მნიშვნელოვანი ინფორმაცია
16
აპრილიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე, მთვარე მშვილდოსანში გადავა 06:36-ზე
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ხან სიკვდილის პირასაა, ხან მკურნალობა სჭირდება ჟენევის ტბის პირას, ხან ჰალუცინაციები აქვს - ათასგვარი ინსინუაციების მომსწრე ვართ" - ქადაგიშვილი სააკაშვილზე
18:30 / 02-02-2022
საგამოძიებო კომისიების შექმნის წინააღმდეგი არ ვართ, თუ ეს ობიექტური მოცემულობით არის განსაზღვრული, თუმცა, ვერ ვხედავ ამ ობიექტურ მოცემულობას, რადგან პატიმარ მიხეილ სააკაშვილის გარშემო ათასგვარი ინსინუაციების მომსწრენი ვიყავით - ხან ისე შიმშილობს, რომ სიკვდილის პირას არის მისული, ხან მკურნალობა სჭირდება ჟენევის ტბის პირას, - ამის შესახებ „ქართული ოცნების“ წევრმა, ირაკლი ქადაგიშვილმა „პალიტრანიუსის“ გადაცემაში „დღის ნიუსრუმი“ განაცხადა.
როგორც ქადაგიშვილმა აღნიშნა, პარლამენტში საგამოძიებო კომისიის მცნება, „ქართული ოცნების“ ხელისუფლების პირობებში გაჩნდა.
მისი თქმით, ოპოზიციის მხრიდან მცდელობა არის, რომ საქართველოს ყოფილი პრეზიდენტი, მიხეილ სააკაშვილი საპატიმროში ყოფნას აარიდონ.
„არანაირი საბოტაჟი, რადგან ხატია დეკანოიძემ რაღაც სიტყვა თქვა, ეს უკვე ფორმირდება როგორც მოცემულობად? - ეს არის მათ მიერ პროცესის პროვოცირება. საგამოძიებო კომისიის მცნება ჩვენ გავაჩინეთ პარლამენტში და ეს რეგლამენტირებულია. ამიტომ, საპროცედურო ომი ვერ იქნება. არ ვართ საგამოძიებო კომისიების შექმნის წინააღმდეგი, თუ ეს ობიექტური მოცემულობით არის განსაზღვრული, თუმცა, ვერ ვხედავ ამ ობიექტურ მოცემულობას, რადგან პატიმარ მიხეილ სააკაშვილის გარშემო ათასგვარი ინსინუაციების მომსწრენი ვიყავით - ხან ისე შიმშილობს, რომ სიკვდილის პირას არის მისული, ხან მკურნალობა სჭირდება ჟენევის ტბის პირას, ხან ფსიქიკურად ისეთ მძიმე მდგომარეობაშია, რომ ჰალუცინაციები აქვს და გონებას კარგავს. არადა ყოველ დღე ვიღაცები წერენ მისი სახელით პოლიტიკურ პოსტებს და განცხადებებს. აქ გვაქვს მცდელობა, რომ აარიდონ პატიმრობას მსჯავრდებული. ხან წამებას მოიშველიებენ, ხან სიგიჟეს“, - განაცხადა ქადაგიშვილმა.
„ქართული ოცნების“ წევრის თქმით, ამ ეტაპზე უმრავლესობაში არ უმსჯელიათ, დაუჭერენ თუ არა მხარს, მიხეილ სააკაშვილის საქმესთან დაკავშირებით, საგამოძიებო კომისიის შექმნას.
რაც შეეხება „ერთიანი ნაციონალური მოძრაობის“ საკანონმდებლო ორგანოში შესვლის გადაწყვეტილებას, მისი შეფასებით, მნიშვნელობა არ აქვს აღნიშნული ოპოზიციური პარტია პარლამენტის შენობაში იქნება თუ ქუჩაში, ამით „ნაციონალური მოძრაობის“ პოლიტიკური დღის წესრიგი არ იცვლება.
„შენობას ხომ არ აქვს მნიშვნელობა, მის შიგნით იქნებიან, თუ გარეთ? - კომფორტის და არაკომფორტის კუთხით, არაფერი შეიცვლება, რადგან დღის წესრიგი, მათი ქმედების შინაარსი არ შეიცვლება. ეს პოლიტიკა, რაც მათ ახასიათებთ, პარლამენტის შენობაში გამოთქვამენ თუ ქუჩაში, შინაარსობრივად განსხვავებული არ იქნება. ამიტომ, ამ მხრივ, ჩვენთვის არაფერი იცვლება. მე ვიტყოდი, არც „ნაციონალური მოძრაობისთვის“ იცვლება. შინაარსობრივად ეს არ არის ის ოპოზიცია, რომელსაც შეუძლია რეალურად, დემოკრატიული და კონსტრუქციული როლის შესრულება. ამ ადამიანებს დღესაც ვერ გაუცნობიერებიათ, რომ ეს პარლამენტი ლეგიტიმურია თუ არა, - რაღაც მომენტში რევოლუცია უნდა მოახდინონ, რაღაც მომენტში არ უნდა მოახდინონ, ანუ ვერ არიან ჩამოყალიბებული. მხოლოდ მათი ხელისუფლებაში ყოფნის შემთხვევაში ჰგონით, რომ ქვეყანას საქართველო ჰქვია.
მათთვის არა მარტო დღის წესრიგს, საერთოდ სამყაროს მიხეილ სააკაშვილი უქმნის, ეს მათთვის და არა ჩვენთვის. ამ რეზოლუციით ჩვენ მათ დღის წესრიგს არ გავყევით, ჩვენ გავყევით ჩვენი ქვეყნის ინტერესების დღის წესრიგს, - ევროატლანტიკური მიმართულებით სიარულის დღის წესრიგს“, - განაცხადა ქადაგიშვილმა.
მკითხველის კომენტარები /
23 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთი ოკუპირებულ სოხუმში სანქცირებული ავიაკომპანიების ფრენებს იწყებს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ქადაგიშვილი სარკეში რას ხედავ?ღარიბაშვილს და კობახიძეს რომ უყურებ მაშინაც ხომ ის რაღაცა გახსენდება?
წადით სოფელში შეინახეთ ქათამი და კვერცხი გექნებათ მუქთად. მთელი საქართველო თბილისშია ჩამოსული. ჭამა ყველას გვინდა, პროდუქციის მომყვანი არავინ არაა.აბა როგორ გინდათ, თუ არავინ არაფერი მოვიყვანთ პროდუქტი არ გაძვირდება? მუშაობა მუშაობა და მუშაობა (სოფლის მეურნეობა) გადაგვარჩენს.