მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მედვედევმა და მსგავსმა ბრიყვებმა უნდა იცოდნენ: საქართველოში რომ "ვეფხისტყაოსანი“ იწერებოდა, რუსები ტყეში დარბოდნენ პაპუასებივით" - პაატა მანჯგალაძე
14:31 / 02-08-2022
მედვედევმა და მსგავსმა ბრიყვებმა უნდა იცოდნენ, რომ საქართველოს 3000-წლოვანი სახელმწიფოებრიობის ისტორია აქვს და საქართველომ რომ ქრისტიანობა სახელმწიფო რელიგიად მიიღო, მოსკოვის ადგილას ჭაობი იყო, უფრო მეტიც, საქართველოში რომ "ვეფხისტყაოსანი“ იწერებოდა, რუსები ტყეში დარბოდნენ პაპუასებივით,- ამის შესახებ ჟურნალისტებთან "სტრატეგია აღმაშენებლის“ დეპუტატმა პაატა მანჯგალაძემ სოციალურ ქსელში უშიშროების საბჭოს მდივნის მოადგილის, დიმიტრი მედვედევის გვერდზე გამოქვეყნებულ "პოსტთან“ დაკავშირებით განაცხადა.
მისი თქმით, ხელისუფლებამ აუცილებელია მსგავს განცხადებებს უპასუხოს.
"რუსეთი ძალიან მძიმე მდგომარეობაშია. მას პრეტენზია ჰქონდა, ყოფილიყო ზესახელმწიფო და აღმოჩნდა, რომ უკრაინასთან მთელ რიგ ხაზზე აქვს სერიოზული ზიანი და მარცხი. სასოწარკვეთილ მედვედევს რა დარჩენია იმის გარდა, რომ უკრაინაში მარცხი დააკომპენსიროს საქართველოზე და სხვა ქვეყნებზე საუბრით? მან არც ისტორია იცის და რუსულ იმპერიულ ნააზრევს წარმოადგენს. მედვედევმა და მისმა მსგავსმა ბრიყვებმა უნდა იცოდნენ და ვინმემ აუხსნას მათ, რომ საქართველოს 3000-წლოვანი სახელმწიფოებრიობის ისტორია გააჩნია და საქართველომ რომ ქრისტიანობა სახელმწიფო რელიგიად მიიღო, მოსკოვის ადგილას იყო ჭაობი, უფრო მეტიც, საქართველოში რომ "ვეფხისტყაოსანი“ იწერებოდა, რუსები ტყეში დარბოდნენ პაპუასებივით. "ქართულმა ოცნებამ“ კეთილი ინებოს და საგარეო საქმეთა სამინისტრომ ერთი განცხადება მაინც გააკეთოს საქართველოს სახელით, თუ რას წარმოადგენს საქართველო და რა ისტორიის მატარებელი ვართ. ამაზე მეტიც უნდა გავაკეთოთ - იყო ამერიკელი კონგრესმენის განცხადება, რომ საქართველოს სჭირდება თანამედროვე შეიარაღება, ზუსტი და მობილური "ჰაიმარსები“ და არამარტო "ჰაიმარსი“ უნდა იყოს საქართველოში, უნდა იყოს თანამედროვე დასავლური შეიარაღება, რომ თავდაცვის ძალებმა რუსეთის საფრთხის მოგერიება შეძლოს,“ - განაცხადა მანჯგალაძემ.
ცნობისთვის, დიმიტრი მედვედევის გვერდზე დაიდო პოსტი, რომელიც რუსეთის იმპერიალისტურ მოსაზრებებს ეხებოდა და ნათქვამი იყო, რომ კიევის დაბრუნების შემდეგ, რუსეთი თავის საზღვრებს აღადგენს, რომელთა გაფართოებისთვის წლების განმავლობაში სისხლი იღვრებოდა. მოგვიანებით პოსტი წაშალეს, მედვედევის თანაშემწე ოლეგ ოსიპოვმა კი განაცხადა, რომ სოციალურ ქსელ "ВКонтакте“- ში მედვედევის გვერდი გატეხეს.
მედვედევის გვერდზე განთავსებულ პოსტში საქართველოზეც იყო საუბარი.
"საქართველოს შეერთებამდე ის საერთოდ არ არსებობდა. 1801 წლისთვის დღევანდელი საქართველოს ტერიტორია 5 სუვერენული პოლიტიკური ერთეულისგან შედგებოდა: ქართლი და კახეთი, დედაქალაქით თბილისში, იმერეთი დედაქალაქით ქუთაისში, ორი სამთავრო - სამეგრელო და გურია ზღვის სანაპიროზე და სვანეთის სამთავრო მთებში ანუ საქართველო დღევანდელი საზღვრებით შეიქმნა რუსეთის იმპერიის ფარგლებში. საქართველო მიისწრაფოდა რუსეთისკენ, რადგან ესმოდა, რომ რუსეთი იყო მისი ერთადერთი მოკავშირე მუსლიმური სახელმწიფოების საკმაოდ მტრულ გარემოცვაში და დღეს იგივე ისტორია მეორდება- ჩრდილოეთი და სამხრეთი ოსეთი, აფხაზეთი და საქართველოს დანარჩენი ტერიტორია შეიძლება გაერთიანებული იყოს რუსეთის ერთიანი სახელმწიფოს შემადგენლობაში“, - ნათქვამი იყო პოსტში, რომელიც მოგვიანებით სოციალური ქსელიდან წაშალეს.
იხილეთ ასევე:
მკითხველის კომენტარები /
19 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მეჯავრება რუსები-ს კომენტარის ავტორს და მის მომწონებლებს!
რუსები დიდი კულტურის ხალხია!
რატომ გეჯავრებათ?? იმიტომ რომ ტურქები მოგვაშ`რეს და ფაქტიურად საქარტველო რომ არსებობს როგორც მარტმადიდებელიქვეყანა რუსების დიდი წილია!!!
მეორეც ნუ გამოხვალტ ერეკლე მეპესა და ილია ჭავჭავაძეზე მეტი პატრიოტები!
მესამეც რუსები გეჯავრებატ იმიტომ ... ქარტველები როგორები ვართ?? რა გავუკეტეტ ერტმანეთს საუკუნეების განმავლობაშ და გასულ ტუ ამჯამინდელ საუკუნეშ?? სააკაშვილი ციხეები რომ არ გაიხსენოტ სხვაც ბლომად არის , ძალიან "ბლომად".
ევროპელები ძალიან საყვარლები არიან თეთრ კბილს რომ გვიჩვენებენ და ზურგს უკან ძირს გვითხრიან ყველანაირად!
ასე რომ მორჩტ უაზრო , ზიზღის მომგვრელ შეფასებებ!
ყველა ერშ არის კარგიც და ცუდიც და ნუ ჰქვებიტ იდ--ოტ ევროპას!
ვირის წიხლი საწყენდ არ უნდა მიიღო! როგორ შეიძლება შოთასა და ვაჟას ერმა რუსების გვერდით დადგომა იკადროს!