მნიშვნელოვანი ინფორმაცია
6
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ეს "ოთხეული“, "ოთხი ამიგო“, "ჩარლის 4 ანგელოზი“ საკუთარ აზრებს არ აჟღერებს, ფოსტალიონის როლში არიან, წერილის ავტორი ბატონი ივანიშვილია" - კახა ქემოკლიძე
13:45 / 26-08-2022
"ეს "ოთხეული“ საკუთარ აზრებს არ აჟღერებს. ისინი ფოსტალიონის როლში არიან და ჩვენი აზრით, წერილის ავტორი არის ბატონი ივანიშვილი. პირველ რიგში ის უნდა გამოვიდეს და თქვას რა უნდა", - ამის შესახებ პარტია "საქართველოსთვის“ ერთ-ერთმა ლიდერმა, კახა ქემოკლიძემ ჟურნალისტებთან საუბრისას განაცხადა, რითაც ის "ქართული ოცნებიდან“ წასული დეპუტატების - სოზარ სუბარის, დიმიტრი ხუნდაძის, გურამ მაჭარაშვილის და მიხეილ ყაველაშვილის დღეს გავრცელებულ მორიგ ერთობლივ განცხადებას გამოეხმაურა. "ოცნებიდან“ წასული დეპუტატები აღნიშნავენ, რომ "ე.წ. გავრილოვის ღამეს ერთი მხრიდან პარლამენტში საელჩოს ერთი ფავორიტი, ნიკანორ მელია იჭრებოდა, ხოლო მეორე მხრიდან ადამიანებს დამიზნებით საელჩოს კიდევ ერთი ფავორიტი, გიორგი გახარია ესროდა“.
- ქემოკლიძის თქმით, 20 ივნისის შემდეგ, როდესაც გიორგი გახარია პრემიერ-მინისტრად დაინიშნა, ოცნებიდან წასული აღნიშნული დეპუტატები მას "ტაშს უკრავდნენ და აქებდნენ“.
"საგულისხმოა, რომ ეს "ოთხეული“ საკუთარ აზრებს არ აჟღერებს. ეს "ოთხეული“ არის ფოსტალიონის როლში და წერილის ავტორი ჩვენი აზრით, არის ბატონი ივანიშვილი, პირველ რიგში, ის უნდა გამოვიდეს და თქვას რა უნდა. ამ წერილებით, ამ ადამიანების ხელით რომ ავრცელებს, თქვას რისი თქმა უნდა ქართული საზოგადოების წინაშე. ნიშანდობლივია, რომ ეს ადამიანები ტაშს უკრავდნენ ბატონ გახარიას. 20 ივნისის შემდეგ ბატონი გახარია დაინიშნა პრემიერად, მას ტაშს უკრავდნენ, აქებდნენ, ადიდებდნენ და თუ რამის თქმა უნდოდათ, მაშინ რატომ საუბრობდნენ სხვანაირად და დღეს რატომ საუბრობენ სხვანაირად? ჩემი აზრით, აქ ნიშანდობლივია, რომ წერილის მთავარი ავტორი ვინც არის, ის უნდა გამოვიდეს და იმან უნდა თქვას რაც უნდა.
ვფიქრობ, ამ ადამიანებმა არც მაშინ იცოდნენ სიღრმისეულად რა ხდებოდა სახელმწიფოს შიგნით, მათ შორის 20 ივნისთან დაკავშირებით და არც ახლა იციან. ეს ადამიანები ჩვეულებრივი ფოსტალიონის როლში საუბრობენ იმ დეტალებზე, რომელზეც წარმოდგენა საერთოდ არ აქვთ, ამიტომ წერილის ავტორი ვინც არის, უნდა გამოვიდეს და თქვას საერთოდ რა უნდა - გინდ ამერიკელებთან მიმართებით, გინდ ბატონ გახარიასთან და სხვებთან მიმართებით. ვფიქრობ, ეს ყველაფერი არის აბსურდი და ამ აბსურდის ავტორი არის ერთი ადამიანი და ეს "ოთხი ამიგო“ და "ოთხი ჩარლის ანგელოზი“ სულაც არ არის ამ წერილის ავტორი. შესაბამისად, წერილის ავტორი ვინც არის, ის უნდა გამოვიდეს და თქვას რა უნდა“, - განაცხადა ქემოკლიძემ.
- როგორც მან ასევ აღნიშნა, "ოცნებიდან“ წასული დეპუტატების მიერ ბოლო დროს გავრცელებულ განცხადებებს ერთადერთი მიზანი აქვს.
"ერთადერთი მიზანია, რომ ჩამოიწიოს ქართულ საზოგადოებაში დასავლეთის მხარდაჭერა, რადგან როდესაც დასავლეთის მხარდაჭერა ქართულ საზოგადოებაში არის დაახლოებით 85-87%, აპრიორი ეს იმას ნიშნავს, რომ ნებისმიერ ხელისუფალს მოუწევს იმ 12-პუნქტიანი რეკომენდაციების გეგმის შესრულება, რომელიც ევროკავშირმა ჩადო კანდიდატის სტატუსის მისაღებად პირობითობის პაკეტში. ამ 12-პუნქტიანი შეთანხმების მიღწევა შინაარსობრივად არ უნდათ, რადგან ეს იმას ნიშნავს, რომ ინსტიტუციურად სახელმწიფო ბევრად უფრო განვითარდება და ავტომატურად "ქართული ოცნება“ დაკარგავს ერთპიროვნული მმართველობის ინსტრუმენტებს.
"ქართულ ოცნებას“ და მასში დარჩენილ სუბიექტებს არც მაშინ [2019 წლის 20 ივნისს] ჰქონდათ მორალი და არც ახლა აქვთ მორალი. დღეს ერთს იძახდე, ხვალ - მეორეს და ზეგ -მესამეს და შემდეგ პირველ ჩვენებას უბრუნდებოდე, ქართულ პოლიტიკაში ამაზე დიდი აბსურდი და სირცხვილი არ არსებობს. ადამიანი ფასობს საკუთარი სიტყვით და საკუთარი სიტყვით იჭედება ღირსება. როდესაც ერთს იძახი, ეს პოზიცია უნდა დაიცვა - თუ არადა საერთოდ განცხადებების გაკეთებას უნდა შეეშვა, ეს არის ჩვენი პრინციპი“, - განაცხადა კახა ქემოკლიძემ.
ცნობისთვის, "ქართული ოცნებიდან“ წასული 4 დეპუტატის დღევანდელ განცხადებაში აღნიშნულია, რომ "ე.წ. გავრილოვის ღამეს ერთი მხრიდან პარლამენტში საელჩოს ერთი ფავორიტი, ნიკანორ მელია იჭრებოდა, ხოლო მეორე მხრიდან ადამიანებს დამიზნებით საელჩოს კიდევ ერთი ფავორიტი, გიორგი გახარია ესროდა“.
მათივე შეფასებით, ელჩის ბოლო ორი კომენტარით კიდევ ერთხელ ცხადი გახდა, თუ სინამდვილეში ვინ დგას რადიკალური ოპოზიციის "რადიკალური დღის წესრიგის უკან“.
მკითხველის კომენტარები /
15 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ზოგზოგები 4 ქლიბსაც ეძახიან...
ქემოკლიძე სუფთა შემოულაწუნეა ფილმიდან. ეს დორბლიანი სხვაზე რომ ხმას ამიიღებს თვითონ რას წარმოადგენს