"მაშინ მოიქეცით ევროპულად..." - ევროპარლამენტარი მაიკლ გალერი საქართველოს ევროკავშირის წევრობის განაცხადზე
კარგი, მაშინ მოიქეცით ევროპულად, - ამ კომენტარით ევროპარლამენტარი მაიკლ გალერი საქართველოს პარლამენტის ევროპასთან ინტეგრაციის კომიტეტის თავმჯდომარეს, მაკა ბოჭორიშვილს პასუხობს, რომელიც „ფეისბუქში“ წერს, რომ საქართველო ევროკავშირის წევრობაზე განაცხადს წარადგენს.
„კარგი, მაშინ მოიქეცით ასევე ევროპულად პოლიტიკის შემუშავებისას - და ეს გზავნილი მიმართულია ყველა შესაბამისი დაინტერესებული მხარისკენ“, - წერს ევროპარლამენტარი.
შეგახსენებთ, გუშინ „ქართული ოცნების“ თავმჯდომარემ ირაკლი კობახიძემ განაცხადა, რომ საქართველო დაჩქარებული წესით ამზადებს განაცხადს ევროკავშირის წევრობის კანდიდატის სტატუსის მისაღებად, რომელიც ევროკავშირის სტრუქტურებს ოფიციალურად 3 მარტს წარედგინება.