5
მაისიდღის ზოგადი ასტროლოგიური პროგნოზი
უკრაინაში ქალი თავის ორ შვილთან ერთად, რუსმა სამხედროებმა იმ დროს მოკლეს, როდესაც “ცეცხლის შეწყვეტის“ შეთანხმება მოქმედებდა და "ჰუმანიტარული დერეფნით" ადამიანების ევაკუაცია მიმდინარეობდა.
თუმცა რუსებმა შეთანხმება არ შეასრულეს და მშვიდობიან მოსახლეობას ცეცხლი გაუხსნეს. 43 წლის ტატიანა პერებეინოსი, თავის 9 წლის გოგონასთან და 18 წლის ვაჟთან ერთად, უკრაინის იმ მოქალაქეებს შორის იყო, რომლებიც ირპინის დატოვებას ცდილობდნენ.
ტატიანას მეუღლე სერგეი პერებეინოსი სოციალურ ქსელში ცოლისა და შვილების ფოტოს აქვეყნებს და წერს: "მაპატიეთ, რომ ვერ დაგიცავით.“ კაცი ასევე აღნიშნავს, რომ მის ოჯახს ორი ძაღლი ჰყავდა, რომლებიც ასევე თავშესაფარში მოკვდნენ.
- "რისთვის ხდება ეს ყველაფერი? ან რა იქნება შემდეგი?“ - წერს სერგეი.
როგორც ის ჰყვება, ოჯახი თავიდან დონეცკში ცხოვრობდა, 2014 წელს კი სეპარატისტებს გაექცნენ და კიევში გადავიდნენ საცხოვრებლად.
ოთხი წლის წინ ირპინში დასახლდნენ. რუსული ჯარის შეჭრის შემდეგ ოჯახი თავშესაფარში იყო. მათ ქალაქის დატოვება მალე ვერ შეძლეს, რადგანაც ტატიანას დედა ჰყავდა ავად, რომელიც წასვლას ვერ ახერხებდა და მასზე უნდა ეზრუნა.
მოგვიანებით, როდესაც ევაკუაცია დაიწყო, ისინი ირპინიდან წასვლას ცდილობდნენ, თუმცა რუსების ტყვიას ვერ გადაურჩნენ.
უფალმა ნათელში ამყოფოთ, მაგრამ რატომ, რისთვის ამხელა დანაკარგი, ამდენო ტკივილი...
ნათელში იყოს მათი სულები.რამდენი ასეთი უდანაშაულო მშვიდობიანი მოსახლეობა შეეწირა ამ უსამართლო ომს.დიდება უკრაინას