მნიშვნელოვანი ინფორმაცია
7
აპრილიდღის ზოგადი ასტროლოგიური პროგნოზი
ორშაბათი, მთვარის მეათე დღე დაიწყება 13:37-ზე, მთვარე ლომშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. კარგი დღეა უფროსთან შესახვედრად და ახალი პროექტების განსახილველად; საქმიანობის, სამსახურის შესაცვლელად. მოერიდეთ ფიზიკურ დატვირთვას; გულის გადაღლას, ოპერაციებსა გულსა და ზურგზე; შესაძლოა შეგაწუხოთ რადიკულიტმა. უმჯობესდება ფსიქოემოციური ფონი. ადამიანი უფრო ხალისიანი ხდება. კარგი დღეა ქორწინებისა და ნიშნობისათვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
სასტიკი დანაშაულისთვის დაკავებულს უვადო პატიმრობა მიესაჯა - რა გახდა გახმაურებული, ორმაგი მკვლელობის მოტივი?
10:50 / 07-11-2022
თელავის რაიონულმა სასამართლომ სრულად გაიზიარა პროკურატურის მიერ წარდგენილი მტკიცებულებები და დამამძიმებელ გარემოებაში ჩადენილი განზრახ მკვლელობის, თავისუფლების უკანონო აღკვეთის და ქურდობის ფაქტზე ბრალდებულს უვადო თავისუფლების აღკვეთა განუსაზღვრა.
ამის შესახებ ინფორმაციას გენერალური პროკურატურა ავრცელებს.
"სასამართლო პროცესზე გამოკვლეული მტკიცებულებებით დადასტურდა, რომ ბრალდებულისთვის, რომელიც თელავის რაიონის სოფელ კონდოლში მდებარე ერთ-ერთ მეცხოველეობის ფერმაში მუშაობდა, ცნობილი გახდა, რომ მასთან ერთად მომუშავე ცოლ-ქმარს 20.000 აშშ დოლარი ჰქონდათ შენახული. 2022 წლის 10 თებერვალს, ბრალდებულმა აღნიშნული თანხის დაუფლების მიზნით, უკანონოდ მოპოვებული გლუვლულიანი იარაღიდან დამიზნებით ესროლა ცოლ-ქმარს, რომლებიც მიყენებული ჭრილობების შედეგად, ადგილზე გარდაიცვალნენ. ასევე, ბრალდებული დაემუქრა გარდაცვლილების არასრულწლოვან შვილს და ჩადენილი დანაშაულის დაფარვის მიზნით, ძალის გამოყენებით დააბა, რის შემდეგაც შემთხვევის ადგილიდან მიიმალა.
პროკურატურამ დანაშაულის ჩამდენ პირს ბრალდება საქართველოს სისხლის სამართლის კოდექსის 109-ე მუხლის მე-3 ნაწილის "ა’’ "გ’’ ქვეპუნქტით (განზრახ მკვლელობა დამამძიმებელ გარემოებაში ორი პირისა, ჩადენილი ანგარებით), 143-ე მუხლის მე-2 ნაწილის "გ’’ მე-3 ნაწილის "დ’’ და "ე’’ ქვეპუნქტებით (თავისუფლების უკანონო აღკვეთა სხვა დანაშაულის დაფარვის ან გაადვილების მიზნით, წინასწარი შეცნობით არასრულწლოვანისა, ჩადენილი სიცოცხლისა და ჯანმრთელობისთვის საშიში ძალადობით და ასეთის ძალადობის გამოყენების მუქარით), აგრეთვე 177-ე მუხლის მე-2 ნაწილის "ა’’ ქვეპუნქტით (ქურდობა, ესე იგი სხვისი მოძრავი ნივთის ფარული დაუფლება მართლსაწინააღმდეგო მისაკუთრების მიზნით, რამაც მნიშვნელოვანი ზიანი გამოიწვია) წარუდგინა.
თელავის რაიონულმა სასამართლომ ბრალდებული სრულად ცნო დამნაშავედ წარდგენილ ბრალდებაში და სასჯელის სახედ და ზომად უვადო თავისუფლების აღკვეთა განუსაზღვრა“, - ნათქვამია გავრცელებულ ინფორმაციაში.
შეგახსენებთ ორმაგი მკვლელობა ა.წ. თებარვალში მოხდა, დამნაშავემ მოკლა გიორგი ჯიბიაშვილი და მისი მეუღლე მაკა ზურაბიშვილი.
იმჟამად გარდაცვლილთა ვაჟი, გიგა ჯიბიაშვილი AMBEBI.GE -სთან აცხადებდა:
"ჩემი მშობლების მკვლელი, როგორც თვითონ ამბობდა, საგარეჯოელია. ის ჩემმა მშობლებმა შეიფარეს და თავისთან აცხოვრებდნენ კონდოლში. ის ახლა გაქცეულია და სადღაც იმალება. პოლიცია გვეუბნება, საზღვარს ვერ გადაკვეთდაო, აქვე იქნება სადმე გახიზნულიო. ჩვენებთან ცხოვრობდა და არავის არაფერი შეუმჩნევია მისთვის. მან ჩემი მშობლები "ვინჩესტერით" დახოცა, ჩემი და დააბა და მშობლების მკვლელობას აყურებინა. შოკში იყო ჩემი და, ახლა ცოტა გამოვიდა მდგომარეობიდან. ასე გვეუბნებოდა, ობლად გავიზარდეო, ავადმყოფი და მყავს, სიმსივნიანიო. მკვლელობამდე 10 წუთით ადრე მამას ველაპარაკე.
ამის შემდეგ დედას ურეკია ჩემთან, 15 წუთის მერე ვნახე დედას ნარეკი და თან მათთან გავეშურე. მამას რომ ველაპარაკე, ამის მერე დატრიალდა ყველაფერი. წინა დღეს იქ ვიყავი და არაფერი შემიმჩნევია. როგორც ჩანს, მას წინასწარ ჰქონდა დაგეგმილი ყველაფერი. ეტყობა დედა საშველად რეკავდა ჩემთან, 50 მეტრი ჰქონდა ნახოხი იმ ადგილიდან. მამას სახე აღარ აქვს დედას უკანა მხარე აქვს განგრეული, იმ არაკაცს ტყვია და კარტეჟი აქვს მათთვის ნასროლი".
გაქცეული დამნაშავე ბათუმში ა.წ. 14 თებერავლს დააკავეს.
იხილეთ ასევე:
00:00 / 00:00
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
პროკურატურა მომენტს არ ჩააგდებს, პიარი რომ არ გაიკეთოს.
ამიტომ არის საჭირო კრიმინალის და მისი მომხრეების ალაგმვა.