პრობლემები, რომელსაც კბილის დაკარგვა იწვევს – „სმაილ სტუდიო“ სრულ ორთოპედიულ მომსახურებას გთავაზობთ
ორთოპედიული სტომატოლოგიის მიზანი დანაკლისი კბილების, კბილთა მწკრივების დარღვეული ფუნქციური და ესთეტიკური ფუნქციის აღდგენა-მკურნალობაა ხელოვნური კონსტრუქციებით.
თანამედროვე ტექნოლოგიების წყალობით იქმნება ხელოვნური გვირგვინები, რომლებიც საშუალებას აძლევს ექიმს, მაღალესთეტიკურად მოაგვაროს დაკარგული კბილის ან არადამაკმაყოფილებელი ვიზუალის მქონე ღიმილის პრობლემა, სრულად აღადგინოს ყბა-კბილთა სისტემის ფუნქციური ჯანმრთელობა.
„სმაილ სტუდიოში“ განმარტავენ, რომ კლინიკაში მისულ პაციენტს შესაძლებლობა აქვს მიიღოს სტომატოლოგიური და ესთეტიკური მიმართულების სრული სპექტრი ერთ სივრცეში. კლინიკა აღჭურვილია მსოფლიო წამყვანი სტომატოლოგიური ბრენდების აპარატურით, მასალითა და ყველა საჭირო ინვენტარით, რაც ხარისხიანი მომსახურების განსახორციელებლად აუცილებელია.
ორთოპედიულ მომსახურებაზე ვრცლად „სმაილ სტუდიოს“ ექიმი ორთოპედი ბუბა ბაკურაძე გვესაუბრება.
რა პრობლემებს იწვევს კბილების დაკარგვა და რა ფუნქციური დარღვევები შეიძლება განვითარდეს ამ დროს?
დაკარგული კბილი მხოლოდ ვიზუალური პრობლემა არ არის. ხანგრძლივი პერიოდით უკბილოდ ყოფნა სხვადასხვა გართულებებს იწვევს. ასეთ დროს ირღვევა ღეჭვითი ფუნქცია და საკვები სათანადოდ ვერ მუშავდება, რაც საჭმლის მომნელებელი სისტემის პრობლემებს იწვევს. იცვლება სახის პარამეტრები, ადამიანი იმაზე ხანდაზმულად გამოიყურება, ვიდრე არის. იცვლება მეტყველება. ერთი კბილის დაკარგვა მის გვერდით კბილებს აზიანებს, რადგან წარმოიქმნება „გოდონის“ ფენომენი. ამ დროს ხდება კბილების გადანაცვლება დეფექტის მხარეს, რის შემდგომაც რთულდება დანაკლისი კბილის აღდგენა სხვადასხვა ორთოპედიული კონსტრუქციით. კბილთა მწკრივის დარღვევა იწვევს პაროდონტის ქსოვილის გაღიზიანებას, საჭმლის ნარჩენების დაგროვებას კბილთაშორის სივრცეებში, რაც ბაქტერიების გამრავლებისთვის ხელსაყრელი გარემოა. ამ დროს იზრდება როგორც კარიესის, ისე ღრძილების ანთების განვითარების რისკი.
არასრულფასოვანი ღეჭვითი ფუნქცია იწვევს სახის და ყბის კუნთების არათანაბარ სტიმულირებას, ხდება სახსრის გადატვირთვა, რასაც საბოლოოდ სახის ასიმეტრიასა და სახსრის დისფუნქციამდე მივყავართ.
როგორ უნდა მოვიქცეთ კბილის დაკარგვის შემდეგ?
კბილის დაკარგვისთანავე უნდა მიმართოთ ექიმ სტომატოლოგს, რომ მოსალოდნელი გართულებების თავიდან არიდება მოახერხოთ. გახსოვდეთ, დროული დიაგნოსტიკა და სწორად დაგეგმილი მკურნალობა საუკეთესო შედეგის გარანტიაა. თქვენი სურვილები კი ჩვენი კლინიკის მაღალკვალიფიციური და გამოცდილი ექიმებისთვის უმნიშვნელოვანესია.
„ერთად შევქმნათ შენი სრულყოფილი ღიმილი“
R