მნიშვნელოვანი ინფორმაცია
7
აპრილიდღის ზოგადი ასტროლოგიური პროგნოზი
ორშაბათი, მთვარის მეათე დღე დაიწყება 13:37-ზე, მთვარე ლომშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. კარგი დღეა უფროსთან შესახვედრად და ახალი პროექტების განსახილველად; საქმიანობის, სამსახურის შესაცვლელად. მოერიდეთ ფიზიკურ დატვირთვას; გულის გადაღლას, ოპერაციებსა გულსა და ზურგზე; შესაძლოა შეგაწუხოთ რადიკულიტმა. უმჯობესდება ფსიქოემოციური ფონი. ადამიანი უფრო ხალისიანი ხდება. კარგი დღეა ქორწინებისა და ნიშნობისათვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"შექმნილი ეპიდვითარების გამო, სკოლებში საგაზაფხულო არდადეგები დაგეგმილზე ადრე უნდა გამოცხადდეს" - დევი ტაბიძის რეკომენდაცია
12:53 / 16-02-2022
ჯანდაცვის ექსპერტის, პროფესორ დევი ტაბიძის რეკომენდაციაა, რომ არსებული ეპიდვითარების გამო, სკოლებში საგაზაფხულო არდადეგები დაგეგმილზე ადრე გამოცხადდეს.
როგორც მან მედიაცენტრ "მთავარში“ გამართულ პრესკონფერენციაზე განაცხადა, სკოლები და ბავშვების ზოგიერთი ნაწილი მძიმე მდგომარეობაშია.
"ბავშვთა მიმართულებით აუცილებელია, რომ სასწავლო პროცესი რაც შეიძლება სწრაფად დაიხუროს იმიტომ, რომ ამას შემდგომში არდადეგები მოსდევს. ჩემი პირადი რეკომენდაცია იქნება, ცოტა ადრე შევწყვიტოთ სწავლა და გადავიდეთ იმ არდადეგებზე, რომელიც მოდის. ეს გარკვეულ პერიოდს მოგვცემს. ნახევარზე მეტი სკოლა, ნახევარზე მეტი კლასი უკვე ძალიან მძიმე მდგომარეობაშია. ბავშვის ერთი დღე სკოლაში გაშვება ნიშნავს იმას, რომ შემდგომში სერიოზული პრობლემებია, თუმცა ბავშვები ამ შემთხვევაში ამ დაავადების ყველაზე კარგი გადამტანები არიან“,-განაცხადა ტაბიძემ.
მისი შეფასებით, ზოგადი ეპიდსიტუაცია უმჯობესდება, თუმცა ძალიან მძიმე ნაბიჯებით. რაც შეეხება გარდაცვალების რაოდენობას, დევი ტაბიძის თქმით, ეს მაჩვენებელი ჯერჯერობით უცვლელია.
მან ასევე საწოლების რაოდენობაზეც ისაუბრა და აღნიშნა, რომ „ომიკრონის“ ბინაზე და კოვიდ სასტუმროში მართვამ სიტუაცია შედარებით გააუმჯობესა.
"კლინიკურად ასეთი მდგომარეობაა. თერაპიული საწოლები არის, რეანიმაციაში და ინტენსიურ პალატებში პრობლემები ისევ არის, საწოლების პრობლემა დგას. ძალიან დიდი შეღავათი მისცა „ომიკრონის“ ბინაზე და კოვიდ სასტუმროში მართვამ“,-განაცხადა ტაბიძემ.
ის აღნიშნავს, რომ „ომიკრონი“ კოვიდ ინფექციის დასასრული არ იქნება.
"კიდევ ერთხელ აღვნიშნავ, რომ ეს არ იქნება კოვიდ ინფექციის დასასრული. ყველაზე მთავარი არის ის, რომ ეს დაავადება გადავიდეს გარკვეული ენდემიური დაავადების ფორმაში. გავიხსენოთ ადრე ნათქვამი ჩვენივე მოსაზრება, რომ ჩვენ ამ ვირუსთან ერთად უნდა ვიცხოვროთ“, - განაცხადა ტაბიძემ.
მკითხველის კომენტარები /
3 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დონალდ ტრამპმა მთელ მსოფლიოს სატარიფო ომი გამოუცხადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
საზოგადოების თავშეყრის ადგილებში ბავშვების მიმართ არსად შეზღუდვები არ არის, სკოლებში შეზღუდვებით კი ააოხრეს ყველაფერი ისედაც გაუბედურებულ განათლების სისტემაში. რა ქვეყანას ააშენებენ გონებაშეზღუდული ახალგაზრდები. რას ჩადიხართ. შეჩერდით!
პრაქტიკულად, დეკემბრის არდადეგების შემდეგ თბილისის სკოლების უმრავლესობაში სრულფასოვანი სასწავლო პროცესი არც ყოფილა: მოსწავლეები მუდმივად გადაყავთ ონლაინ-რეჟიმში კოვიდ- ვითარების გაუარესების მიზეზით, შედეგი: დაბნეული და რეჟიმარეული ბავშვები, დაბნეული და რეჟიმარეული პედაგოგები, უკვე მეორე ძალიან საეჭვო სასწავლო წელი... პედაგოგების ნაწილის მონდომების მიუხედავად, ვერანაირი ონლაინ-გაკვეთილი თავისი პლუს-მინუსებით ვერ ჩაანაცვლებს სწავლების ცოცხალ, ბუნებრივ პროცესს! აღარაფერს ვამბობ ჩვენი მოსახლეობის, მათ შორის მოსწავლეების, სტუდენტებისა თუ მასწავლებლების ხელთ არსებულ ტექნიკურ რესურსსა და უნარებზე, რაც ონლაინ-სწავლების განუყოფელი ნაწილია. გასაგებია, რისკი არსებობს, ვუწევთ ანგარიშს ამ რისკს დიდი ხანია, მაგრამ რაღაცნაირად არადამაჯერებელი მეჩვენება, რომ ომიკრონი მეტ ზიანს მოუტანს ჩვენს მომავალ თაობას, ვიდრე ეს ორწლიანი დაუსრულებელი ტაიმ-აუტებით ჩავლილი სასწავლო წელი და სოციალური ირთიერთობების შეზღუდვა... მითუმეტეს, მთელი მსოფლიო რეგულაციების შემსუბუქებასა და მოხსნაზეა ორიენტირებული...