ამერიკამ თინა კანდელაკს, მის მეუღლესა და შვილებს სანქციები დაუწესა - როგორია პუტინის პროპაგანდისტის პასუხი: "სასიამოვნოა მათ რიცხვში ყოფნა, ვინც საკუთარს არ თმობს"
შეერთებულმა შტატებმა ქართული წარმოშობის რუს პროპაგანდისტ თინა კანდელაკს სანქციები დაუწესა. ახალი სანქციების სიაში ასევე შედის 46 პირი, რომლებიც მხარს უჭერენ რუსეთის სრულმასშტაბიან შეჭრას უკრაინაში. მათ შორის არიან კანდელაკის ქმარი, ბიზნესმენი ვასილი ბროვკო, ასევე ორი შვილი პირველი ქორწინებიდან - მელანია კონდრახინი და ვაჟი ლეონტი კონდრახინი.
ამ სიახლეს თინა კანდელაკი ტელეგრამზე უკვე გამოეხმაურა.
"სასიამოვნოა იმ ღირსეულ ადამიანთა რიცხვში ყოფნა, ვინც საკუთარს არ თმობს. სამყარო შეიცვალა და ჩვენ არასოდეს ვიქნებით ძველი სამყაროს ნაწილი. იქ არ გველოდნენ და არც გველოდებიან. ვინც ორ სკამზე ჯდომას ცდილობს, ან პირიქით, უცხო სკამზე გადაჯდა, მაინც თანაუგრძნობ.
მათი სამშობლო მხოლოდ აქ არის. ასე იყო ყოველთვის და ასე იქნება. ჩემთვის, ჩემი შვილებისთვის და ჩემი ოჯახისთვის!“ - წერს კრემლის პროპაგანდისტი.
თინა კანდელაკის სანქციების სიაში აღმოჩენას, მისი მეგობარი და კრემლის კიდევ ერთი პროპაგანდისტი მარია ზახაროვა გამოეხმაურა.
- თინა, როდის ვზეიმობთ? - წერს ზახაროვა.
რაზეც კანდელაკმა უპასუხა, "პოლიტიკაში არ მინდა ყოფნა, მაგრამ ძალით მიმათრევენ. დავიღალე საპასუხო ბრძოლით, იქნებ დავიწყო პოლიტიკური კარიერა?..“ - გამოეხმაურა მეგობარ პროპაგანდისტს კანდელაკი.