4
მაისიდღის ზოგადი ასტროლოგიური პროგნოზი
უკრაინის პრეზიდენტი, ვოლოდიმირ ზელენსკი აშშ-ის სახელმწიფო მდივან ენტონი ბლინკენისა და თავდაცვის მდივან, ლოიდ ოსტინის უკრაინაში ვიზიტს "ფეისბუქზე“ ეხმიანება და შეერთებულ შტატებს უპრეცედენტო დახმარებისთვის მადლობას უხდის.
"აშშ-ის მაღალი რანგის ოფიციალური პირების დელეგაციის ვიზიტი უკრაინისთვის ამ გადამწყვეტ მომენტში, ძალიან ღირებული და მნიშვნელოვანია. მადლობა ამერიკის შეერთებულ შტატებს უპრეცედენტო დახმარებისთვის!“- წერს ზელენსკი.
მისი თქმით, ვიზიტის დროს განიხილეს უკრაინისთვის თავდაცვის სფეროში დახმარების აღმოჩენის, ფინანსური მხარდაჭერისა და უსაფრთხოების გარანტიის საკითხები, ასევე რუსეთის წინააღმდეგ სანქციების პოლიტიკის გაძლიერება.
"სახელმწიფო მდივან ენტონი ბლინკენთან და თავდაცვის მდივან ლოიდ ოსტინთან განვიხილეთ თავდაცვითი დახმარება, რუსეთის წინააღმდეგ სანქციების პოლიტიკის გაძლიერება, უკრაინის ფინანსური მხარდაჭერა და უსაფრთხოების გარანტია,“- წერს უკრაინის პრეზიდენტი.
"რუსეთი მარცხდება, უკრაინა წარმატებას აღწევს, რუსეთი ცდილობდა უკრაინის სუვერენიტეტის, დამოუკიდებლობის წართმევას, მაგრამ ვერ მოახერხა", -ამის შესახებ აშშ-ის სახელმწიფო მდივანმა ენტონი ბლინკენმა პოლონეთ-უკრაინის საზღვართან გამართულ პრესკონფერენციაზე განაცხადა.
მისი თქმით, რუსეთი ცდილობდა საკუთარი სამხედრო და ეკონომიკური ძალა დაემტკიცებინა, მაგრამ მსოფლიო საპირისპიროს ხედავს.
"ის ცდილობდა დაემტკიცებინა თავისი სამხედრო, ეკონომიკური ძალა. ჩვენ, რა თქმა უნდა, საპირისპიროს ვხედავთ.
არ ვიცით, როგორ განვითარდება ომი, მაგრამ ვიცით, რომ სუვერენული, დამოუკიდებელი უკრაინა გაცილებით დიდხანს იარსებებს, ვიდრე ვლადიმერ პუტინი”, - აღნიშნა ბლინკენმა.
მისი თქმით, აშშ უკრაინის მხარდაჭერას ბოლომდე, საბოლოო წარმატების მიღწევამდე გააგრძელებს.
“ჩვენი მხარდაჭერა უკრაინის მიმართ მომავალშიც გაგრძელდება. ის გაგრძელდება მანამ, ვიდრე საბოლოო წარმატებას არ ვიხილავთ”, - აღნიშნა ბლინკენმა.
შეგახსენებთ, ენტონი ბლინკენი და ლოიდ ოსტინი უკრაინას გუშინ სტუმრობდნენ.
რაც.უფრო.მეტ.იარაღი შეაქვს უკრაინაში მით უფრო ანგრევინებს თავის ქვეყანას ეს მსახიობი პრეზიდენტი
ეს კაცი მომსახურეობის არეალიდა არის გასული!!!