მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ყველაფერი, რაც ბრეკეტების შესახებ უნდა იცოდეთ
11:24 / 20-10-2022
ორთოდონტიული პრობლემების ბრეკეტსისტემით მოგვარება ყველაზე მიღებული და პოპულარული მეთოდია მსოფლიოში. მკურნალობის მიზანია ესთეტიკის გაუმჯობესება, ფუნქციის ნორმალიზება და უკვე მიღებული შედეგის მყარი სტაბილიზაცია.
რა უნდა ვიცოდეთ ბრეკეტ-სისტემაზე, მის მოვლასა და მკურნალობაზე - ამის შესახებ სტომატოლოგიისა და ესთეტიკის ცენტრ „სმაილ სტუდიოს“ ექიმი ორთოდონტები თამარ ხოდონაშვილი და ეთერ შავდათუაშვილი გვესაუბრებიან.
თამარ, რა ასაკში უნდა დაიწყოს ბრეკეტებით მკურნალობა?
სასურველია ბავშვი ორთოდონტთან პირველ კონსულტაციაზე 6-7 წლის ასაკში მივიყვანოთ. ამ დროს იწყება მუდმივი კბილების ამოჭრა. ადრეული მკურნალობა საშუალებას გვაძლევს, როგორც მოსახსნელი, ისე მოუხსნელი კონსტრუქციებით სწრაფად ვუმკურნალოთ საკმაოდ რთულ პათოლოგიებს მოცემულ ასაკში.
რა იწვევს თანკბილვის ანომალიებს და რა მოხდება თუ მათ კორექციას არ გავუკეთებთ?
თანკბილვის ანომალიები შეიძლება გამოწვეული იყოს კბილების არასწორი განვითარებით, ყბის ზომის განვითარების დარღვევით, მავნე ჩვევებით, კბილების ნაადრევი დაკარგვით და ა. შ.
არასწორი თანკბილვის დროს ღეჭვით პროცესში იზრდება დატვირთვა კონკრეტულ კბილებზე, რაც შემდგომ იწვევს კბილების მორყევას, კბილის ყელის გაშიშვლებას, მგრძნობელობის მომატებას. ამ ყველაფრის უყურადღებოდ დატოვებას კბილების დაკარგვამდე მივყავართ. ასევე არასწორი თანკბილვა იწვევს საფეთქელ-ქვედა ყბის სახსრის დისფუნქციას, რაც ვლინდება პირის ღრუს გაღება-დახურვის შეზღუდვით, ტკაცუნის და ხმაურის არსებობით სახსრის არეში. კბილების მჭიდრო დგომის შემთხვევაში ირღვევა სრულფასოვანი ჰიგიენა, რაც იწვევს კარიესს და მის გართულებებს. ასაკის მატებასთან ერთად კი შეინიშნება კბილის პათოლოგიური ცვეთა, რაც სახის ქვედა მესამედის შემცირებას იწვევს, შედეგად, ჩქარდება დაბერების პროცესი, ირღვევა სახის ესთეტიკა, რაც ცხოვრების ხარისხსს მნიშვნელოვნად აუარესებს.
რას მოიცავს დიაგნოსტიკა ორთოდონტიაში?
ორთოდონტიული მკურნალობა შეუძლებელია დიაგნოსტიკური მონაცემების გარეშე. სწორად დასმული დიაგნოზი წარმატებული მკურნალობის გარანტია. ორთოდონტიული დიაგნოსტიკა მოიცავს კვლევის სხვადასხვა მეთოდს, ესენია:
- ორთოპანტომოგრამა;
- ანაბეჭდები მოდელების მისაღებად;
- ტელერენტგენოგრამა;
- ფოტოგრაფირება (პირშიგნითა და პორტრეტული ფოტოები);
- საჭიროების შემთხვევაში კომპიუტერული ტომოგრაფია;
- საფეთქელ-ქვედა ყბის სახსრის პრობლემების მქონე პაციენტებში ცეფალომეტრია.
დასახელებული სადიაგნოსტიკო მოდელების საშუალებით, ექიმი იღებს მნიშვნელოვან ინფორმაციას და ხდება მკურნალობის ინდივიდუალური დაგეგმვა.
როგორ უნდა მოვამზადოთ პირის ღრუ ბრეკეტებისთვის?
პირველ ეტაპზე, ბრეკეტის ფიქსაციამდე აუცილებელია მოწესრიგდეს კბილები და მასთან დაკავშირებული პირის ღრუს პრობლემები. საჭიროა, ჩატარდეს პირის ღრუს პროფესიონალური წმენდა, რათა ბრეკეტის ფიქსაცია კბილის ზედაპირზე იყოს უფრო მყარი.
ეთერ, რა სახის ორთოდონტიული კონსტრუქციები არსებობს?
„სმაილ სტუდიო“ თანამედროვე ბრეკეტ-სისტემის ყველა სახეობას სთავაზობს მომხმარებელს. ისინი ერთმანეთისგან განსხვავდება ფიქსაციის, მასალისა და კონსტრუქციის მიხედვით. არსებობს მოუხსნელი და მოსახსნელი კონსტრუქციები. მოსახსნელ კონსტრუქციებს განეკუთვნება ფირფიტები და კაპები, ხოლო მოუხსნელ კონსტრუქციებს - ბრეკეტები, რომლებიც შეიძლება იყოს მეტალის, კერამიკული და ლინგვალური.
კლასიკური მეტალის ბრეკეტები ლიგატურული ბრეკეტების ჯგუფს მიეკუთვნება. სისტემის ძირითადი შემადგენელი ელემენტებია: ბრეკეტი, რკალი და შემაერთებელი ელემენტი ლიგატურა, რომელიც სხვადასხვა ფერის მასალისგან მზადდება.
დღესდღეობით ყველაზე პოპულარულია DAMON Q-ს მეტალის თვითლიგირებადი ბრეკეტი. კლასიკურისგან განსხვავებით, მისი საშუალებით მაქსიმალური შედეგი სწრაფად და უმტკივნეულოდ მიიღება, ექსტრაქციების ალბათობაც მინიმუმამდეა დაყვანილი. თვითლიგირებად ბრეკეტს აქვს სპეციალური ჩამკეტი სისტემა, რომლის საშუალებითაც რკალი ბრეკეტში თავისუფლად მოძრაობს და ხდება კბილების გადაადგილება უმტკივნეულოდ, თავისუფლად ე. წ. სრიალის მექანიზმით.
რა დრო სჭირდება ბრეკეტებით მკურნალობას?
ორთოდონტიული მკურნალობა ბრეკეტ-სისტემით 1.5-2 წლამდე გრძელდება. მკურნალობის ხანგრძლივობა დამოკიდებულია თანკბილვის სირთულესა და პაციენტის პასუხისმგებლობაზე, რაც გულისხმობს ექიმის რეკომენდაციების დაცვას და რეგულარულ ვიზიტებს ორთოდონტთან.
R
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
