მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
" მეპურეც ვარ, რა პრობლემაა?" - პურის ცხობის რეცეპტი ცნობილი ტელეპროდიუსერისგან
16:49 / 17-01-2022
როგორც ცნობილია, ტელეპროდიუსერი მამუკა ღლონტი მეუღლესთან ერთად ზღვისპირეთში, კერძოდ, კაპროვანში (დასახლება შეკვეთილსა და ურეკს შორის) ცხოვრობს.
ბოლო 8 წელიწადია, ცხოვრების სტილი შეიცვალა, სოფლად დასახლდა, საკუთარი ხელით მოაწყო იქაური გარემო, მამული, რითაც თავს ბედნიერად გრძნობს. ამის შესახებ სხვა დროსაც დაგვიწერია.
ღლონტებს სოფლად ცხოვრება ძალიან მოსწონთ და ამბობენ, - ეს ნაბიჯი უფრო ადრე უნდა გადაგვედგაო...
ეზო-კარში საკუთარი ხელით უამრავი რამის კეთება უწევთ. გარდა იმისა, რომ კოტეჯები, რაც მათი ეზოს ტერიტორიაზეა, სულ ბატონი მამუკას პროექტით (პირველი პროფესიით არქიტექტორია) და უშუალო მონაწილეობით არის აშენებული, ბოლო დროს ის პურის ცხობის ტექნოლოგიასაც ჩაუღრმავდა.
- კი, სამზარეულოში ბევრი რამ შემიძლია გავაკეთო... გოზინაყიც გამიკეთებია, ტორტიც გამომიცხვია და ახლა პურსაც მე თვითონ ვაცხობ. პურის გამოცხობა არ არის მარტივი საქმე...
მოკლედ, მეპურეც ვარ, - რა პრობლემაა?! ისე კი არაა, მოვინდომე, სერიოზულად ვიმუშავე, ვისწავლე და გამოვაცხვე. ასე რომ, არაერთი ექსპერიმენტი მაქვს ჩატარებული. მთავარი საფუარია, მერე ცომის მოზელისას უნდა იცოდე, რა კონდიციამდე მიიყვანო. მნიშვნელოვანია აფუების პროცესი. გამოცხობისას ტემპერატურა თამაშობს დიდ როლს.
იმასაც ცოდნა უნდა, როდის მოუმატო, ქერქი რომ ჰქონდეს, ბოლოს ცოტა მაღალი ტემპერატურაა საჭირო. პურის ცეხვილი ფქვილით გამოცხობაც დავიწყე. ცეხვილი ფქვილის პური კიდევ სხვა რამეა.
- რითი გამოირჩევა?
- ცეხვილი ფქვილის პური არის საოცარი, ეს არის ქვის წისქვილზე დაფქული ხორბლის ცეხვილი ფქვილი, რომელიც დაცეხვილი ხორბლისგან მზადდება და ინარჩუნებს მარცვალში თავდაპირველად არსებულ სასარგებლო ელემენტებს. შეიცავს დიდი რაოდენობით უჯრედისს, რომელიც აუმჯობესებს კუჭ-ნაწლავის პერისტალტიკას, უზრუნველყოფს ტოქსინების გამოდევნას ორგანიზმიდან და ქოლესტერინის დონის დარეგულირებას. არ შეიცავს გლუკოზას და შაქარს. გემოთი პურს და მჭადს შორის დგას, არავითარი სიმძიმე ჭამის შემდეგ.
- ცხობას რა დროს სჭირდება?
- თავიდან ბოლომდე 5-6 საათი. იმასაც გააჩნია, როგორ პური გინდა - ძალიან აფუებულს მეტი დრო სჭირდება, ნაკლებად ფუმფულას - ნაკლები. ტემპერატურული რეჟიმი უნდა იყოს დაცული და ცომი სითბოში გვქონდეს. პურის ცხობა კორონას პერიოდში დავიწყე.
- პურს თქვენს ვიზიტორებსაც სთავაზობთ?
- არა, მხოლოდ ჩემს მეზობლებს მოვუკითხავ ხოლმე, მაგრამ თუ ისეთი სტუმარი მყავს, რომელსაც ვიცნობ, როცა გამოვაცხობ, მასაც მოვუკითხავ ხოლმე.
- 2022 წლისთვის რა გეგმები და მიზნები დასახეთ? თქვენს მამულში კიდევ რის გაკეთებას აპირებთ?
- 2022 წელს ერთი პატარა სახლი მინდა კიდევ ავაშენო - ასე, ორსაძინებლიანი. პატარა ნაკვეთი ვიყიდე, ჩვენს ეზოს ესაზღვრება... დანარჩენი რა სურვილები მაქვს და - ბედნიერება, სიკეთე, ჯანმრთელობა და კარგ ქვეყანაში ცხოვრება მინდა... რასაც მთელ საქართველოს ვუსურვებ!
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
პურის ცხობა კარგია,
რატომღაც ჩვენს ქვეყანაში გონებრივი შრომით და წესიერების ფარგლებში შეუძლებელია რაიმეს მიღწევა.
ღმერთო ჩემო ესეთი გენიოსი კაცი ქართულ ტელევიზიას არ ახსოვს... პურს კი არ უნდა აცხობდეს მაგარ პროექტებს უნდა აკეთებდეს!!!! ვახ რა ცუდი ქვეყანა გვაქ