მნიშვნელოვანი ინფორმაცია
10
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცამეტე დღე დაიწყება 18:38-ზე, მთვარე ქალწულშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას. მოერიდეთ მგზავრობას, მოგზაურობის დაწყებას; საქმის, საქმიანობის შეცვლას. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჩვენი უსაფრთხოების მთავარი გარანტი ამერიკაა, თუ ეს დავკარგეთ, მაშინ აღმოვჩნდებით მარტო რუსეთის პირისპირ" - რა შეიძლება მოჰყვეს აშშ-დან კრიტიკას და ხელისუფლების არაკორექტულ პასუხებს?
13:05 / 18-11-2022
17 ნოემბერს, აშშ-ის სენატის საგარეო ურთიერთობების კომიტეტის თანაშემწემ კარენ დონფრიდმა და სენატორმა ჯინ შაჰინმა მწვავედ გააკრიტიკეს საქართველოს ბოლოდროინდელი პოლიტიკური ნაბიჯები და მთავრობა. მათი შეფასებით, "ქართულმა ოცნებამ" ევროკომისიის 12-პუნქტიანი რეკომენდაციის შესრულებაზე ვალდებულებაზე პასუხისმგებლობა მოიხსნა...
"საქართველოში უზარმაზარი უკუსვლაა და ჩვენ მნიშვნელოვან მხარდაჭერას ვუწევთ საქართველოს რეფორმების დღის წესრიგს… ვფიქრობ, შესაძლოა, უნდა ვიფიქროთ, არის თუ არა დრო, რომ გადავხედოთ ჩვენს სტრატეგიას საქართველოსთან დაკავშირებით”, - ეს არის ამონარიდი ამერიკელი სენატორის ჯინ შჰინის უმწვავესი შეფასებებიდან.
ამ კრიტიკას "ქართული ოცნების" დეპუტატების ასევე მწვავე, მეტიც, არაკორექტული პასუხი მოჰყვა. "ქართული ოცნების" თავმჯდომარის, ირაკლი კობახიძის განცხადებით ამერიკას თურმე არაფერი გაუკეთებია საქართველოში და მის მიერ გამოყოფილი ეკონომიკური დახმარება მხოლოდ ენჯეოებს ხმარდება.
Ambebi.ge ამ საკითხზე პოლიტოლოგსა და კონსტიტუციონალისტს, ვახტანგ ძაბირაძეს ესაუბრა.
მან შეაფასა მიმდინარე საგარეო პოლიტიკა და განმარტა, თუ რა შედეგები შეიძლება მოჰყვეს ჩვენი სტრატეგიული პარტნიორების მიერ გაკეთებულ განცხადებებს და "ქართული ოცნების" არაკორექტულ პასუხს. კითხვაზე, თუ რა შედეგს მოიტანს ამერიკის ასეთი კრიტიკა საქართველოსთვის, გვიპასუხა, რომ ბოლო დროს ამერიკის მიმართ კრიტიკა ძალიან გახშირდა. მან, ასევე ისაუბრა იმ შესაძლო ნაბიჯებზე, რაც შეიძლება ამერიკამ გადადგას საქართველოსთან მიმართებით. როგორც პოლიტოლოგმა აღნიშნა შესაძლებელია ამას მოჰყვეს ეკონომიკური სანქციებიც კი.
"აშშ-ისგან ასეთი რეაქცია მოსალოდნელი იყო. ქართულ პოლიტიკაში ე.წ. სამეულის გამოჩენის შემდეგ. ვერავის ვერ დააჯერებ, რომ ისინი ბიძინა ივანიშვილისა და "ქართული ოცნების" გარეშე მოქმედებდნენ, მათ პირდაპირი იერიში მიიტანეს კელი დეგნანსა და ჩვენს სტრატეგიულ პარტნიორებზე. მინდა გითხრათ, რომ რუსეთისა და ბელარუსის გარდა, არცერთი ქვეყნისგან არ ყოფილა ასეთი პირდაპირი ბრალდებები ამერიკისა და ევროპისკენ, რაც ბოლო ხანს ამ ვითომ დამოუკიდებელი "ხალხის ძალისგან" გვესმის.
სამწუხაროდ, არ მგონია, რომ "ქართულმა ოცნებამ" დასავლური კრიტიკის შემდეგ, რაიმე ქმედითი და პოზიტიური ნაბიჯები გადადგას. მათ აღებული აქვთ კურსი და მის შეცვლას არ აპირებენ. რაც შეეხება იმას, თუ რა იქნება ამერიკის მხრიდან შემდგომი ნაბიჯები, მოგახსენებთ, რომ შეიძლება ამას მოჰყვეს სანქციები და საქართველოს პოლიტიკისგან დისტანცირება. მაგრამ არ მგონია, რომ საბოლოოდ დაწვან ხიდები ჩვენს ურთიერთობას შორის, რადგან ეს მათ ინტერესებში არ შედის.
ეს განცხადებები, გაფრთხილებაა და შეიძლება ამას ეკონომიკური ურთიერთობების გაუარესება მოჰყვეს. მათი გამოყოფილი ეკონომიკური დახმარება არ არის უბრალოდ დახმარება, ეს აისახება ჩვენი ქვეყნის შეიარაღებასა და თავისუფალ ვაჭრობაზე. სამწუხაროდ, დიდი ალბათობაა იმისა, რომ გარკვეული შეზღუდვები დაგვიწესდეს... ასეთმა განცხადებებმა შესაძლოა დიპლომატიური ურთიერთობების გამწვავებამდეც მიგვიყვანოს, მაგრამ, დარწმუნებული ვარ, ჩვენში ამაზე რეაქციები ძალიან მძაფრი იქნება, პირველ რიგში მოსახლეობისგან. ჩვენი უსაფრთხოების მთავარი გარანტი აშშ-ა და ჩვენ, თუ ეს გარანტი დავკარგეთ, მაშინ აღმოვჩნდებით მარტო რუსეთის პირისპირ...
