7
აპრილიდღის ზოგადი ასტროლოგიური პროგნოზი
საქართველოს კულტურის, სპორტისა და ახალგაზრდობის სამინისტრო სამბისტ ელენე ქებაძის კრიტიკას პასუხობს. უწყება სპორტსმენს პუნქტობრივად ახსენებს იმ ფინანსურ მხარდაჭერას, რაც სახელმწიფოსგან მისი წარმატებული ასპარეზობებისთვის მიუღია.
ელენე ქებაძემ ცოტა ხნის წინ სოციალურ ქსელში გამოაქვეყნა პოსტი, რომელშიც მან უწყება მის მიმართ უყურადღებობაში დაადანაშაულა. სწორედ ამ პოსტზე დაწერა კომენტარად შემდეგი ტექსტი სამინისტრომ:
"ქალბატონო ელენე, ჩვენ ყოველთვის გვიხარია თქვენი წარმატება და დიდ პატივს გცემთ. რაკი თქვენ ასეთი უსამართლო პოსტი შექმენით, თავს ვალდებულად ვთვლით, რომ შეგახსენოთ იმ მხარდაჭერის შესახებ, რომელიც მხოლოდ ბოლო დროს სპორტის სამინისტრომ თქვენი წარმატებისთვის გაიღო სახელმწიფოს სახელით. ბოლო დროს, თორემ მხარდაჭერა მხოლოდ ბოლო დროით არ შემოიფარგლება და ამ სპორტის სახეობასაც უფრო მეტი მხარდაჭერა აქვს, ვიდრე ერთი სპორტსმენისთვის გაღებული სახსრებია. ეს მხარდაჭერა გაგრძელდება მიუხედავად იმისა, თუ რას დაწერთ კიდევ (დაგვამადლეს, აეროპორტში არ მოვიდნენ და სხვა).
1. თქვენ ყოველთვიური ხელფასი 1050 ლარი გერიცხებათ სპორტის სამინისტროსგან;
2. მსოფლიოს ჩემპიონატზე მოპოვებული ოქროს მედლის შესაბამისი პრემია 17 ათასი ლარის ოდენობით ჩაგირიცხათ სწორედ სპორტის სამინისტრომ;
3. 5 156 ლარი - მსოფლიოს ჩემპიონატზე მონაწილეობა სპორტის სამინისტრომ დაგიფინანსათ; მოსამზადებელი შეკრებები, ეკიპირება და მრავალი სხვა ხარჯი ასევე სპორტის სამინისტრომ დააფინანსა. მომავალშიც დიდ წარმატებებს გისურვებთ!" - წერს სამინისტრო.
ასევე იხილეთ:
სამინისტროს ნამდვილად უნდა ყავდეს პირები, ვინც საქართველოში გამარჯვებებით დაბრუნებულ სპორტსმენებს ღირსეულად დახვდებიან. არ დაიხარჯება ამაზე მილიონები. არადა ამ სპორტსმენებს საქართველოს სახელი გააქვთ მსიფლიოში და იმსახურებენ სათანადო ყურადღებას. რაც მთავარია დაფინანსებას, ეს თქვენი ოირდაპირი მოვალეობაა. აბა რისთვის გიხდით ხელფასს? ნუ დაამადლით იმას, რასაც იმსახურებენ.
ელენეს ადგილას სხვა ქვეყანაში წავიდოდი უცხო ქვეყნის სახელით გამოვიდოდი. ვინ არ მიიღებდა? ამ წულუკიანმა თავის ხელფასპრემიებზე ილაპარაკოს. რა სირცხვილია სხვის ხელფასზე ასე საჯაროდ რომ აქვეყნებ.
ხო კიდევ აკი საქართველოში საშუალო ხელფასი 1611 ლარიაო? ვის ატყუებთ?