მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ფიურერ" პუტინის საიდუმლო შვილები - ვინ არიან და რა არის ცნობილი მათ შესახებ?
12:21 / 18-03-2022
- ფოტომონტაჟი: ვლადიმერ პუტინი, ალინა კაბაევა და დიქტატორის "საიდუმლო ქალიშვილი" ელიზავეტა კრივონოგიხი
ვიდრე რუსეთის ფედერაციის პრეზიდენტი ვლადიმერ პუტინი უკრაინელი ხალხისა და ბავშვების წინაშე დაუნდობელ ომს აწარმოებს, მედიაში სასტიკი ლიდერის გასაიდუმლოებულ ოჯახსა და შვილებზე მითქმა-მოთქმა არ წყდება.
ოფიციალურად ცნობილია, რომ ვლადიმერ პუტინის ორი ქალიშვილი ჰყავს, რომლებიც ლუდმილა შკრებნევასთან ქორწინებისას შეეძინა.
უფროსი ქალიშვილი მარია 1985 წლის 28 აპრილს ლენინგრადში დაიბადა, ხოლო უმცროსი კატერინა 1986 წლის 31 აგვისტოს დრეზდენში. პუტინს კარიერის განმავლობაში არასოდეს უსაუბრია შვილებზე.
"მე მაქვს პირადი ცხოვრება, რომელშიც ჩარევის უფლებას არავის ვაძლევ. მას პატივი უნდა სცენ", - ამბობდა დიქტატორი.
მარია პუტინას, რომელიც ცნობილია, როგორც მარია ვორონცოვა, პუტინის დედის, მარია ივანოვნა შელომოვას სახელი ჰქვია. სწავლობდა გერმანიასა და მოსკოვში. დასავლურ და რუსულ მედიაში გავრცელებული ინფორმაციის თანახმად, მარია დაქორწინებულია ჰოლანდიელ ბიზნესმენზე, "გაზპრომბანკისა" და რუსული საკონსულტაციო ჯგუფის MEF Audit-ის ყოფილ ტოპ მენეჯერზე. წყვილს ვაჟი ჰყავს, რომელიც 2012 წლის 15 აგვისტოს მოსკოვში დაიბადა. პუტინის შვილიშვილის დაბადების ფაქტი 2014 წელს მისმა დიდი ხნის მეგობარმა, მუსიკოსმა სერგეი როლდუგინმა დაადასტურა.
გარკვეული პერიოდის განმავლობაში, მარია ცხოვრობდა ჰოლანდიის სოფელ ვორშოტენში, მაგრამ პუტინმა 2015 წელს განაცხადა, რომ მის არც ერთი ქალიშვილს არასოდეს უცხოვრია საზღვარგარეთ.
კატერინა პუტინა, იგივე კატერინა ტიხონოვა, პუტინის მეორე ქალიშვილია. კატერინამ პუტინას ნაცვლად ბებიის - ეკატერინა ტიხონოვას გვარი აიღო.
2013 წლის თებერვლიდან 2018 წლის იანვრამდე დაქორწინებული იყო კირილ შამალოვზე, "რასიაბანკის" თანამფლობელის ნიკოლაი შამალოვის ვაჟზე. გაშორების შემდეგ გაირკვა, რომ წყვილის ერთობლივი ქონება დაახლოებით 2 მილიარდ დოლარს შეადგენდა. აღსანიშნავია, რომ რამდენიმე დღის წინ, საფრანგეთში, ზღვისპირა ქალაქ ბიარიცში სწორედ კატერინა ტიხონოვას კუთვნილ ვილაში შეიჭრნენ ფრანგი აქტივისტები, გადმოკიდეს უკრაინული დროშა და განაცხადეს, რომ ვილაში უკრაინელ ლტოლვილებს შეასახლებდნენ. როგორც ირკვევა, ეს ვილა სწორედ კირილ შამალოვის სახელზე იყო გაფორმებული. (წაიკითხეთ სტატია)
2017 წლის ივნისში პუტინმა ოლივერ სტოუნთან ინტერვიუში დაადასტურა, რომ მას შვილიშვილები ჰყავს, პირდაპირი ეთერის დროს კი განაცხადა, - მეორე შვილიშვილი ახლახან შემეძინაო.
რუს აგრესორს, რომელსაც ახლა მთელი მსოფლიო ტერორისტს უწოდებს, ორი ქალიშვილის გარდა სხვა შვილებიც ჰყავს. თუმცა, ისინი ოფიციალურად ჯერჯერობით არ უღიარებია.
ელიზავეტა კრივონოგიხი 18 წლის ბლოგერია სანკტ-პეტერბურგიდან. სწორედ მას უწოდებენ პუტინის "საიდუმლო ქალიშვილს". ის "ინსტაგრამზე" ცნობილი იყო ფსევდონიმით "ლუიზა როზოვა“.
გოგონა 2003 წელს დაიბადა. დედამისი სვეტლანა კრივონოგიხი მოსკოვში დამლაგებლად მუშაობდა, როდესაც ვლადიმერ პუტინს შეხვდა და მათ რომანტიული ურთიერთობა დაიწყეს. ვიდრე რუსეთში "ინსტაგრამი" დაიხურებოდა, ელიზავეტამ საჯაროდ თქვა, რომ ბებიამ გაზარდა, რადგან მშობლები ძალიან დაკავებულები იყვნენ. კრივონოგიხს არასოდეს გაუკეთებია კომენტარი იმის შესახებ, რომ მას ქალიშვილი კრემლის დიქტატორისგან ჰყავს და არც თავად ელიზაბეტს დაუდასტურებია ჭორები.
