31
მარტიდღის ზოგადი ასტროლოგიური პროგნოზი
სამი წლის წინ მედიაში გავრცელდა ინფორმაცია, რომ ცნობილი მომღერალი თამრიკო ჭოხონელიძე და მსახიობი გია როინიშვილი რამდენიმეწლიანი განშორების შემდეგ შერიგდნენ. 2020 წელს წყვილმა ქორწინების 32 წელიც კი აღნიშნა. მათი წყვილი ქართულ მედიაში წლების განმავლობაში ერთ-ერთ ყველაზე პოპულარული იყო. ქალბატონი თამრიკო ინტერვიუებში ხშირად ახსენებდა ყოფილ მეუღლეს, ჰქონდათ პოლიტიკური აზრთა სხვადასხვაობაც, თუმცა წყვილს ორი შვილი აერთიანებდა...
შერიგების შემდეგ მომღერალი მედიასთან ამბობდა:
"ცხოვრებაში უკვე აღარაფერი მაკვირვებს. საინტერესო ის არის, რომ ჩემში ამით არაფერი შეცვლილა. მიუხედავად იმისა, რომ ჩვენ ერთ ჭერქვეშ არ ვცხოვრობდით, გიაზე ზრუნვა არასდროს შემიწყვეტია. პარალელურად, იმავეს აკეთებდა გიაც. ასე რომ, ვერ ვიტყვით, რომ სულ თავიდან დავიწყეთ ყველაფერი. ზოგჯერ სრულიად შემთხვევით ვიგებდი ხოლმე, როგორ ზრუნავდა ჩემზე. ბოლომდე ვერც მე დავკარგე და ვერც გიამ დამკარგა მე, ამიტომ ჩვენი ოჯახი ბოლომდე არ დაშლილა და საბოლოოდ, ისევ გამთლიანდა“.
თუმცა წყვილი ფართო საზოგადოების წინაშე პირველად ლელა წურწუმიას გადაცემაში გამოჩნდა. მათ არ უსაუბრიათ დაშორების მიზეზებზე, არც იმაზე თუ განშორების შემდეგ როგორ გადაწყვიტეს ცხოვრების ერთად გაგრძელება, თუმცა ფაქტია, რომ წყვილი ისევ შეყვარებულია და საზოგადოებაში არსებული ჭორები, რომ თითქოს მათი შერიგება ტყუილი იყო, საბოლოოდ გაქარწყლდა...
წყვილმა გადაცემაში აკვიატებულ შიშებზე, ყოფით კონფლიქტებზე და იმ პერიოდზე ისაუბრეს, როდესაც თამრიკო ჭოხონელიძე სოციალურ ქსელში ბულინგის მსხვერპლად იქცა. მაშინ მომღერალმა ერთ-ერთ სატელევიზიო ეთერში განაცხადა, რომ ის "დასაჯეს“ და შობის ღამეს ტაძარში აღარ იგალობებდა..
"ტოლერანტი ადამიანების ჯგუფმა გადაწყვიტა, რომ მე შობის ღამეს აღარ უნდა მეგალობა ტაძარში… შეიძლება ითქვას, სამაგიერო გადამიხადეს, თავიანთი დიდსულოვანი ბუნებიდან გამომდინარე, დამსაჯეს. ეს შეიძლებოდა ნებისმიერს შეხებოდა, ვინც მათ ფეხქვეშ არ გაეგებოდა.
ამჯერად, მე შემეხო და ამიტომ ვამბობ. ეს ის რგოლია, რომლისგანაც ჩვენ უნდა ვიგებდეთ, როგორ უნდა ვიყოთ მიმტევებლები, ლმობიერები. მათ “დასაჯეს” ის ადამიანი, რომელიც ბრმად არ წაყვათ და თავისი აზრი გამოხატა. არც ამ შობას შეიცვლება რამე. არის თუ არა ეს შურისძიება? რა თქმა უნდა, არის. გაბრაზებული კი არა, გულნატკენი ვარ", - განაცხადა მაშინ ჭოხონელიძემ.
