30
მარტიდღის ზოგადი ასტროლოგიური პროგნოზი
საქართველოში შეერთებული შტატების ელჩის, კელი დეგნანის განცხადებით, ამერიკელი მაღალჩინოსნები სვამენ კითხვებს იმ პირთა მოტივის შესახებ, "რომლებიც განაგრძობენ ტყუილებისა და შეთქმულების თეორიების გამეორებას, რაც თანხვედრაშია პრორუსულ დეზინფორმაციასთან".
ამის შესახებ კელი დეგნანმა "მთავარი არხის“ გადაცემა "პოსტ-ფაქტუმში“ განაცხადა, რითაც უპასუხა კითხვას: ვინ და რა დგას “ქართული ოცნებიდან“ წასული დეპუტატების თავდასხმების უკან და ხომ არ ჰქონია კომუნიკაცია ხელისუფლების პირველ პირებთან?
- როგორც დეგნანი ინტერვიუში აღნიშნავს, არის კითხვები იმასთან დაკავშირებით, რატომ არ ემიჯნება ამ დეზინფორმაციას მმართველი პარტია და მთავრობა.
"არაერთი მაღალჩინოსანი ვაშინგტონიდან მისვამს შეკითხვებს იმ პირთა მოტივის შესახებ, რომლებიც განაგრძობენ ტყუილებისა და შეთქმულების თეორიების გამეორებას, რაც თანხვედრაშია პრორუსულ დეზინფორმაციასთან. აგრეთვე არის კითხვები იმასთან დაკავშირებით, თუ მმართველი პარტია და მთავრობა, რატომ არ ემიჯნება ამ დეზინფორმაციას. ჩნდება კითხვები იმ პირთა მოტივის შესახებ, რომლებიც ცდილობენ დაბნეულობის დათესვას და საზოგადოების უფრო მეტად გახლეჩას.
ვფიქრობ, რეალური კითხვა შემდეგში მდგომარეობს - რა მიზანს ემსახურება ეს, მიზნად ხომ არ ისახავენ სცადონ, ზიანი მიაყენონ იმ ძლიერ პარტნიორობას, რომელიც შეერთებულ შტატებსა და საქართველოს შორის არსებობს უკვე 30 წელია. ჩვენ ერთად ბევრი რამ გავაკეთეთ და ვაგრძელებთ ბევრი მიმართულებით მჭიდრო და ნაყოფიერ თანამშრომლობას მთავრობასთან და პარტნიორებთან სხვადასხვა სფეროში. იქნება ეს თავდაცვა, უსაფრთხოება, ეკონომიკა, ენერგეტიკა, განათლება,
საზოგადოებრივი ჯანდაცვა თუ სხვა. როდესაც საქართველოს მთავრობის წარმომადგენლებს ვხვდები, იქნება ეს პრემიერ-მინისტრი თუ სხვა, ჩვენ ვსაუბრობთ იმ საკითხებზე, რაც ნამდვილად მნიშვნელოვანია ამ ქვეყნის მომავლისთვის. კვლავ ვიმეორებ - ეს საქართველოსთვის უმნიშვნელოვანესი წუთებია. მას აქვს ევროკავშირის კანდიდატი ქვეყნის სტატუსის მიღების შესაძლებლობა. ეს ისეთი რამეა, რასაც გასულ წელს ვერავინ წარმოიდგენდა, ვერც მთავრობა და ვერც ხალხი. ახლა კი დროა ყველამ ყურადღება გაამახვილოს ევროკავშირის რეკომენდაციების შესრულებაზე და დაანახოს ევროკავშირს, რომ საქართველოს განსხვავებების მიუხედავად შეუძლია გაერთიანება და ამის ქვეყნის მომავლის პრიორიტეტად ქცევა“, - განაცხადა კელი დეგნანმა.
ალექს წადი რა მახოხის ჭამა გააგრძელე და პოლიტიკაში ცხვირის ჩაყოფას თავი დაანებე!
რა თქმა უნდა, ვაშინგტონის კითხვებს პასუხი უნდა გაეცეს და დარწმუნებული ვარ, რომ ამას დღევანდელი ხელისუფლება აუცილებლად გააკეთებს, მაგრამ მეორე მხრივ აშშ-იც ანალოგიურად უნდა მოიქცეს, ანუ ქართული მხრიდან დასმულ კითხვებსაც დასაბუთებულად უპასუხოს და არ მოიგონოს, რომ ეს მათზე შეტევაა.
სხვანაირად რომ ვთქვათ მოძრაობა არა ცალმხრივი არამედ ორხმრივი უნდა იყოს, თუ რათქმა უნდა ჩვენი ურთიერთობები სტრატეგიული პარტნიორობაა.
ჩვენ უზარმაზარი გამოცდილება გვაქვს ამ მიმართულებით, როდესაც ჯერ თბილისში ცარიზმის დროს მოვლენილი იყო რუსი ნამესტნიკი, ხოლო შემდეგ კომუნისტების დროს მოსკოვიდან გამოგზავნილი ცკ-ს მეორე მდივანი, რომლებიც ფაქტიურად აკონტროლებდნენ და ხელმძღვანელობდნენ ადგილობრივ ხელისუფლებას.
რაც შეეხება დეზინფორმაციას, ამის გარკვევა ჩვენს საზოგადოებას გამომდინარე ზემოთ თქმულიდან არ გაუჭირდება.