"გილოცავთ, ოფიციალურად ქალაქი გაჩერებულია!" - რა ფოტოები ვრცელდება მას შემდეგ, რაც წერეთლის გამზირისა და შალიკაშვილის ხიდის რეაბილიტაცია დაიწყო?
დილიდან გადატვირთულია მოძრაობა დედაქალაქის შესასვლელში. ავტომობილებს გადაადგილება უჭირთ დიღმის მასივში, დიდუბესა და წერეთლის მიმდებარე ტერიტორიებზე.
აღნიშნულის მიზეზი წერეთლის გამზირისა და შოთა შალიკაშვილის სახელობის ხიდის რეაბილიტაციაა, რომელიც გუშინ დაიწყო. თბილისის მერიის ცნობით, წუხელ, 23:00 საათიდან წერეთლის გამზირზე საავტომობილო გადაადგილება ნაწილობრივ შეიზღუდა. მოძრაობა სავალი ნაწილის ორივე მხარეს მონაცვლეობით მოხდება აკაკი წერეთლის გამზირზე, გიორგი ცაბაძის ქუჩიდან შოთა შალიკაშვილის სახელობის ხიდის ჩათვლით.
რეაბილიტაციის პერიოდში, ავტომობილებისა და საზოგადოებრივი ტრანსპორტის გადაადგილებისთვის აკაკი წერეთლის გამზირზე მოძრაობა ორმხრივი დარჩება, თითო მიმართულებისთვის გამოყოფილი იქნება მხოლოდ ერთი სამოძრაო ზოლი.
საავტომობილო საცობის ფოტოებს მოქალაქეები სოციალურ ქსელში არსებულ ჯგუფში, "ქალაქის პრობლემები" ავრცელებენ და წერენ:
"წერეთელზე კატასტროფაა და აგლაძით გავალთ მეთქი და 3-4 წუთზე მეტი ცლის ნაგვის მანქანა და დააყენა უზარმაზარი საცობი. ამის მოგვარებასაც, რომ დილით დაცალონ ნაგავი და არა შუადღეს, ცალკე კვლევის ჩატარება უნდა??????"
"გილოცავთ, ოფიციალურად ქალაქი გაჩერებულია! ამისთვის დიდი მადლობა თბილისის მერია / Tbilisi City Hall Kakha Kaladze კახა კალაძე და ყველა მომუშავეს ვისაც არ აინტერესებს ეს ყველაფერი. დიდი დიღომიდან - გუდვილიდან 9:27- წუთიდან მოყოლებული მოვდივარ მეტრო დიდუბემდე, ახლა 11:19 წუთია. უნივერსიტეტში როდის მივალ არც ვიცი, დიდი მადლობა კიდევ ერთხელ".
"დიღმის მასივში აღმაშენებლის ძეგლიდან იწყება ეს გაუგებარი საცობი და დიდუბეს უერთდება. ვინც აქეთ მიდიხართ, გაითვალისწინეთ"
ნახეთ ფოტოები:
წერეთელი
დიდუბე:
აგლაძის ქუჩა
დიღომი