გთავაზობთ ცოლ-ქმრის საუბრის ნაწყვეტს ლელა წურწუმიას გადაცემიდან:
თამრიკო:
- აკვიატებული მაქვს, რომ ოჯახის წევრები სადაც არიან, მათ სიახლოვეს უნდა ვიყო, რომ რამე არ მოუვიდეთ. მგონია, რომ მე თუ ვიქნებით იქ, მათ არაფერი მოუვათ.
გია:
- როცა იქნება, მინდა, რომ ჩემი შვილები ჯანმრთელად დავტოვო და კარგ ქვეყანაში. ამისთვის ვმოქმედებ, ვჩქარობ, რაღაც საქმეს ვაკეთებ. ეს მაძლევს ცხოვრების მოტივაციას. ძალიან მომწონს თამრიკოს შესრულებული "იავნანა". ერთი მეორეზე უკეთესად მღერის სიმღერებს, მაგრამ მისი ნამღერი "იავნანა", ჯერ ასე არავის შეუსრულებია. ბევრი რამე არ დარჩება ჩვენი ნამოქმედარიდან, მაგრამ თამრიკოს "იავნანა" და საგალობელი სამუდამოდ დარჩება... ეს არის უმაღლესი პილოტაჟი ხელოვნებაში და ეს მან შეძლო.
...
მე და თამრიკოს ძალიან ბევრი კონფლიქტი გვქონია, ბევრ საკითხთან დაკავშირებით, მაგრამ ყოველთვის იმას ვეძებდით ერთმანეთში, რაც გვაერთიანებდა ან ვინც გვაერთიანებდა. ყოფილა ამ კონფლიქტთან დაკავშირებული წყენა, მაგრამ მაინც ეს გაერთიანება გვშველოდა. ადვილი არ არის თამრიკოს შემორიგება. მას აქვს იმის ძალა, რომ იპოვოს მთავარი, სიმღერაშიც, ხელოვნებაშიც და გადაწყვეტილების მიღებაშიც. არც მე და არც ის, არ ვართ მარტივები... ამიტომ ხშირად ყოფილა გაუგებრობა, აცდენა, მაგრამ რაც დრო გადის, ეს ყველაფერი ლაგდება.
თამრიკო:
- მახსოვს კოკოზე ვიყავი ფეხმძიმედ, საქმე მქონდა, მარიამი კი ტიროდა, გიას ვთხოვე, ცოტა ხანს მიხედე - მეთქი... უცებ დაიკარგა, ვხედავ ფანჯარაში იყურება რომანტიკული სახით, მახსოვს, მაშინ ძალიან გავბრაზდი...
ფეთქებადი ვარ და არ მინდა, რომ ეს თვისება ჩემ შვილებს გამოყვეს... მრცხვენია, რომ ცხოვრების რაღაც მონაკვეთის განმავლობაში ჩემი ჯანმრთელობა სოციალურ ქსელს გადავაყოლე. ჩემი შვილების მრცხვენია. ეს მონაკვეთი, მინდა, რომ საერთოდ ამოვიღო ცხოვრებიდან. ვერ გამოვასწორებ ამ ადამიანებს... საშინელი ტალღა წამოვიდა, შეიძლება ვიმსახურებდი, მაგრამ ადამიანებმა ასე არ უნდა გაიმეტონ ერთმანეთი. მივხვდი, რომ ჩემ შვილებს მოვაკლდი. შემდეგ სწორედ მათ ამიკრძალეს... გარდა იმისა, რომ ყურადღება მოვაკელი, დავძაბე ისინი... ახლა ვბრაზობ და მრცხვენია ჩემი შვილების.
იხილეთ ასევე:
- "ხმამაღლა ვლაპარაკობ! რასაც საპატრიარქო აკეთებს, ქვეყნის წინაშე დანაშაულია! მათ ადრე ჩემზეც იძიეს შური" - თამრიკო ჭოხონელიძე ქვეყანაში შექმნილ ვითარებაზე
- "კარგა ხანს მე და კოკო ამ ადგილებს ხელით ვასუფთავებდით" - როგორ გამოიყურება თამრიკო ჭოხონელიძის აგარაკი, რომლის დასამთავრებლად თბილისის ბინა ბანკში ჩადო
საერთოდ ამათი ისტორია ვის აინტერესებს?ორი სულით დაცემული ადამიანი
ყალბი, არაბუნებრივი, აფერისტული ურთიერთობა,