მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ოდესღაც ყველაფერი სრულდება, მაგრამ..." - როგორ ცხოვრობენ ჩცდ-ის მსახიობები და რას ამბობენ სერიალის შესაძლო გაგრძელებაზე: ინტერვიუ მონატრებულ გმირებთან
17:59 / 17-11-2022
პოპულარული სერიალის "ჩემი ცოლის დაქალების" ერთგულმა მაყურებელმა იცის, რომ სერიალი დროებით დაპაუზებულია. როგორც განმარტავენ, მიზეზი ფინანსური პრობლემებია. რა განცდა აქვთ დღეს, რას საქმიანობენ და როგორია იმ მსახიობების მდგომარეობა, ვის ცხოვრებაშიც ეს სერიალი დიდი დოზით იყო? - ამის გასარკვევად მთავარ გმირებს დავუკავშირდით.
- ლევან ყოჩიაშვილი:
- 11 წელია, ეს სერიალი გადის. დამეთანხმებით, პატარა დრო არ არის, შესაბამისად, "ჩემი ცოლის დაქალები" ჩემი ცხოვრების დიდი ნაწილი იყო. რა თქმა უნდა, ძალიან მინდა, დავით გოცირიძე ისევ განვასახიერო. ჩემს გონებას, სხეულს ეს გმირი დამახსოვრებული ჰყავს. ამ პერსონაჟის გარეშე ცხოვრება ადვილი არ არის, მათ შორის, ფინანსური კუთხითაც. შეიძლება ითქვას, რომ 11 წელი გადასაღებ მოედანზე ვცხოვრობდი.
- ყველაზე მეტად, რა გენატრებათ?
- პარტნიორები, ქეთი დევდარიანის დაწერილი ამბები, მოლოდინი - ნეტავ როგორ მოიქცევა დათო? ახალი რა იქნება, რისი გაკეთება მომიწევს? მთელი პროცესი -სცენარის წაკითხვიდან ეთერში გასვლამდე, ყველაფერი მენატრება.
- სერიალმა ძალიან პოპულარული გაგხადათ. როგორც მსახიობს, რა მოგცათ "ჩცდ"-მ?
- ძალიან დიდი გამოცდილება, კამერასთან, პარტნიორებთან მუშაობის. კვირაში სამი სერია გადიოდა და დროის ფაქტორი იყო ძალიან მნიშვნელოვანი. პოპულარობა სასიამოვნოა. როცა ვიღაც გხვდება, გიღიმის და გეუბნება, რომ გიყურებს, ეს მსახიობისთვის სიცოცხლეა.
- თქვენი პერსონაჟი ხშირად გაოცებდათ?
- სულ ვფიქრობდი, ამ კაცის ცხოვრებაში მეტი რაღა უნდა მოხდეს, კიდევ რამ უნდა გამაკვირვოს?! მაგრამ მოვიდოდა სცენარი და სრულიად მოულოდნელი ამბავი შემოდიოდა. კარანტინის სერიებს სულ არ ველოდებოდი, მაგრამ უძლიერესი გამოვიდა. ჩემი და ნინას მონოლოგს საზოგადოება დიდხანს განიხილავდა, დიდი გამოხმაურება მოჰყვა.
არ ვიცით, გაგრძელდება თუ არა. ძალიან ბევრი წერილი მომდის ემიგრანტებისგან. როგორც მწერენ, "ჩემი ცოლის დაქალები" რომ გადიოდა, იკრიბებოდნენ და ერთად უყრებდნენ, სერიალი მათი შეკრებების ერთ-ერთი მიზეზი ყოფილა. ჩემი მაყურებელი ძალიან მიყვარს, მადლობა მათ მრავალწლიანი ერთგულებისთვის!
- ანა ტყებუჩავა:
- ახლა იმ ყველაფერს ვაკეთებ, რისი გაკეთებაც სერიალის გადაღებების პარალელურად შეუძლებელი იყო. იმ დროის დეფიციტს, რომელიც მაშინ მქონდა, ვინაზღაურებ. გადაღებების პროცესის დაპაუზება ჩვენი შემოქმედებითი ცხოვრების ნაწილია: ხან არის, ხან - არა. გამართლება იყო, რომ ამდენი წელი სტაბილურად ვიღებდით, ვთამაშობდით და ლოგიკურად რომ ვიფიქროთ, ოდესღაც ყველაფერი სრულდება, მაგრამ ამ შემთხვევაში გადაჭრით ვერ ვიტყვი, რომ დასრულდა.
