"#არაქალთკვლა! დღეს ამაზე მეტს ვერ ვიტყვი" - პრეზიდენტის გზავნილი საზოგადოებას
პრეზიდენტი სალომე ზურაბიშვილი სოციალურ ქსელში ქალთა მიმართ ძალადობის ფაქტებს ეხმიანება.
"#არაქალთკვლა! დღეს ამაზე მეტს არ ვიტყვი" - წერს "ფეისბუქში" პრეზიდენტი.
ცნობისთვის, ბოლო სამი დღის განმავლობაში, თბილისში ქალების მიმართ სასტიკი ძალადობის ორი შემთხვევა გამოვლინდა.
21 მაისს პოლიციამ ყოფილი ცოლის განზრახ მკვლელობის ფაქტზე ახალგაზრდა მამაკაცი დააკავა, რომელსაც აღკვეთის ღონისძიების სახით დღეს პატიმრობა შეეფარდა. დანაშაული 16-დან 20 წლამდე ან უვადო თავისუფლების აღკვეთას ითვალისწინებს. დღეს კი თბილისის ერთ-ერთ ქუჩაში მამაკაცმა ყოფილი მეუღლე, სავარაუდოდ, ცივი იარაღით დაჭრა.