მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
გორში, სარწყავი არხის გამო 29 წლის მამაკაცის მკვლელობის საქმეზე 70 წლამდე ქალს პატიმრობა შეეფარდა: რა მოხდა სოფელ კირბში?
14:00 / 25-07-2022
გორის რაიონულმა სასამართლომ, სოფელ კარბში სარწყავი არხის გამო მოხდარი მკვლელობის საქმეზე 70 წლამდე ქალს აღკვეთის ღონისძიების სახით პატიმრობა შეუფარდა.
29 წლის თანასოფლელის მკვლელობის ბრალდებით დაკავებულ 68 წლის ქალს გორის რაიონულმა სასამართლომ აღკვეთის ღონისძიებად პატიმრობა შეუფარდა.
მოსამართლე გოგა კუპრეიშვილმა სრულად გაიზიარა ბრალდების მხარის შუამდგომლობა.
ბრალდების მხარე 68 წლის ქალს სსკ-ის 117-ე მუხლის მე-2 ნაწილით (ჯანმრთელობის განზრახ მძიმე დაზიანება, რამაც სცოცხლის მოსპობა გამოიწვია) ედავება, რაც თავისუფლების აღკვეთას 5-დან 8 წლამდე ვადით ითვალისწინებს.
საქმის პროკურორმა მოსამართლის წინაშე ბრალდებულის მიმართ აღკვეთის ღონისძიებად პატიმრობის გამოყენება მოითხოვა.
განსხვავებულია დაცვის მხარის პოზიცია. როგორც ადვოკატმა პროცესზე განაცხადა, მისი დაცვის ქვეშ მყოფისთვის პატიმრობის შეფარდების საფუძველი არ არსებობდა და შესაბამისად, სასამართლოს წინაშე 2000 ლარიანი გირაოს სანაცვლოდ პირობითი გათავისუფლების შუამდგომლობა დააყენა, თუმცა, მოსამართლემ დაცვის მხარის მოთხოვნა არ დააკმაყოფილა.
რაც შეეხება თავად ბრალდებულს, იგი დანაშაულს არ აღიარებს და დუმილის უფლებას იყენებს.
გარდაცვლილის ოჯახი ბრალდებულის მიმართ უმკაცრესი ზომების მიღებას ითხოვს.
"უმკაცრესად უნდა დაისაჯოს ჩემი შვილის მკვლელობისთვის, რა გირაო მოითხოვა ადვოკატმა, ან თავად როგორ აცხადებს, რომ თავს დამნაშავედ არ ცნობს? უფრო მეტიც, ვიდრე სასიკვდილო დაზიანებას მიაყენებდნენ ჩემს შვილს, მანამდე 5 კაცი სცემდა, ხელის განძრევის საშუალებას არ აძლევდნენ, ამ ქალის შვილმა წამოიწყო ჩხუბი, ჯერ მან სცემა ჩემს შვილს, ის სად არის, რატომ გადამალეს, მანაც უნდა აგოს პასუხი, როგორც თანამონაწილემ“, - განაცხადა გარდაცვლილის მამამ ბიჭიკო გვიმრაძემ.
სარწყავი არხის თაობაზე მომხდარი დაპირისპირებისას დაშავებული 29 წლის მამაკაცი ერთკვირიანი კომის შემდეგ, გუშინ გარდაიცვალა. როგორც ცნობილია, აწ გარდაცვლილ ლევან გვიმრაძესა და მის თანასფლელ 35 წლამდე მამაკაცს შორის კონფლიქტში ერთ-ერთის მშობელი, 70 წლამდე ქალი ჩაერია. ქალმა ლევან გვიმრაძეს თავში ქვა ჩაარტყა... თავის ტვინის მძიმე დაზიანებით ლევან გვიმრაძე "გორმედში" მოათავსეს, სადაც ერთი კვირის განმავლობაში კომაში იმყოფებოდა.
"ნაცემი იყო, ბეჭები დაზიანებული ჰქონდა. ამ დროს დედამისს აუღია ქვა და ჩაურტყამს. ან რა სიმძლავრით ჩაარტყა, არ ვიცი. მეუბნებოდნენ ხელოვნურად ვაძინებთო, თურმე კომაში ყოფილა" - აცხადებს გარდაცვლილის დედა "ფორმულასთან".
გარდაცვლილის ოჯახი მოითხოვს სამართალდამცავებმა დააკავონ მკვლელობაში ბრალდებული ქალის შვილიც, რადგან მიიჩნევენ, რომ ამ კონფლიქტის ინიციატორი ის იყო.
მკითხველის კომენტარები /
18 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საიდანა ხაარ შენა,შიგ გორიდანა??ეგე ხო წერდა გამოხტებაო კაკო ყაჩაღიო?გამოხტა დასატრენინგებელი
ნინოი!
საერთოდ უცნაურად აგრესიული და გაუგებარი აზროვნების ხალხი ცხოვრობს შიდა ქართლში,ნებისმიერ სიტყვაზე შეუძლიათ ააშენონ რაღაც უბედურება,კაცები ძირითადად უსაქმური,მსმელი ბირჟავიკი ტიპები, სახლში კი ეჭვიანი და ცოლების ცემატყეპია ხალხია!ძირითადად მუშაობენ ქალები,კაცები კუ მუქთახორობენ და ლოთობენ!შეხება მაქვს და ვიცი რასაც ვწერ!ყველას არ ვგულისხმობ მაგრამ ძირითადად ასეა.,სერიოზული მუშაობაა მათთნ საჭირო და ფსიქოლოგიური ტრენინგები,.რადგან გაიგონ რომ ცოლი ნივთი არა,არ უნდა ურახუნო თავში.რომ მუშტებით და კბილების ხრჭენის ნაცვლად შეიძლება კონფლიქტი მოაგვარო საუბრით ,ლაპარაკით ,მაგრამ როგორც არუნდა გაგიკვირდეთ ქალებიც მეტი წილი ასე აზროვნებს ,ეტყობა ღირსი იყო და იმიტომ სცემა,იმიტომ მოკლა,იმიტომ დაჭრა,აი მათი არგუმენტები ასეთ ტრაგიკულ შემთხვევებზე!აქაც დარწმუნებული ვარ ჩემს კომენტარზე გამოხტება ვინმე კისერდაძარღვული კაკოყაჩაღი და ვენებს გადაიბდღვნის,ეს რა შეურაცხყოფა მოგვაყენესო!