მნიშვნელოვანი ინფორმაცია
10
აპრილიდღის ზოგადი ასტროლოგიური პროგნოზი
ხუთშაბათი, მთვარის მეცამეტე დღე დაიწყება 18:38-ზე, მთვარე ქალწულშია
ნუ წამოიწყებთ ახალ საქმეებს. უმჯობესია, დრო დაშვებული შეცდომების გამოსასწორებლად გამოიყენოთ. მოაგვარეთ ფინანსური საკითხები. უძრავ ქონებასთან დაკავშირებული პრობლემები განხილვა სხვა დღისთვის გადაიტანეთ. კარგი დღეა სწავლისთვის, ცოდნის მისაღებად. კარგია საქმეების შესრულება თანამოაზრებთან ერთად, კოლექტივში. მოერიდეთ საოჯახო საქმეების საჯაროდ განხილვას, ურთიერთობის გარჩევას. მოერიდეთ მგზავრობას, მოგზაურობის დაწყებას; საქმის, საქმიანობის შეცვლას. ნუ იშიმშილებთ, მაგრამ ნურც კუჭს გადატვირთავთ. მოერიდეთ რთულად გადასამუშავებელი საკვების მიღებას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
მექსიკაში 100 000-ზე მეტი ადამიანი, ოფიციალურად, უგზო-უკვლოდ დაკარგულად მიიჩნევა, თუმცა ეს რიცხვი რეალურად შესაძლოა გაცილებით დიდი იყოს
13:08 / 19-05-2022
საქართველოდან აშშ-ში გამგზავრების მსურველები ბოლო ხანს საკმაოდ ხშირად ირჩევენ ამ ქვეყანაში, მექსიკის გავლით, არალეგალურად შესვლას. ეს საკმაოდ გრძელი და ფათერაკიანი გზაა. მექსიკა ვერაფრით ჩაითვლება უსაფრთხო ქვეყნად, ამას მოწმობს ბრიტანულ გამოცემა "გარდიანში" გამოქვეყნებული სტატიაც, რომლის თანახმადაც მექსიკაში, ამჟამად,100 000-ზე მეტი ადამიანი დაკარგულად მიიჩნევა. აღსანიშნავია ისიც, რომ ნარკომანია და ორგანიზებული კრიმინალი მექსიკაში ყველზე მეტად გავრცელებული ძალადობრივი დანაშაულია. ნარკოკარტელები, ბანდები, სექსუალური ტრეფიკინგი და ა.შ. - საკმაოდ გრძელია მექსიკაში კრიმინალის ჩამონათვალი.
უფლებადამცველმა ჯგუფებმა მოითხოვეს სასწრაფო ზომების მიღება, რათა თავიდან აიცილონ ან შეამცირონ გაუჩინარებული ადამიანების რიცხვი.
უგზო-უკვლოდ დაკარგულთა ეროვნულმა რეესტრმა, რომელიც 1964 წლიდან ადევნებს თვალყურს გაუჩინარების შემთხვევებს, განაცხადა, რომ ამჟამინდელი მდგომარეობით, 100 012 ადამიანის ადგილსამყოფელია უცნობი. მათგან დაახლოებით 75% მამაკაცია.
მოძრაობა "გაუჩინარებულთათვის“ აცხადებს, რომ ეს მაჩვენებელი, რეალური შემთხვევების რაოდენობასთან შედარებით, გაცილებით მცირეა და მოუწოდებს მთავრობას, გაუმკლავდეს შექმნილ ვითარებას.
გაეროს ადამიანის უფლებათა უმაღლესმა კომისარმა მიშელ ბაჩელეტმა განაცხადა, რომ გაუჩინარების შემთხვევები "უზარმაზარი მასშტაბის ადამიანურ ტრაგედიას“ წარმოადგენს და დასძინა, - ძალისხმევა არ უნდა დავიშუროთ, რათა ბოლო მოეღოს გაუჩინარებასა და ადამიანის უფლებების უხეშად დარღვევასო...
მექსიკის ხელისუფლება აცხადებს, რომ შესაბამის სამსახურებში დაახლოებით 37 000 ცხედარია, რომელთა ვინაობა დაუდგენელია, თუმცა არასამთავრობო ორგანიზაციების თქმით, ეს რიცხვი შეიძლება გაცილებით მეტი იყოს.
ხელისუფლება მუშაობს გაუჩინარებულთა მონაცემთა ბაზის გაერთიანებაზე გენეტიკური ნიმუშებით, თუმცა მრავალი ცხედარი დაკრძალეს იდენტიფიცირების გარეშე, რადგან მორგები გადატვირთულია.
წითელი ჯვრის საერთაშორისო კომიტეტი დაკარგულთა ტრაგედიას გამოეხმაურა და განაცხადა, რომ ეს გამაოგნებელი რიცხვი, წარმოაჩენს დაკარგულთა და მათი ოჯახების პრევენციის, ძიებისა და იდენტიფიკაციის მექანიზმების გაძლიერების აუცილებლობას.
ასევე აღნიშნა და აღიარა მექსიკის მიერ მიღწეული "მნიშვნელოვანი პროგრესი“ ზოგიერთ სფეროში, მათ შორის დაღუპულთა იდენტიფიცირებასა და დაკარგულთა ოჯახების ტკივილის შემსუბუქების მექანიზმებში. წყარო
მოამზადა კესო კვარაცხელიამ
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ქარიშხალი ამერიკის შეერთებულ შტატებში - უცხოური მედიების ცნობით, სტიქიურ მოვლენას, სულ მცირე, 24 ადამიანის სიცოცხლე ემსხვერპლა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საქმეც ამაშია აქ 400 ლარებზე მუშაობას ხალხი ირჩევს მაგ რისკიან გზას
რამდენი იქნება ქართველი?!