მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თვითონ იქ დაძვრება, სადაც ბომბები არ ცვივა" - მედიის ცნობით, უკრაინელებმა დახოცეს იმ დაჯგუფების წევრები, რომელსაც ახრა ავიძბა უდგას სათავეში: რას წერენ აფხაზები
18:23 / 13-02-2023
უკრაინაში, "პიატნაშკას" ე.წ. სამხედრო-მოხალისეობრივ დაჯგუფებას, რომელსაც აფხაზეთში კარგად ცნობილი ახრა ავიძბა უდგას სათავეში, "ღამის მგლების" რამდენიმე წევრი შეურთდა. ერთ-ერთი ვერსიით, მათ ეს დაჯგუფება თავად აარჩიეს, კიდევ ერთი ვერსიით, ბოლო დღეებში, ავიძბას დაჯგუფებას ძალიან დიდი დარტყმა მიადგა და დანაკლისის შევსება "ბაიკერების" ხარჯზე გადაწყდა.
"აქამდე, უკრაინის ომში მათ მონაწილეობაზე არაფერი თქმულა, თუმცა ახლა ირკვევა, რომ "ღამის მგლები" ფრონტის ხაზზე პირველი თვეებიდან იბრძოდნენ, მაგრამ არავის შეუმჩნევია და მათ სამხედრო გამოცდილებაზეც არავის სმენია", - წერენ რუსი ინტერნეტმომხმარებლები სოციალურ ქსელებში.
- უკრაინული საინფორმაციო პორტალის "უნიანის" ცნობით, ახლა ირკვევა, რომ "ღამის მგლების" რამდენიმე ათეული წევრი ინტერნაციონალურ ბრიგადა "პიატნაშკას" შეუერთდა.
the Moscow Times-ის ცნობით, აქამდე ისინი ფრონტის ხაზზე ჰუმანიტარულ დახმარებას გზავნიდნენ.
"ბაიკერ ანდრეი მიშენკოს თქმით, დონეცკის მიმართულებით, სულ 50-მდე ბაიკერი წავიდა "ღამის მგლებიდან" და ყველა მათგანი დონეცკში მსახურობს. "ღამის მგლებში" დაახლოებით, 5 ათასამდე ადამიანი ირიცხება.
რამდენიმე თვის წინ, როდესაც მათი პოპულარობის პიკი იყო, გაცილებით უფრო მეტი ადამიანი ირიცხებოდა. თუმცა, ლიდერთან, ალექსანდრ ზალდოსტანოვთან კონფლიქტის შემდეგ, "ღამის მგლების" რაოდენობა მკვეთრად შემცირდა. მათი მხოლოდ 1% იბრძვის უკრაინაში, მიუხედავად იმისა, რომ 2014 წელს, თავად კლუბის ადმინისტრაცია აქტიურად სთხოვდა რუსეთს უკრაინის ტერიტორიები მიეერთებინა", - წერს გამოცემა.
- the Moscow Times-ის ინფორმაციით, გასულ დღე-ღამეში უკრაიელებმა 900-ზე მეტი ოკუპანტი მოკლეს, მათ შორის უმეტესობა სწორედ "პიატნაშკას" დაჯგუფების წევრები არიან.
როგორც აფხაზი ინტერნეტმომხმარებლები წერენ, ჯერჯერობით უცნობია, არიან თუ არა დახოცილებს შორის აფხაზი ე.წ. მოხალისეები, თუ ეს დარტყმა ძირითადად, დნრ-ის სეპარატისტებს მიადგათ. ასევე უცნობია, სად არის ახლა პოპულისტური განცხადებების მოყვარული ახრა ავიძბა.
რამდენიმე დღის წინ, რუსული გამოცემა topwar.ru წერდა, რომ ავიძბა მარიუპოლში იმყოფებოდა, სადაც მოხალისეებს აგროვებდა, - "პროცესში მონაწილეობდა სპეციალური საბჭოს წარმომადგენელი, ალექსანდრ ბოროდაი, რუსეთის ფედერაციის დეპუტატი ალექსეი ჟურავლევი, "მასობრი საინფორმაციო კომპანია " Царьграда -ს" მფლობელი, კონსტანტინ მალოფეევი და "პიატნაშკას" მეთაური, ახრა ავიძბა", - წერს გამოცემა.
მათივე ცნობით, გადაწყდა "მოხალისეთა ახალი კორპუსის შექმნა, რომელიც სპეციალურ სამხედრო ოპერაციაში უნდა ჩაერთოს. მისი ფუნქცია სამხედრო ტექნიკის და სხვა აუცილებელი შეიარაღების აღდგენა-შეკეთება იქნება, რათა მათი მიწოდება სამხედრო მოქმედების ზონაში არ შეფერხდეს", - წერს რუსული საინფორმაციო ვებგვერდი.
აფხაზი ინტერნეტმომხმარებლები წერენ, რომ, ავიძბა, რომელსაც ძალიან მოსწონს "გმირის" სტატუსი, აქტიურად გზავნის აფხაზეთის სხვადასხვა ქალაქებსა და დასახლებებში თანამოაზრეებს და წარმომადგენლებს, ახალი ჯგუფების შესაკრაბად. "რაც მეტი აფხაზი დაეცემა უკრაინაში, მით მეტ გმირობას მიიწერს თავის თავზე", - წერს ერთ-ერთი მათგანი.
- "აფხაზეთში სამოქმედო არეალს გაითავისუფლებს, პატივისცემას მოიხვეჭს, როგორც თავდადებული, პატრიოტი, სხვების სიცოცხლით საქმეს იკეთებს, გავლენებს მოიპოვებს, თავისი ჰაბიტუსით ბრიყვის შთაბეჭდილებას კი ტოვებს, მაგრამ სინამდვილეში ძალიან გაქნილი და გაიძვერაა. ჩვენ გვაბრიყვებს და თავად ძალიან კარგად გრძნობს თავს, მოხალისეების შეკრება ბიზნესად აქცია. სადაც ბობმები არ ცვივა, იქ დაძვრება. ჯერჯერობით არაფერს ამბობენ იმაზე, ჩვენები არიან თუ არა დახოცილებს შორის, როგორ ხდება, რომ ეს ჩვენი "გმირი", ყოველთვის უვნებელი გადაურჩა მასშტაბურ ცეცხლს, მითიური პერსონაჟია?!", - წერენ აფხაზები.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
"პიატნაშკა" რომ წავიკითხე სუპერმარკეტის სახელი მეგონა? ისე კარგ საქმეს კი აკეთებს ეს ოხერი, მიყავს სულელი ხალხი სასაკლაოზე. ნეტავ ვის ომში მიდიან ან ვის ებრძვიან?
ერთი მადლი ქენით უკრაინელებო ჩვენთვის და ეს წარმონაქმნი გაისტუმრეთ ამ სამყაროდან რა იქნება ჰა