მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"თქვენ ხართ უზრდელი ადამიანი... ამიტომ გაიარეთ და გადით" - ანრი ოხანაშვილმა ვატო წერეთელი ხუთი კომიტეტის გაერთიანებული სხდომიდან გააძევა
16:52 / 14-12-2021
იურიდიულ საკითხთა კომიტეტის თავმჯდომარე ანრი ოხანაშვილმა "ტვ პირველის“ დირექტორი ვატო წერეთელი გააძევა ხუთი კომიტეტის გაერთიანებული სხდომიდან, სადაც აზარტულ თამაშებთან დაკავშირებით კანონმდებლობის გამკაცრების საკითხს განიხილავენ.
ოხანაშვილის გადაწყვეტილება ვატო წერეთლის განცხადებას მოჰყვა, რა დროსაც წერეთელმა საქართველოს პრემიერ-მინისტრ ირაკლი ღარიბაშვილს "მავნე“ უწოდა.
ანრი ოხანაშვილმა წერეთელს სიტყვით გამოსვლის დროს მიკროფონი გაუთიშა და უთხრა, რომ "უზრდელი ადამიანია“.
"თქვენ ხართ უზრდელი ადამიანი, ამიტომ გაბრძანდით სხდომათა დარბაზიდან. როდესაც ზრდილობას ისწავლით, შეგიძლიათ შემოხვიდეთ. თქვენ ხართ მავნე და უზრდელი, ამიტომ გაიარეთ და გადით“, - მიმართა ოხანაშვილმა ვატო წერეთელს.
რაც შეეხება წერეთლის განცხადებას, სიტყვით გამოსვლისას მან აზარტული თამაშების შესახებ კანონმდებლობის გამკაცრების შედეგად ქართული სპორტის მოსალოდნელ ზარალზე ისაუბრა.
"ამ ბიზნესის წარმომადგენლები ამბობენ, რომ ქართულ სპორტს მოაკლდება ძალიან დიდი დაფინანსება. გამოდის, რომ ჩვენ ჩვენს სპორტსმენებს ვტოვებთ ბირჟის, ლოთობის და ნარკომანიის ამარა. თუ მავნებლობა არ არის ეს, რა დააშავა ქართულმა სპორტმა და სპორტსმენებმა. ათიათასობით სპორტსმენი გვყავს, ასობით მილიონი ლარი უნდა გამოაკლდეს ქართულ სპორტს. ამხელა ფული უნდა მოაკლოთ სპორტსმენებს და დატოვოთ ნარკომანიის და ლოთობის ამარა.
დაჩქარებული წესით განხილვა რა არის, თუ არა მედიის ჩაწიხვლა. მოდის ახალი წელი, მედიებმა წლის განრიგი და ბიუჯეტი უნდა შეადგინონ. ჰოპ-ჰოპ, უცებ შევიკრიბოთ და განვიხილოთ, რა არის, თუ არა მედიის ჩაწიხვლა“,- განაცხადა ვატო წერეთელმა.
სხდომიდან გაძევებამდე ოხანაშვილმა ვატო წერეთელს ზრდილობისკენ მოუწოდა და გაფრთხილება მისცა იმის თაობაზე, რომ წესები დაეცვა. ოხანაშვილის მხრიდან გაფრთხილება წერეთლის შემდეგ განცხადებას მოჰყვა: "თქვენ თუ გითამაშიათ, ბატონო ანრი? არასდროს? ან "კრისტალზე“, ან "აჭარაზე“. რომელი გირჩევნიათ?“.
"ბატონო ვატო თქვენ ხართ კომიტეტების სხდომაზე და მგონია, რომ წესები თქვენთვის ცნობილია. მოგიწოდებთ ზრდილობისკენ. დამშვიდდით. შეკითხვა დაუსვით მომხსენებელს. მოგიწოდებთ, მშვიდად განაგრძოთ შეკითხვების დასვა“, - განაცხადა ანრი ოხანაშვილმა ვატო წერეთლისადმი მიმართვისას.
ცნობისთვის, აზარტული თამაშობის, ტოტალიზატორის, ლოტოს, ბინგოს და მათი ორგანიზატორების შესახებ რეკლამის გავრცელება შეიზღუდება. აკრძალვები შემოდის სატელევიზიო რეკლამის ნაწილში.
ამ მიმართულებით ცვლილებები ორ კანონში - “რეკლამის შესახებ“ და “მაუწყებლობის შესახებ“ კანონებში ხორციელდება.
კერძოდ, იკრძალება აზარტული თამაშობის, ტოტალიზატორის რეკლამის გავრცელება, გარდა იმ შემთხვევისა, თუ - აღნიშნული რეკლამა იმ ვებ-გვერდზე განთავსებით ვრცელდება, რომელზედაც დაშვებულია სისტემურ-ელექტრონული ფორმით აზარტული თამაშობის, ტოტალიზატორის, ლოტოს, ბინგოს, აზარტული თამაშობის მოწყობის ორგანიზატორის, ტოტალიზატორის მოწყობის ორგანიზატორის, ლოტოს მოწყობის ორგანიზატორის და ბინგოს მოწყობის ორგანიზატორის მოწყობა;
აღნიშნული რეკლამის გავრცელება სპორტული ღონისძიების, სპორტული შეჯიბრების ან სპორტული ორგანიზაციის საქმიანობის სპონსორობის სანაცვლო პირობაა.
00:00 / 00:00
მკითხველის კომენტარები /
6 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
და იქნებ შეკრიბოს ბატონმა ანრიმ სხდომა და იმსჯელონ დაწყებული 2012-დან ,რამდენი დაპირება შეუსრულეს ხალხს-არა??-თუ ვერაა???
საქართველოს პირდაპირი მტერია ეგ წერეთელი. როგორაა წერეთელი ისაც გასარკვევია!!