"კარგა ხანია კეზერაშვილი ცდილობს რამდენიმე “აქეთა ფლანგის“ ტელევიზიის ყიდვას, მათ გადადნობას..." - რას წერს ნინო ჯანგირაშვილი?
ტელეკომპანია "კავკასიის“ დირექტორი ნინო ჯანგირაშვილი სოციალურ ქსელში წერს, რომ დავით კეზერაშვილი ცდილობდა, რომ რამდენიმე ტელევიზია ეყიდა და მათგან ერთი ტელევიზია გაეკეთებინა. შეგახსენებთ, რომ უკვე მესამე დღეა თავდაცვის ექსმინისტრის გარშემო სკანდალი არ წყდება. ე.წ. "ქოლ-ცენტრების“ შესახებ მილიარდ დოლარიან თაღლითურ სქემასთან დაკავშირებით საგამოძიებო სტატია გამოაქვეყნა და ფილმიც გადაიღო, რომელშიც მოთხრობლია საპენსიო ასაკის ადამიანების დანაზოგის თაღლითური გზით მითვისების სქემებზე, მასში საქართველოს თავდაცვის ყოფილი მინისტრი დავით კეზერაშვილიც არის ნახსენები. გამოძიების პროცესში ასევე 5 სახელი გამოიკვეთა - დავით თოდუა, რატი ჭელიძე, გურამ გოგეშვილი, იოსებ მგელაძე და მაიკლ ბენიმინი, რომლებიც Milton Group-ის მხარდამჭერი ტექნიკური კომპანიების ხელმძღვანელებად არიან მოხსენიებულნი. აღნიშნული გვარები Panama Paper-ის დოკუმენტებშიც იძებნება
ნინო ჯანგირაშვილი:
"არაინფორმირებული მსჯელობები არის ძალიან ცუდი და სულ სხვა მიმართულებით მიყავს ანალიზი. ფართო საზოგადოებისთვის სამწუხაროდ უცნობია პროცესი, რომელიც მიმდინარეობს ბოლო თვეების განმავლობაში.
საქმე კი იმაში მდგომარეობს, რომ კარგა ხანია კეზერაშვილი ცდილობს რამდენიმე “აქეთა ფლანგის“ ტელევიზიის ყიდვას, მათ გადადნობას და იქიდან ერთი ცალი ტვ - ს გაკეთებას. რატომ, რისთვის, ვის ინტერესებშია ეს ან ვისი დავალებით ხდება, ეგ შეგიძლიათ ყველამ თქვენებურად დაასკვნათ, ოღონდ ეს რეალობა გაითვალისწინეთ და ისე ააგეთ მრავალსართულიანი მსჯელობები. ინფანტილური ტიტინი ცოტა მძიმე საყურებელია".
წაიკითხეთ ასევე:
- "ეს ფოტო კეზერაშვილის სოციალურ წრეს კრავს... ჩვენ მას 18 მილიონიან სახლში ვესტუმრეთ" - BBC ხსნის, თუ რატომ მიიჩნევს დავით კეზერაშვილს სქემის ერთ-ერთ ცენტრალურ ფიგურად
- "მისტერ ოფშორი" და მისი ქოლცენტრები "პიქსელის შენობაში" - BBC თაღლითურ სქემაზე ფილმს აქვეყნებს
- ვინ არიან ქართველები, რომლებიც საერთაშორისო თაღლითურ სქემაში კეზერაშვილთან ერთად ფიგურირებენ და რა აკავშირებთ მათ ექსმინისტრთან?