"რთულია, იყო ბედნიერი, როცა ავად ხარ" - რატომ თქვა ჯესიკა ალბამ პროფესიაზე უარი კარიერის მწვერვალზე ყოფნის დროს?

ჯესიკა ალბას კარიერა სწრაფად განვითარდა: მოზარდობისას პირველად გამოჩნდა ეკრანებზე, პოპულარული კი 19 წლის ასაკში, სერიალში "ბნელი ანგელოზი" მთავარი როლის წყალობით გახდა, ხოლო 39 წლისამ გადაწყვიტა, კინო საერთოდ დაეტოვებინა. იქამდე კი მაყურებელს ფილმებიდან: "ცოდვის ქალაქი", "ფანტასტიკური ოთხეული", "თაფლი" - დაამახსოვრა თავი, რამდენიმე პრესტიჟული ჯილდო მიიღო და მსოფლიოში ყველაზე სექსუალური ქალის ტიტულიც მოიპოვა.

თუმცა, 2008 წელს ჯესიკამ კარიერის დასრულებაზე დაიწყო ფიქრი. ერთ-ერთი მიზეზი ქალიშვილის დაბადება იყო, რომელიც პროდიუსერ კეშ უორენისგან ეყოლა. წყვილი უკვე 14 წელია, დაქორწინებულია და მრავალშვილიანი მშობლები არიან. თუმცა, როგორც ცნობილია, ბავშვის გაჩენასთან ერთად, ჯესიკას ჯანმრთელობის პრობლემები შეექმნა.

"დედაჩემს კიბოს დიაგნოზი ძალიან ახალგაზრდა ასაკში დაუსვეს. მაშინ 20 წლის იყო. თავად კი ქრონიკული დაავადებით გავიზარდე. 11 წლის ასაკში ხუთი ოპერაცია გავიკეთე. მქონდა ქრონიკული ალერგია და ბავშვობაში დროდადრო საავადმყოფოში ვიყავი."- თქვა 41 წლის ალბამ Romper-თან ინტერვიუს დროს.

ცნობილია, რომ ალბა ბავშვობაში ხშირად ავადმყოფობდა, ჰქონდა კისტები და წელიწადში რამდენჯერმე ფილტვების ანთებას ებრძოდა. ოდნავი გაციებაც კი მას სერიოზულ გართულებაში გადასდიოდა. გააგრძელეთ კითხვა