მნიშვნელოვანი ინფორმაცია
4
მაისიდღის ზოგადი ასტროლოგიური პროგნოზი
ორშაბათი, მთვარის მეცხრე დღე დაიწყება 12:42-ზე, მთვარე ქალწულს ესტუმრება 23:42-ზე
რთული და დაძაბული დღეა. არ მოატყუოთ გარშემო მყოფები და არც თავად მოტყუვდეთ. არ წამოიწყოთ ახალი საქმეები. მოერიდეთ ვაჭრობას, ურთიერთობის გარჩევას. ცუდი დღეა საქმეების გარჩევისთვის. შესაძლოა, სამუდამოდ დაკარგოთ ადამიანი. არასასურველია სამსახურის, საქმიანობის შეცვლა. კარგი დღეა შორეული მგზავრობის დასაწყებად. აქტიურად დაისვენეთ, ივარჯიშეთ. შეასრულეთ საოჯახო საქმეები, გადააადგილეთ ავეჯი, კარგია მუშაობა მიწასთან. ქორწინება და ნიშნობა სხვა დღისთვის გადადეთ. კარგი დღეა ორგანიზმის გასაწმენდად, წიდებისგან გათავისუფლება. ალკოჰოლსა და სასმელს დღეს საერთოდ ნუ მიიღებთ. აგრეთვე მოერიდეთ კუჭის გადატვირთვას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"Груსული ოცნება“ - რუსეთის აგენტი ელჩები" - სუს-ის ყოფილი მაღალჩინოსანი ამტკიცებს, რომ ელჩად დასანიშნთა სიაში 2 აგენტურულ ბაზაში ირიცხებოდა
16:16 / 13-09-2022
სოსო გოგაშვილი აცხადებს, რომ მისი სუს-ში მუშაობისას საგარეოდან კონტრდაზვერვაში გადმოგზავნილ ელჩად დასანიშნთა სიაში 2 აგენტურულ ბაზაში ირიცხებოდა, თუმცა გომელაურმა უთხრა, რომ "ორივეზე თანხმობა გაეშვა“.
სუს-ში მუშაობის პერიოდში, კონტრდაზვერვაში სტანდარტულად გადმოიგზავნა ელჩად დასანიშნი კანდიდატების სია - აღმოჩნდა, რომ ორი მათგანი ირიცხებოდა აგენტურულ ბაზაში - გომელაურმა მითხრა, ორივეზე გამეშვა თანხმობა და მე შევასრულე, - ამის შესახებ სუს-ის უფროსის ყოფილი მოადგილე სოსო გოგაშვილის მორიგ წერილშია აღნიშნული, რომელიც მის "ფეისბუქ“ გვერდზე გავრცელდა.
გოგაშვილი ვარაუდობს, რომ ახლა აღნიშნული პირების გადანიშვნის პერიოდია და პრეზიდენტის წარმომადგენელს ან დეპუტატს, რომელსაც მსგავს ინფორმაციაზე წვდომა აქვს, კონკრეტული გვარების დასახელებას სთავაზობს.
"Груსული ოცნება“ - ნაწილი 3 - რუსეთის აგენტი ელჩები.
სანამ საგარეო საქმეთა სამინისტრო რომელიმე ქვეყანაში საქართველოს ელჩს ან დიპლომატიური სტატუსის მქონე ნებისმიერ კანდიდატს წარადგენს, სუს-ში აგზავნის დასანიშნი კანდიდატების სიას. სუს-ის ფუნქციაა, გადაამოწმოს ყველანაირად კანდიდატი, ასევე, დამატებით ვალდებულებას ანიჭებს "თავისუფლების ქარტიაც“, თუ კანდიდატი ირიცხება სუს-ის აგენტურულ ბაზაში ან აქვს საეჭვო კავშირები მტრულად განწყობილ სახელმწიფოსთან, ის დაუყოვნებლივ იბლოკება და შემდეგ ტარდება შესაბამისი ღონისძიებები.
ჩემი სუს-ში მუშაობის პერიოდში, საგარეოდან კონტრდაზვერვაში გადმოიგზავნა სტანდარტულად ელჩად დასანიშნი კანდიდატების სია. გადამოწმების შედეგად აღმოჩნდა, რომ ორი მათგანი ირიცხება აგენტურულ ბაზაში (სუკი), შესაბამისად, მე გადავეცი დავალება შეეჩერებინათ მათი დანიშვა, დანარჩენების სია კი გადავაგზავნე საგარეო საქმეთა სამინისტროში. დაბლოკილმა კანდიდატებმა გაჭიანურების შემდეგ მოიკითხეს საგარეო საქმეთა სამინისტროში თუ რა ხდებოდა, სადაც უთხრეს, რომ გოგაშვილმა დაბლოკა ისინი. მათ, ბუნებრივია, შეაწუხეს თავის "პატრონი“, რომელმაც დიდი აჟიოტაჟი ატეხა, დაურეკა ივანიშვილსა და კვირიკაშვილს. დამიბარა ჩემმა უფროსმა, გომელაურმა და მომთხოვა თუ რა მიზეზით მყავდა დაბლოკილი ელჩობის კანდიდატები. "შეფმა ცალკე დამირეკა და კვირიკაშვილმა ცალკე ამ საქმეზეო“ - თქვა გომელაურმა. ერთის რეკომენდატორი ყოფილა გოგა ხაინდრავა და დეტალურად გამირკვიე, რა ხდებაო. მე მას ავუხსენი ყველაფერი და გავაცანი ოპერატიული ცნობა აგენტების შესახებ, მან მითხრა, რომ ცნობა დამეხია და ორივეზე გამეშვა თანხმობა საგარეო საქმეთა სამინისტროში, რაც მე შესაბამისად შევასრულე.
ამ "ელჩების“ გადანიშვნის პერიოდი ჩემი ვარაუდით ახლა უწევს და არ არის გამორიცხული, ეს უკვე პრეზიდენტის მაგიდაზე იდოს. სურვილის შემთხვევაში, პრეზიდენტის წარმომადგენელს ან დეპუტატს, რომელთაც აქვთ წვდომა მსგავს ინფორმაციაზე, შემიძლია მივაწოდო კონკრეტული გვარები.
პ.ს. ამ "ინციდენტის“ შემდეგ გოგა ხაინდრავა გადამემტერა. იყო კიდევ ორი "ინციდენტი“, რომელიც არ არის პირადული და მე საზოგადოებას ამის შესახებ მივაწვდი ინფორმაციას, რადგან ეს საკითხები ეხება ადამიანების უფლებების დარღვევებს“,- აცხადებს გოგაშვილი.
მკითხველის კომენტარები /
27 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხანგრძლივი ზრდის შემდეგ, თბილისში პარკირების ჯარიმები შემცირდა, თანაც თითქმის 60%-ით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
როგორც ორგანიზმში ღვიძლი ასრულებს გამწმენდ სასიცოცხლო ფუნქციას, ისეა სუსი სახელმწიფოში და მრავალი წამხდარი საქმე იქ იწმინდება-კონტროლდება, ეს არ არის გასაკვირი. კომენტარები წაიკითხე,სოსო, აქ არის სწორი შეფასებები.
არ უნდა ამ საქმეს ბევრი ლაი-ლაი: ნაცი უფრო აგენტია, თუ ქოცი! ვისაც 1989 წელს ცხვირწინ საქ სსრ КГБ-ს არქივი ააცალეს, ე, იმან დაღუპა საქართველოს დამოუკიდებლობა!