4
მაისიდღის ზოგადი ასტროლოგიური პროგნოზი
ცნობილი ფოტოგრაფი ლუიზა ჩალათაშვილი სოციალურ ქსელში ემოციურ პოსტს აქვეყნებს, სადაც ერთ-ერთ ქალბატონზე წერს, რომელიც ძეგვის თავშესაფრის ბინადარი იყო.
მისი ინფორმაციით, კადრებზე აღბეჭდილი ქალბატონი ცოტა ხნის წინ გარდაიცვალა. ჩალათაშვილის თქმით, მისი გაოცება იმ ფაქტმა გამოიწვია, რომ ქალი, რომელსაც ცხოვრებაში უამრავი სირთულე შეხვდა, კამერების წინ წარბშეუხრელი იდგა და მოდელის როლიც სამაგალითოდ მოირგო.
"ცოტა ხნის წინ გავიგე, რომ ჩემი და @0711tbilisi -ის საერთო პროექტში გადაღებული ქალბატონი, ულამაზესი ინგა გარდაიცვალა. ვუყურებ ფოტოებს და ისევე, როგორც გადაღებისას, ახლაც მიჭირს იმის დაჯერება, რომ ფირზე აღბეჭდილი პერსონაჟი ძეგვის თავშესაფრის ბინადარია. პროფესიონალური კამერის, უცხო ხალხის გარემოცვისა და უჩვეულო ამპლუის მიუხედავად, მან რამდენიმე საათით მოდელის როლი მოირგო, ბრენდის კამპანიაში მიიღო მონაწილეობა და მოდის ფოტოგრაფიისთვის სახასიათო სახე შექმნა.
ჩემთვის, როგორც ახალგაზრდა ქალისთვის დღემდე შთამაგონებელია მისი თავდაჯერებულობა და შინაგანი სიძლიერე. ნათელი მაგალითი იმისა, თუ როგორ შეიძლება ცხოვრებისეული სირთულეების მიუხედავად, წარბშეუხრელი იდგე კამერის წინ და მოირგო ის როლი, რომელიც ძალიან უჩვეულო და თან თურმე ძალიან ორგანულია შენთვის. ეს ის შემთხვევა იყო, როდესაც კამერის მეორე მხარეს ჩემთვის სამაგალითო ქალი იდგა. ალბათ, სწორედ ამიტომ არის ეს პროექტი ჩემთვის ყველაზე გამორჩეული და შთამაგონებელი, ხოლო ინგა პერსონაჟი, რომელიც სამუდამოდ აღიბეჭდა ჩემს კადრებსა და გონებაში, როგორც ძლიერი ქალის სახე" - წერს ჩალათაშვილი.
ნათელა ვინაა? კომენტარებში რომ წერთ?
ძალიან სხვა პიროვნების სახეა. მას არანაირი საერთო ჩვენთან, ამ ადამიანთან არ ქონდა, გააჩდა მხოლოდ თანაგრძნობა და მეტი არაფერი. >>>>>>>მიეცეს ღმერთის წყალობა, უთქვამს ადამიანს.