანი მოგონებების გრძელ სიას. ტექსტი სიყვარულის, გამბედაობის, ტერორიზმის, რწმენისა და ცეცხლში მოკიდებული სახლის განცდის შესახებ გვიყვება:
ისმა თავისუფალია. დედის გარდაცვალების შემდეგ და-ძმის მოვლას თავისი სურვილებისა და ოცნების მრავალი წელი შეალია. ახლა ორივე ზრდასრულია და ისმას შეუძლია სწავლა გააგრძელოს ამერიკაში...
მაგრამ მაინც არ ასვენებს ფიქრი ანიკაზე, თავის ლამაზსა და ჯიუტ დაზე, და პარვიზზე, ჯიჰადი მამის საქმის გაგრძელებაზე მეოცნებე ძმაზე, ერთ დღესაც რომ გაუჩინარდა. მერე დების ცხოვრებაში გამოჩნდება ეიმონი - გავლენიანი მინისტრის ვაჟი, რომელიც მამის თანამდებობასა და მის ავტორიტეტს ქვეყანაში, ასე თუ ისე, ანგარიშს უწევს.... უწევდა... ანიკასთან შეხვედრამდე. მამის მინისტრობა მისთვის საყვარელ ქალთან ბედნიერების შანსი გახდა. დიდ ბრიტანეთში ორი ოჯახის ბედი დამანგრევლად იკვეთება და იბადება კითხვა:
სიყვარულისთვის რამხელა მსხვერპლის გაღება შეგვიძლია?!
მთარგმნელი: სალომე ჩიტაძე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