"ნეტფლიქსის" და საზღვარგარეთის სხვა ცნობილი კომპანიების სერიალები რაღაც დროის ინტერვალით ჩერდება, შემდეგი და შემდეგი სეზონი ხომ გამოდის ხოლმე? ჩვენ ხომ მათი შიდა სამზარეულო არ ვიცით, რა და როგორ ხდება. ამ კუთხით თუ მივუდგებით, შეიძლება "ჩემი ცოლის დაქალებიც" გაგრძელდეს. მაყურებელს სერიალი ენატრება. სადაც უნდა მივიდე, ყველგან მესმის, - ახალ სერიებს არ იღებთ? როდიდან დაიწყება? ისინი არ ითვლიან იმას, რომ ამდენი წელია, უყურებენ. სხვადასხვა გემოვნების, მსოფლმხედველობის მაყურებელი გვყავდა, ძალიან მარავალფეროვანი. შეიძლება ითქვას, ამ სერიალში თაობა გაიზარდა, 5 წლის ბავშვები რომ მოვიდნენ, დღეს ისინი 15-16 წლის გონიერი მოზარდები არიან.
- როგორც მსახიობს, ამ სერიალმა რა მოგცათ?
- ძალიან დიდი შესაძლებლობა, თავი სხვადასხვა სიტუაციაში გამომეცადა, მათ შორის, სტრესულ გარემოში მუშაობის სირთულე დამეძლია.
- გადასაღები მოედნიდან ყველაზე მეტად, რა გენატრებათ?
- ურთიერთობები.
- ამ სერიალმა მსახიობები ერთმანეთთან დაგანათესავათ, არა?
- დიახ, ქეთა ორბელაძე (ტასო) ჩემი შვილის ნათლიაა. ქეთა და გიორგი კარგი ახალგაზრდები არიან, ორივე ძალიან მიყვარს, მომწონს მათი აზროვნება, ხედვები, მიზნები. ჩემი ეკრანული შვილებით ვამაყობ, დედური სიამაყე თუ მეკუთვნის (იცინის). მათი დედები უფლებას მაძლევენ, როგორც მათმა დედამ, ვიამაყო.
- თქვენს სამომავლო გეგმაზე რას გვეტყვით?
- შემოთავაზება მაქვს, ახალგაზრდებს ჩემი გამოცდილება გავუზიარო. არ მინდა, ამას ლექციის ფორმა ჰქონდეს, ბუნებრივია, შემეცნებითი ხასიათი ექნება. ახლახან დავიწყე "ფორმულას" დილის ეთერში ჩემი რუბრიკა, რამდენიმე წუთი კანის მოვლასა და კულტურაზე ვსაუბრობ. მაქვს კოსმეტოლოგებთან კონსულტაციები. ეს რუბრიკა ძალიან ჰგავს გარემოს, როცა გოგონები ერთმანეთს გამოცდილებას მეგობრულად უზიარებენ და არა ტერმინებით, არამედ მარტივ, გასაგებ ენაზე ვსაუბრობ.
- "ჩემი ცოლის დაქალების" დაპაუზებით მოგებული იქნებიან თქვენი შვილები, არა?
- რასაკვირველია, აღარ უნდათ, დედა სადმე წავიდეს; სადაც დავდივარ, ისინიც დამყავს ... განაგრძეთ კითხვა
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
აჩყ--ს თუ როგრ ცხოვრობენ ჩსდ მსახიობები
ძალიან კარგი იყო თოლორდავას პერსონაჟი და ზუზსი ..რაღაც სხვა ელფერს სძენდა სერიალს..უფრო მეტი ინტერესი გვქონდა...მერე და მერე ნინას ვითომდა სახლიდან გაქცევამ და მიტოვებამ ოჯახის ..ნუ რავიცი ძალიან ღარიბი ფანტაზიის სცენარი იყო....ჯობია დახვეწონ უფრო საინტერესო შექმნან მერე გადაიღონ და გაუშვან ეკრანებზე....ეხლა გადის 1 არხზე სიყვარულის მიღმა სერიალი ჯერ ჯერობით ისე ვითარდება რომ საინტერესოა...მერე ვნახოთ...