6
აპრილიდღის ზოგადი ასტროლოგიური პროგნოზი
ნებისმიერ ადამიანს, ნებისმიერ დროს, შეიძლება თავს უამრავი ამბავი გადახდეს. ხშირია მომენტები, როცა შენი პირადი ისტორიის გამზიარებელი არავინაა. განსაკუთრებით მძიმე შედეგების მომტანია ეს ყოველივე მაშინ, როცა საქმე ყველაზე მთავარს, ჯანმრთელობას ეხება.
მადონა ჯუღელმა ონლაინ პლატფორმა, სახელად "ქალები და გინეკოლოგიური პრობლემები - მადონა ჯუღელი’’ სწორედ ამ მიზნით შექმნა და ქალბატონებს შესაძლებლობა მისცა, ერთ სივრცეში საჭირო ინფორმაცია და სამედიცინო სფეროს წარმომადგენლებისგან კონსულტაციები უანგაროდ მიეღოთ.
"ჯგუფის შექმნის იდეა ჩემს გუნდთან ერთად 2 წლის წინ გამიჩნდა, დიდი ხანი ვფიქრობდით, რომ გვჭირდებოდა პლატფორმა, სადაც ქალბატონები ერთმანეთის დახმარებას, ინფორმაციის გაზიარებას, ღია საუბრებს და პროფესიონალ ექიმებთან კომუნიკაციას შეძლებდნენ. ჩვენი მთავარი მიზანი თავიდანვე ქალბატონების დახმარება და მათთვის პროფესიონალური რჩევების მიცემა იყო, ბუნებრივია სრულიად უსასყიდლოდ.
ჩემი პირადი შეტყობინებები მუდმივად სავსე იყო სხვადასხვა კითხვებით, რომლებსაც ყოველთვის ვპასუხობდი და ეს დღემდე ასე გრძელდება. თუმცა დადგა მომენტი, როდესაც მივხვდი, რომ მსგავსი ტიპის პლატფორმის შექმნა საშუალებას მომცემდა ერთდროულად მრავალი ქალბატონის ინტერესი დამეკმაყოფილებინა და მათთვის გინეკოლოგიური და რეპროდუქტოლოგური მიმართულებით, სასარგებლო რჩევები და საინტერესო ინფორმაცია გამეზიარებინა. ჯგუფი არასდროს დაგვიტვირთვას სარეკლამო შინაარსის პოსტებით და ეს მომავალშიც მკაცრად გაკონტროლდება. ჩვენი მიზანი და ორიენტირი ქალბატონების დახმარება, მათთვის დროული და სწორი რჩევების მიცემაა. მიხარია, რომ ამ პლატფორმის საშუალებით, ქალბატონებისთვის საიმედო სივრცე შევქმენით, სადაც ისინი მათთვის საჭირო კითხვებზე იღებენ პასუხებს და ერთმანეთს საკუთარ გამოცდილებას უზიარებენ.
ორი წლის განმავლობაში ჯგუფში სამედიცინო სფეროს სხვადასხვა სპეციალისტები მოვიწვიეთ, რომლებიც დროს და ენერგიას არ იშურებენ დასმული კითხვების საპასუხოდ. ჯგუფის მოდერატორები ყოველდღიურ რეჟიმში მუშაობენ და ადასტურებენ დასმულ შეკითხვებს. თემის სენსიტიურობიდან გამომდინარე, ჯგუფში ანონიმურად დაპოსტვის შესაძლებლობაც დავამატეთ, რაც ქალბატონებს იდენტიფიცირების გარეშე, საშუალებას აძლევს ღიად ისაუბრონ მათ პრობლემებზე, დასვან შეკითხვები, ერთმანეთს გაუზიარონ რჩევები და პირადი გამოცდილებები.
დღეს, ჯგუფი 65,000-ზე მეტ ქალბატონს აერთიანებს, რაც ჩემთვის უდიდესი ბედნიერება და სტიმულია. მათთან ურთიერთობა ჩემი ყოველდღიურობის ნაწილია, გრძელი სამუშაო დღის შემდეგ, არასდროს მავიწყდება შევამოწმო დასმული შეკითხვები და მათ პასუხები გავცე.
ჯგუფის არსებობის მანძილზე წამოვიწყეთ პირადად ჩემთვის ყველაზე ემოციური კამპანია სახელწოდებით "მე შევძელი’’. ჯგუფის წევრებისგან შევაგროვეთ სხვადასხვა ფაქტები, რომლებიც მათ შეძლეს და შეასრულეს. ამ გზით გვსურდა, მათ საკუთარი განვლილი ცხოვრებისათვის გადაეხედათ, გაეანალიზებინათ და ამ პროცესში ისეთი ფაქტები აღმოეჩინათ, რომლითაც ნამდვილად იამაყებდნენ. თითოეული მათი გზავნილის კითხვისას სიამაყით ვივსებოდი და ვხვდებოდი, რომ ეს პლატფორმა უამრავ საინტერესო, ძლიერ, მებრძოლ ადამიანს აერთიანებს და ერთმანეთთან აკავშირებს.
ამ ჯგუფის დახმარებით, ბევრ ძვირფას ადამიანთან ყოველდღიური ურთიერთობა მაქვს. არ არის მარტივი შექმნა სივრცე, სადაც 65 000 ქალბატონია გაწევრიანებული, ეს უდიდესი პასუხისმგებლობაა, თუმცა ამ პასუხისმგებლობის გრძნობას დიდი სიამაყით ვატარებ. ეს სივრცე ჩემი ვირტუალური ოჯახია, სადაც ვიცი რომ ყოველთვის მელოდებიან და ჩემი გამოჩენა უხარიათ. მინდა ვისარგებლო შესაძლებლობით და ჯგუფის თითოეულ წევრს, ექიმებს უდიდესი მადლობა გადავუხადო. თქვენს გარეშე ჩვენი ვირტუალური ოჯახი არ იარსებებდა!
წინ დიდი სამომავლო გეგმები გვაქვს. მალე დავაანონსებთ ახალი მობილური პლატფორმის შექმნას, რომელიც ჯგუფთან იქნება დალინკული. ამ ეტაპზე დეტალებს საიდუმლოდ დავტოვებ, თუმცა ვფიქრობ ყველას სასიამოვნო და სასარგებლო სიახლეს ვუმზადებთ.
R
