4
მაისიდღის ზოგადი ასტროლოგიური პროგნოზი
თუ საქართველო სერიოზულად განიხილავს თავის ევროპულ გზას, ვერ იქნება ადგილი პოლიტიზებული მართლმსაჯულებისთვის და მედიის თავისუფლების დარღვევისთვის , - ამის შესახებ ევროკომისიის ვიცე-პრეზიდენტმა ვალდის დომბროვსკისმა ევროპარლამენტში მიმდინარე დებატების დროს განაცხადა, რომელიც "საქართველოში მედიის თავისუფლებისა და ჟურნალისტების უსაფრთხოების დარღვევის“ საკითხს ეხებოდა.
დომბროვსკისმა აღნიშნა, რომ თავისუფალი, მრავალფეროვანი და დამოუკიდებელი მედია ნებისმიერი საზოგადოებისთვის აუცილებელია, რათა ხელი შეუწყოს და დაიცვას აზრისა და გამოხატვის თავისუფლება და ადამიანის სხვა უფლებები.
მისი თქმით, დამოუკიდებელი მედია დემოკრატიული საზოგადოების ერთ-ერთ ქვაკუთხედს წარმოადგენს.
"ბატონი გვარამიას წინააღმდეგ განაჩენი გამოტანილია ევროკავშირის არაერთგზის მოწოდების ფონზე, რაც სასამართლო სისტემის შემდგომ რეფორმას შეეხება ნდობის მოპოვებისა და მისი დამოუკიდებლობის გაზრდის მიზნით. ეს საქართველოს ხელისუფლების მიერ დიდი ხნის წინ აღებული ვალდებულებაა“, - დასძინა ევროკომისიის ვიცე-პრეზიდენტმა.
მისი თქმით, ევროკავშირმა საქართველოში ჟურნალისტების მიმართ ძალადობის მზარდი რაოდენობა შენიშნა და განაცხადა, რომ ძალადობა და დაშინება არასოდეს არის მისაღები.
"მოვუწოდებთ ხელისუფლებას, არ დატოვოს ადგილი დაუსჯელობისთვის და დაიწყოს ჟურნალისტების მიმართ ძალადობის საქმეების მიუკერძოებელი, ეფექტური და დროული გამოძიება, ასევე მოვუწოდებთ, გააუმჯობესოს ჟურნალისტებისა და მედიის სხვა პროფესიონალების დაცვა, უსაფრთხოება და უფლებამოსილება“, - განაცხადა ევროკავშირის მაღალჩინოსანმა.
ევროკომისიის ვიცე-პრეზიდენტმა აღნიშნა, რომ სამწუხაროდ, მათ მცირე პროგრესი ნახეს 2021 წლის 5 ივლისს, ლგბტ ადამიანებისა და ჟურნალისტების წინააღმდეგ ძალადობრივი თავდასხმების ორგანიზატორის მიმართ გამოძიებისა და სამართლებრივი დევნის კუთხით.
"კიდევ ერთხელ მოვუწოდებ ხელისუფლებას, გააორმაგოს ძალისხმევა და უზრუნველყოს შეკრების თავისუფლების დაცვა ნებისმიერი სახის სიძულვილითა თუ შეუწყნარებლობით მოტივირებული თავდასხმებისგან“, - აღნიშნა დომბროვსკისმა.
"ჩვენ კვლავაც შეშფოთებული ვართ ქართული სასამართლო სისტემის დამოუკიდებლობისა და მიუკერძოებლობის მიმართ არსებული კითხვების გამო" - განაცხადა ვალდის დომბროვსკისმა
ევროკავშირის მაღალჩინოსნის თქმით, ევროგაერთიანებამ საქართველო ამ საკითხების გადასაჭრელად და მართლმსაჯულების რეფორმაში ჩართვისთვის არაერთხელ მოიწვია.
"ევროკავშირი რჩება საქართველოს ახლო მეგობრად და პარტნიორად და ის მტკიცედ არის ჩართული ევროკავშირ-საქართველოს ურთიერთობების შემდგომი გაღრმავების პროცესში. ეს არის გადამწყვეტი მომენტი საქართველოსთვის და უფრო ფართო რეგიონისთვის იმ კონტექსტში, სადაც რუსეთის ომმა უკრაინის წინააღმდეგ აშკარად შექმნა ახალი რეალობა“, - დასძინა დომბროვსკისმა.
"ჩვენ ნამდვილად ვიმედოვნებთ, რომ საქართველოს მთავრობა გამოიყენებს ამ მომენტს, რათა მიაღწიოს წინსვლას საქართველოს დემოკრატიულ გზაზე და დაიცვას უმაღლესი სტანდარტები ფუნდამენტური თავისუფლებებისა და ადამიანის უფლებების დაცვისა და ხელშეწყობის კუთხით“, - განაცხადა ევროკომისიის ვიცე-პრეზიდენტმა.
სუსტი ელჩები ყავთ ნაცებით სავსე ,მაგიტომ არ მოაწერა ხელი პრეზიდენტმა ვერ შელია ნაცელჩებს ,მითითებები ბრუსელიდანაქს მიღებული მგიტომ დარბის ევროპაში
საქართველოში სასამართლო 100% დამოუკიდებელი რომ იყოს მაშინ ამის აპეკუნებს სააკაშვილს და გვარამიას სამუდამო პატიმრობები ექნებოდათ მისჯილი.ასეა ეს და ესაა სიმართლე.