მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"წელს ვირუსი გახანგრძლივებულად მიმდინარეობს" - რა უნდა იცოდეთ გავრცელებულ ვირუსებზე, რა სიმპტომები ახასიათებს და როდის არის აუცილებელი ბავშვის გადაყვანა სტაციონარში?
13:31 / 21-11-2022
მართალია, პანდემია ისეთი ძალით აღარ გვიტევს და კორონავირუსი შემთხვევებმაც იკლო, მაგრამ წელს, ყველაზე ადრე დაიწყო ჩვეულებრივი გრიპის ვირუსების სეზონი. როგორც სპცეიალისტები ამბობენ, ორწლიანმა ჩაკეტილობამ თავისი ქნა და მოსახლეობას "ადვილად მოერია."
წელს გავრცელებულ ვირუსებს განსაკუთრებულად მძიმე ხველა ახასიათებთ, რომელიც ხანგრძლივობით გამოირჩევა. პედიატრი ინგა მამუჩიშვილი Ambebi.ge-სთან საუბრისას ამბობს, რომ გახანგრძლივებული ხველის შემთხვევაში, პაციენტს წამალსაც აღარ უნიშნავენ, თუ მდგომარეობას თან არ ახლავს მაღალი ტემპერატურა.
ინგა მამუჩიშვილი:
- ყველა ასაკობრივ კატეგორიას შეეხო ეს ვირუსები, მაგრამ ყველაზე სათუთი მაინც წლამდე ასაკია. წელს ვირუსი გახანგრძლივებულად მიმდინარეობს. ადრე თუ ვამბობდით, რომ ვირუსის ელიმინაცია ორგანიზმიდან ხდება 5-7 დღის განმავლობაში, ამჟამად ზოგჯერ ორ კვირამდეც გრძელდება ტემპერატურით. ახასიათებს, მაღალი ტემპერატურა, რომელიც ძალიან რთულად ემორჩილება სიცხის დამწევ საშუალებებს. ასევე ახასიათებს ცხვირის გაჭედვა, თვალის ლორწოვანი გარსის ანთება, კუჭ-ნაწლავის ტრაქტის ლორწოვანი გარსის ანთება და ძლიერი შემაწუხებელი ხველა, რომელიც შეიძლება თვეები გაგრძელდეს. ბოლოს უკვე არაფერს აღარ ვნიშნავთ, თუ მწვავე პარიოდი გადავლილია და სიცხე აღარ აქვს.
ამჟამად დაიწყო გრიპის ეპიდემია და გავრცელებულია სამი ვირუსი: გრიპის ვირუსი, ადენოვირუსი და რესპირატორულ-სინციტიური ვირუსი.
- რამდენად ეფექტიანია გრიპის საწინააღმდეგო აცრა ამ ვირუსებზე?
- ახლა უკვე დაწყებულია ეპიდემია, მაგრამ ვინც ოქტომბერში, ან ნოემბრის პირველ დეკადაში აიცრა, ჩემი პატარა სტატისტიკა მაქვს - შეიძლება შეხვდეთ ვირუსი, მაგრამ ნაკლები სიმპტომატიკით მიმდინარეობს.
- როდის უნდა იფიქროს მშობელმა საავადმყოფოში ბავშვის გადაყვანაზე?
- სიცხის გამო პანიკა არ ღირს. ცხელება ეს არის ორგანიზმის სასიგნალო სისტემა, ის ორგანიზებას უკეთებს იმუნურ სისტემას, რომ ორგანიზმი გაუმკლავდეს. ცხელების შემთხვევაში, როდესაც მედიკამენტს მისცემენ, უნდათ, რომ 15 წუთში დაიწიოს ტემპერატურამ, ასე არ ხდება. ხანდახან გაორმაგებული დოზის მიცემა გვიწევს. თუ ბავშვს ცხელება აქვს 5 დღეზე მეტხანს, ძილიანობა, ლეთარგიულია, თუ სტკივა თავი და აქვს შეუპოვარი ღებინება, არ ღებულობს საკვებს, ასეთ შემთხვევაში აუცილებელია ბავშვის გადაყვანა სტაციონარში.
- ახსენეთ, რომ ვირუსს თან ახლავს ძლიერი ხველა, თუმცა ხშირ შემთხვევაში, პაციენტს ფილტვები და ბრონხები სუფთა აქვს, მაშინ რა გართულება შეიძლება გამოიწვიოს ვირუსმა?
- ფილტვი და ბრონხი რომ სუფთაა, ამას რამდენიმე მიზეზი აქვს. ამ ვირუსის შემთხვევაში ხველა ძლიერდება ალერგიული ფონის მქონე ბავშვებში და მეორე, ეს ზედა სასუნთქი გზების ხველაა და ლორწოვანი შეშუფებით მიმდინარეობს და ცხვირის შიგთავსის გადადენა ხდება ხახის უკანა კედელზე. განსაკუთრებულად ეს ღამით ხდება და იწვევს ხველას. რომ გითხრათ, რომ ძალიან ბევრ ფილტვების ანთებას ვხვდებით, არ არის ასე, მაგრამ არის ერთეული შემთხვევები...
- ხომ არ გამოიწვია გრიპის ვირუსის აფეთქება ორწლიანმა ჩაკეტილობამ?
- ეს აფეთქება მარტო ჩვენს ქვეყანაში არ არის. მირეკავენ ქართველი ემიგრანტები სხვადასხვა ქვეყნებიდან და იქაც ასეთი მდგომარეობაა. რა თქმა უნდა ამას ვუკავშირებ პანდემიის პერიოდს, როდესდაც რეგულაციების გამო ჩაკეტილები ვიყავით. მაშინ სეზონურმა ვირუსებმა მიიძინა და ახლა ერთდროულად მოხდა ძალიან ბევრი სეზონური ვირუსის გააქტიურება.
პანიკას არ უნდა მივეცეთ, იმიტომ, რომ გულწრფელად გეუბნებით, გართულებების შემთხვევები არ გვაქვს, უბრალოდ დროში იწელება ცოტა... რა თქმა უნდა, ადამიანებს ეს აშინებთ. არ უნდა იყოს პანიკა მოსახლეობაში და მინდა დედიკოებიც დავაწყნარო, გაივლის ეს პერიოდი და დავუბრუნდებით ჩვეულ რიტმს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
