5
მაისიდღის ზოგადი ასტროლოგიური პროგნოზი
ელისონ ელიზაბეტ ფლუკ-ეკრენი 42 წლის ამერიკელი ქალია, რომელსაც ისლამურ სახელმწიფოსთან თანამშრომლობისა და მათთვის დახმარების გაწევისთვის, 20 წლით თავისუფლების აღკვეთა ემუქრება.
ფლუკ-ეკრენი სირიაში დააკავეს და FBI-ს გადასცეს. ის ამჟამად ვირჯინიის დასავლეთ ოლქში იმყოფება. სასამართლოში გამოსვლისას, ქალმა თქვა, რომ ესმის და იაზრებს მის წინააღმდეგ წაყენებულ ბრალდებებს.
რეპორტიორ ბენ მაკუჩის თქმით, პროკურორებმა განაცხადეს, რომ ფლუკ-ეკრენის ოჯახმა მოითხოვა, რომ ქალი მათ არ დაკავშირებოდა, რაზეც ელისონი დათანხმდა.
როგორც ირკვევა, ელისონმა აშშ-ი ადაახლოებით 10 წლის წინ დატოვა და 2014 წლიდან უკვე ISIS-თან თანამშრომლობდა. მანამდე ის კანზასის შტატში მასწავლებლად მუშაობდა.
მოწმეების ჩვენების მიხედვით, ელისონი სირიაში ყოფილ მეუღლესთან ერთად წავიდა. მათ ერთმანეთი აშშ-ში გაიცნეს და მოგვიანებით, მამაკაცი ISIS-ის ლიდერი სნაიპერი გახდა. წყვილმა სირიაში წასვლისას 15 000 დოლარი წაიღო თან. მას შემდეგ, რაც ფლუკ-ეკრენის მეუღლე ერთ-ერთi საჰაერო თავდასხმisas გარდაიცვალა, ქალი კიდევ მინიმუმ ორჯერ დაქორწინდა და ორივე შემთხვევაში ექსტრემისტ მებრძოლზე.
მედიისთვის ცნობილია, რომ ფლუკ-ეკრენმა ISIS-ის რიგებში გავლენა მალევე მოიპოვა და საბოლოოდ, ქალთა ბატალიონის - "ხატიბა ნუსაიაბაჰ"-ის ხელმძღვანელიც კი გახდა. ქალებს ქალაქ რაქას დაცვა ევალებოდათ. ქალთა ბატალიონის ყველა წევრი, "ისლამური სახელმწიფოს" მებრძოლებზე იყო დაქორწინებული.
მოწმე ყვება, რომ ფლუკ-ეკრენი ქალებს და ბავშვებს წვრთნიდა და აწავლიდა ავტომატების, ყუმბარების და თვითმკვლელობის ქამრების გამოყენებას. თავად ელისონის ვაჟიც კი უნახავთ ცეცხლსასროლი იარაღით ხელში, რომელიც იმ დროისთვის 5-6 წლის უნდა ყოფილიყო.
ყოფილ მასწავლებელს მიაწერენ ასევე აშშ-ის წინააღმდეგ ტერორისტული თავდასხმების დაგეგმვას. ერთ-ერთი მოწმის მონაყოლის მიხედვით, ფლუკ-ეკრენი აშშ-ის კოლეჯის დაბომბვის სათავეში ჩადგომას აპირებდა, მაგრამ როცა ელისონი დაფეხმძიმდა, გეგმა ჩაიშალა.
მისი თავდასხმის გეგმა შემდეგი იყო: აშშ-ში მექსიკის გავლით უნდა შესულიყვნენ, გაეხადათ მათი ჩვეული ტანისამოსი და "ურწმუნოებივით ჩაეცვათ", ხალხს შერეოდნენ, შემდეგ კი ასაფეთქებლებით სავსე ზურგჩანთა დაეგდოთ.
ფლუკ-ეკრენის განცხადებით, მას შურისძიება სწყუროდა მას შემდეგ, რაც ალ-ბაბის მახლობლად საჰაერო დაბომბვის შედეგად, უდანაშაულო ბავშვები დაიხოცნენ, ამაზე პასუხისმგებლობას ის ამერიკელებს აკისრებდა.
მოწმის თქმით, "ეკრენი ოცნებობდა თავდასხმების განხორციელებაზე." მას ერთ-ერთ სავაჭრო ცენტრზეც სდომებია თავდასხმა, მაგრამ მის გეგმას ფლუკ-ეკრენის მეუღლე აღუდგა წინ. "ფლუკ-ეკრენი თვლის, რომ ნებისმიერი თავდასხმა, რომელიც ადამიანების დიდ რიცხვს არ იმსხვერპლებს, რესურსების უაზრო ფლანგვაა", - განაცხადა სასამართლოზე მოწმემ.
ელისონის ნათესავის თქმით, ქალს სძულდა ამერიკა და ამერიკელები და ყოველ ჯერზე, როცა რომელიმე ქვეყანაში ტერორისტული თავდასხმის შესახებ იგებდა, წუწუნებდა და ამბობდა: "ნეტა, ამერიკის მიწაზე მომხდარიყო".
წყარო: BBC
მოამზადა ანა სიბოშვილმა
ასეთია ამერიკის სახე ზოგადად