მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
2300 წლის წინანდელი მუმია ოქროს ენით და გულით - "მკვდრების წიგნის" თანახმად გაპატიოსნებული მოზარდი ბიჭუნას სხეულში 49 ამულეტი იპოვეს
12:29 / 27-01-2023
2300 წლის წინ, ეგვიპტეში გარდაცვლილ თინეიჯერ ბიჭუნას მუმიფიცირება ჩაუტარდა და მისი სხეული 49 დამცავი ამულეტით იყო მორთული. მას სახეზე ოქროს ნიღაბი ეკეთა, პირში კი ოქროს ენა ჰქონდა მოთავსებული, რომელიც, როგორც ჩანს, საიქიოში უნდა გამოსდგომოდა.
ნეშტი 1916 წელს ნაგ ელ-ჰასეის სასაფლაოზე აღმოჩინეს, თუმცა მას კვლევები ახლახან ჩაუტარდა და იმდენად საინტერესო დეტალებია აღმოჩენილი, რომ ის კაიროს მუზეუმში გადაიტანეს. როგორც საფლავზე აღმოჩენილი სხვა გარდაცვლილები, ბიჭუნას მუმიაც დიდი ხნის განმავლობაში გამოუკვლეველი იყო და მუზეუმის სარდაფში ინახებოდა.
ბოლო წლებამდე, მუმიებისთვის სახვევების მოხსნა, დესტრუქციულ პროცესად რჩებოდა. მას შემდეგ, რაც კომპიუტერული ტომოგრაფიით სკანირება შესაძლებელი გახდა, სახვევებს შიგნით სხეულის დასათვალიერებლად აღარაა მათი მოხსნა საჭირო.
ბიჭის მუმია ორ სარკოფაგში ინახებოდა. გარე სათავსო სადა ვიზუალის იყო და მასზე წარწერა ბერძნული ასოებით იყო შესრულებული. რაც შეეხება შიდა ხის სარკოფაგს, დეკორაციები ჰქონდა და მასზე გამოსახული სახე მოოქროვილი იყო. მკვლევარებმა, დათვალიერების შემდეგ შენიშნეს, რომ მუმიას, სახვევებს შიგნით, 21 სხვადასხვა დიზაინის მქონე 49 ამულეტი ჰქონდა მოთავსებული.
აღსანიშნავია ისიც, რომ ბიჭუნას პირში ოქროს ენა აქვს მოთავსებული, რათა ძველი რწმენის მიხედვით, საიქიოში საუბარი შესძლებოდა. მუმიას, სხვა ორგანოებთან ერთად, გულიც ამოცლილი აქვს და მის ნაცვლად ოქროს გულის სკარაბი (წმინდა ხოჭო) აქვს მკერდში, რომელიც შემდეგ ცხოვრებაში გადასვლაში უნდა დახმარებოდა.
მეცნიერების ვარაუდით, ბიჭი 14-15 წლის უნდა ყოფილიყო. მისი მოოქროვილი ნიღაბი ძვირფასი ქვებით იყო გაწყობილი, მკერდზე კი, ე.წ. კარტონაჟი, დამცავი ფარი აქვს დამაგრებული. მისი ყველა ორგანო, წესისამებრ, ამოღებულია. ბიჭუნას ტვინი კი ფისითაა შეცვლილი. მუმიას ფეხზე თეთრი სანდლები აცვია, რათა "მკვდრების წიგნის" თანახმად, კუბოდან "სუფთა" ამოსულიყო.
ბიჭის გარდაცვალების მიზეზი სკანირებით ვერ დადგინდა, მაგრამ მისი სიმაღლე და სახის მოყვანილობა გამოჩნდა. ის სიმაღლეში 128 სმ იყო და ოვალური სახე, პატარა ცხვირი და ვიწრო ნიკაპი ჰქონდა. ასევე უცნობია მისი ვინაობაც, თუმცა სტომატოლოგიური ჰიგიენა, მუმიფიცირების მაღალი ხარისხი და ამულეტები გვაფიქრებინებს, რომ ის მაღალი სოციალური სტატუსის მქონე ადამიანი უნდა ყოფილიყო.
"ოქროს ბიჭი" ეგვიპტის მუზეუმის მთავარ საგამოფენო დარბაზში გადაიტანეს.
წყარო: cnn
მოამზადა: ანა სიბოშვილმა
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