ლიზას ინსტაგრამზე 84 000 გამომწერი ჰყავდა, მაგრამ 5 თვის წინ პოსტების გამოქვეყნება შეწყვიტა, როდესაც პირველად გაჩნდა ეჭვები უკრაინის საზღვარზე რუსული ჯარების მობილიზაციის შესახებ, რამაც გააჩინა ეჭვი, რომ პუტინმა ის გააჩუმა. ახლა მისი "ინსტაგრამის" ანგარიში აღარ იძებნება. უცნობია, სად იმალება გოგონა.
არსებობს ვერსიები, რომ ელიზავეტა კრივონოგიხი სულაც არ არის პუტინის უმცროსი შვილი, რადგან მას ალინა კაბაევასგან, სავარაუდოდ, კიდევ ოთხი შვილი ჰყავს.
პრეზიდენტი პუტინი მრავალი წელია (რა თქმა უნდა, არაოფიციალურად) ურთიერთობაშია ტანმოვარჯიშე, ოლიმპიურ ჩემპიონ ალინა კაბაევასთან.
2008 წლის 12 აპრილს რუსეთში გამოქვეყნდა სტატია კაბაევას მოახლოებული ქორწილის შესახებ ვლადიმერ პუტინთან. ეს ამბები დაბეჭდეს ისეთმა გამოცემებმა, როგორიცაა: Der Spiegel, Stern, Die Welt, Die Presse. კაბაევას პრესმდივანმა ოვჩინნიკოვამ თქვა, რომ კაბაევა ამ ამბებზე კომენტარს არ გააკეთებდა. 18 აპრილს სარდინიაში გამართულ პრესკონფერენციაზე სტატიის შესახებ კითხვის საპასუხოდ, პუტინმა თქვა, - ამ ამბავში სიმართლის ერთი მარცვალიც კი არ არისო...
ალინა კაბაევა რიტმული ტანვარჯიშის ისტორიაში ერთ-ერთი ყველაზე ტიტულოვანი ტანმოვარჯიშეა, მას აქვს ორი ოლიმპიური მედალი, მსოფლიო ჩემპიონატის 14 და ევროპის ჩემპიონატის 25 მედალი. რუსებს ის მიაჩნიათ პუტინის ქორწინების დანგრევის მიზეზად.
2013 წლის ივლისში, ჟურნალ Bolshoi Sport-თან ინტერვიუში, ალინა კაბაევამ ოფიციალურად გამოაცხადა, რომ შვილი არ ჰყავდა. 2015 წლის მარტში კი, გაზეთ Neue Zuricher Zeitung-ის ცნობით, შვეიცარიის წმინდა ანას VIP კლინიკაში კაბაევამ ტყუპი გოგონა გააჩინა. პრესამ ხაზგასმით აღნიშნა, რომ კაბაევას მხრიდან ამას არანაირი უარყოფა არ მოჰყოლია. ასევე, წყვილს, არაოფიციალური მონაცემებით, ორი ტყუპი ვაჟი ჰყავს, ალინას ისინი 2019 წელს მოსკოვის კულაკოვსკის სამშობიაროში შეეძინა. გავრცელებული ინფორმაციიით, ახლა ყოფილი სპორტსმენი, შვილებთან ერთად, შვეიცარიაში ცხოვრობს. პუტინი ვარაუდობდა, რომ ქვეყანა, რომელიც ნეიტრალურ სახელმწიფოდ რჩებოდა ბოლო ასი წლის განმავლობაში, უსაფრთხო იქნებოდა მისი ოჯახისთვის. მაგრამ აქტივისტები უკვე აგროვებენ ხელმოწერებს პეტიციისთვის და მოითხოვენ, რომ "ევა ბრაუნი" კაბაევა გაგზავნონ მის "ფიურერ" პუტინთან ალტაის ბუნკერში.
როგორ დასრულდება ეს ამბავი, ამას დრო გვიჩვენებს. უკვე დიდი ხანია, რაც ალინა საქორწინო ბეჭედს ატარებს. წყარო
იხილეთ ასევე:
მკითხველის კომენტარები /
33 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
უკრაინელი ბავშვების სისხლი ცას შეღაღადებს და სამართალს ითხოვს! ვლადიმერ ვლადიმერისძევ, ისე ღრმათ შეხვედი კაცობრიობის წინაღმდეგ დანაშაულის სიღრმეში, რომ გიტლერს უახლოვდები, მსოფლიომაც რომ გაპატიოს,
რუსი ხალხი არ გაპატიებს ამას.
სტატიის წერისას მეტი დაფიქრება გმართებთ, ფრთხილად უნდა შეარჩიოთ სიტყვები ასეთ პიროვნებებზე წერისას, რომელთაც ჯერ კიდე შეუძლიათ ავნონ ქვეყანას და პირადად თქვენ საფრთხეში იგდებთ თავს.