"ჩვენი ირინა, ყველას ირინა... ექიმის ეტალონი საქართველოში" - ცნობილი ექიმი ირინა მიმინოშვილი კოვიდ-19-ის გართულების შედეგად გარდაიცვალა

ცნობილი ექიმი, ალერგოლოგ-იმუნოლოგი ირინა მიმინოშვილი კოვიდ-19 -ის გართულების შედეგად 67 წლის ასაკში გარდაიცვალა.

მედიცინის მეცნიერებათა დოქტორი ირინა მიმინოშვილი 2002 წლიდან ალერგოლოგიის ცენტრს "ალერგია 21-ე საუკუნე" ხელმძღვანელობდა.

გარდაცვლილ ექიმს სოციალურ ქსელში პაციენტები და კოლეგები ემშვიდობებიან.

"ჩვენი ოქროს გულიანი ექიმი! ვაიმე, როგორ დამწყდა გული, ჩვენი მაშველი... ჩემი შვილობილი არისო და შვილივით ვიზრუნებ მასზეო, ეს მითხრა ბოლო ვიზიტზე, ჩემსავით უხაროდა კარგ შედეგებს რომ ვდებდით. ვერც წარმომიდგენია ახლა სხვასთან მიყვანა. მისნაირ ადამიანს ვერასოდეს ვერ ვიპოვით. უფალმა დაგიმკვიდროს ცათა სასუფეველი, სულ გვემახსოვრები!" - წერს "ფეისბუქში" მარიამ კორძაია.

"ჩვენი ირინა, ყველას ირინა... უსაყვარლესი ადამიანი და მეგობარი, ექიმის ეტალონი საქართველოში" - წერს მაკა წიქორიძე

ambebi.ge მწუხარებას გამოთქვამს მომხდარის გამო და იზიარებს ოჯახის მწუხარებას.