ხარკოვში დაბომბვას 4 ადამიანი ემსხვერპლა
უკრაინის ქალაქ ხარკოვში დღეს დილით განხორციელებული თავდასხმის შედეგად 4 ადამიანი დაიღუპა, 9 კი - დაშავდა. მედიის ინფორმაციით, დაბომბვის შედეგად დაზიანდა პოლიციის, უკრაინის უსაფრთხოების სამსახურისა და კარაზინის ეროვნული უნივერსიტეტის შენობები.
ვრცელდება ფოტოები, სადაც ასახულია, რომ მეხანძრეები ებრძვიან ხანძარს უნივერსიტეტის შენობასა და პოლიციის განყოფილებაში.
ქალაქის მერის თქმით, ხარკოვი "ნაწილობრივ გარშემორტყმულია" რუსული არმიით, რომელსაც უკრაინელი სამხედროები ამჟამად გმირულად აკავებენ.