ამ ვითარების სწორი ანალიზი თუ არ მოხდა და არ გადაიდგა ნაბიჯები ქვეყნის ინტერესებიდან გამომდინარე, პრობლემები კიდევ უფრო გაიზრდება. აშშ-თან ვითარების გამწვავება პირდაპირ გამოიწვევს ევროკავშირთანაც ურთიერთობების დაძაბვასაც და დავკარგავთ ყველანაირ შანსს, რომ კანდიდატის სტატუსი მივიღოთ. ეს ყველაფერი კი იმოქმედებს ჩვენს თავდაცვისუნარიანობაზე. ეს 30 - წლიანი ურთიერთობა ჩამოიშლება ყველა მიმართულებით “, - განაცხადა პოლიტოლოგმა.
მამ ასევე ისაუბრა რუსეთ-უკრაინის ომზეც, თუ რა შედეგს მოუტანს ეს საქართველოს.
"საქართველოს ხელისუფლება ცდილობს, რომ საფრთხეს, რაც რუსეთისგან ემუქრება, თავი აარიდოს. ის ზედმეტ სიფრთხილეს იჩენს და ელოდება უკრაინაში მიმდინარე პროცესებს. ჩვენ ახლა მთლიანად მიბმული ვართ უკრაინაზე. მისი გამარჯვება ჩვენთვის ნიშნავს ყველაფერს, რისი მიღწევაც გვსურდა, ამ 30 წლის განმავლობაში. მათ შორის ხელისუფლების ცვლილებასაც. აქ მნიშვნელოვანია აღვნიშნოთ, რომ საზოგადოებაში ძალიან ძლიერი უარყოფითი მუხტია ხელისუფლების მიმართ. ამ მუხტს საზოგადოებაში არასტაბილურობისა და რუსეთის შიში აჩერებს. მათ ეშინიათ ქვეყანაში ვითარების არევის, რადგან შესაძლებელია ამას რუსული სამხედრო ძალების შემოსვლა მოჰყვეს. როგორც კი გამოჩნდება, რომ რუსეთი უკვე საკუთარ თავსაც კარგავს, მაშინ ქართველი ხალხი ქუჩაში გამოვა, მაგრამ აქ კიდევ ერთი პრობლემა იჩენს თავს, შესაძლებელია, რომ ოპოზიცია მზად არ აღმოჩნდეს ქვეყანაში პოლიტიკური დღის წესრიგის სამართავად. როგორც ხელისუფლებას, ისე ოპოზიციასაც ძალიან დაბალი ნდობა აქვთ ხალხში. თუ აშშ-ის მხრიდან ასეთ კრიტიკას 5-6 წლის წინ, ქართველი საზოგადოების მასშტაბური პროტესტი მოჰყვებოდა, დღეს, მხოლოდ, სიტყვიერი უკმაყოფილება გვესმის..." - განაცხადა ვახტანგ ძაბირაძემ.
- ავტორი: ლუკა ცხვედიანი
მკითხველის კომენტარები /
67 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვკითხულობ კომენტარებს და ვტირი...რატო არ შეიძლება რო ვინმე საქართველოს ინტერესებზე ფიქრობდეს და წერდეს,იმდენად მონური ბუნება ჩამოგვიყალიბდა რო ან ამერიკის ინტერესებს ვემხრობით ან რუსეთის,არ მითხრათ ქვეყნების მეგობრობაზე არაფერი.რით ვერ გაიგო ამ ხალხმა რო სიყვარული ვერტიკალურია და ბრუნვადი
როგორ ვუბედავთ ჩვენს „მამა-მარჩენალს“, ანუ აშშ-ს და მის ელჩს საქართველოში კელი დეგნანს კითხვებით მიმართვას!!! მათი შეხედულებით ეს თურმე აშშ-ის კრიტიკა ყოფილა!?
ხოლო აშშ-დან წამოსულ კრიტიკას თურმე ჩვენი ხელისუფლება არაკორექტულად პასუხობს.
მოკლედ რომ ვთქვა ამ კატეგორიის ადამიანებისათვის ყოველივე ეს არის მონა მორჩილის ფსიქოლოგია.
მიუხედავად იმისა რომ აშშ-ის სტრატეგიული პარტნიორი ქვეყანა ვართ, ბუნებრივია რომ ჩვენი და აშშ-ის ინტერესები ზოგიერთ საკითხში თანხვედრაში არ იყოს.
გამომდინარე იქიდან რომ პატარა, მცირერიცხოვანი, სუსტი, ღარიბი ქვეყანა ვართ ისტორიის ამ მოცემულ ეტაპზე ჩვენთვის ყველაზე მნიშვნელოვანია მშვიდობა, სტაბილურობა, განვითარება, ხალხის კეთილდღეობა და რაც ყველაფერზე უმთავრესია - ერის გამრავლება!
არავითარი ომი ან მასში მონაწილეობა არანაირი ფორმით.
გვეყოფა ის უბედურებები, რაც წინა ხელისუფლებების დროს გადავხდა თავს მოყოლებული 90-იანი წლებიდან...