30
მარტიდღის ზოგადი ასტროლოგიური პროგნოზი
"სამედიცინო ჩარევას მხოლოდ იმ შემთხვევაში მივიღებ, როდესაც სასიცოცხლო პარამეტრებს შეეხება," - ამის შესახებ "დროას“ ლიდერმა, ელენე ხოშტარიამ ჟურნალისტებს განუცხადა.
მისი თქმით, რამდენიმე მაჩვენებელი სამედიცინო ჩარევას მოითხოვს.
"სამედიცინო ჩარევას მხოლოდ იმ შემთხვევაში მივიღებ, როდესაც სასიცოცხლო პარამეტრებს შეეხება. რამდენიმე ანალიზში არის ცვლილება, რამდენიმე მაჩვენებელი, თირკმლის და ნერვოლოგიური, ამ ჩარევას მოითხოვს. არ მინდა ვინმემ ინერვიულოს და დაპანიკდეს. ეს ის არ არის, რომ მე ახლა ვკვდები და ა.შ. არ გვინდა ზედმეტი მღელვარება. უბრალოდ, თუ ახლა თირკმელზე და ნერვოლიგიურზე სამედიცინო ჩარევას არ მივიღებ, შეიძლება რაღაც ძალიან ცუდი მოხდეს. ამიტომ, ერთ გადასხმას დავთანხმდი. ერთმა გადასხმამ ეს პარამეტრები არ გააუმჯობესა. ის ისევ კრიტიკულ, დაბალ ზღვარზეა. დავთანხმდი მეორე გადასხმას და სანამ ეს საფრთხე არ მოიხსნება, მედიკამენტებს მივიღებ. არ მივიღებ კალორიებს, დანამატებს. ამას იმიტომ არ ვაკეთებ, რომ შევიმსუბუქო მდგომარეობა, არამედ იმისთვის, რომ მდგომარეობა კრიტიკულად არ დამძიმდეს“, - განაცხადა ხოშტარიამ.
პოლიტიკოსი ჟურნალისტებთან საუბრისას სტრასბურგის სასამართლოს გუშინდელ გადაწყვეტილებასაც შეეხო. მისი თქმით, ხელისუფლებას დღეს პირდაპირ შეუძლია საკუთარი პრაგმატული ინტერესებიდან გამომდინარე, გადაიყვანოს სააკაშვილი სამოქალაქო კლინიკაში, სტრასბურგთან დამატებითი პრობლემები არ შეიქმნას და გააგზავნოს ინფორმაცია მისი უსაფრთხო, სამედიცინო თვალსაზრისით სწორი გარემოს შესახებ.
"სტრასბურგის გადაწყვეტილება არის საკითხი, რომლის პოლიტიზირება და პარტიული ინტერპრეტაციით გამოყენება არის აბსოლუტურად დაუშვებელი. ყველაზე ძლიერი ინსტიტუტი გვეუბნება: "მორჩით მაიმუნობას, გამოუშვით ინფორმაცია, სხვა შემთხვევაში დაისჯებით! პარტიული ინტერპრეტაციით ამ გადაწყვეტილების გამოყენება მიაყენებს დამატებით დიდ ზიანს მლიანად ქვეყანას და აქ "ქართულ ოცნებას“, მთავრობას და ზოგადად არავის აქვს დიდი მანევრის საშუალება, ეს აუცილებლად გამოიწვევს ძალიან სერიოზულ, მძიმე შედეგებს ნებისმიერისთვის, ვინც დაიწყებს ამით მანიპულირებას. ამიტომ ჩვენ უნდა გვესმოდეს, რომ ტყუილის საუბარი, რა გადაწყვიტა სტრასბურგმა, ვერანაირი შედეგების მომტანი ვერ იქნება. სტრასბურგმა კონკრეტულად ამ მომენტში არ მიიღო გადაწყვეტილება, რომ დღესვე მიხეილ სააკაშვილი სამოქალაქო კლინიკაში უნდა გაიყვანონ, ოღონდ სტრასბურგმა, პირველ რიგში, თქვა და დაადასტურა, რომ მიხეილ სააკაშვილი შიმშილობს ანუ ყველანაირი სპეკულაცია მთავრობის მხრიდან, რომ სააკაშვილი არ შიმშილობს, ჭამს, სვამს და ა.შ. არის საერთაშორისო ყველაზე ავტორიტეტული ინსტიტუტის მიერ აბსოლუტურად უგულებელყოფილი. მეორე, სტრასბურგმა თქვა და მიიღო ეს საქმე პრიორიტეტულ საქმეთა სიაში და მან მოითხოვა დეტალური ინფორმაცია იმის შესახებ თუ რა პირობებში არის მიხეილ სააკაშვილი. ეს იმას ნიშნავს, რომ ეს პროცესი არის არა მხოლოდ ჩვენი მოქალაქეების, ჩვენი ელჩების, არამედ სტრასბურგის მონიტორინგის ქვეშ. სტრასბურგში მოუწევთ, მაგალითად, იმ კადრების ჩვენება თუ როგორ ატყუებენ მიხეილ სააკაშვილს გადაყვანის დროს, იმ კადრების ჩვენება, რომელიც არის მისი ნებართვის გარეშე გამოქვეყნებული, რაც უკვე შეფასებულია არაერთი არასამთავრობოს მიერ, როგორც არაადამიანური თუ ღირსების შემლახავი მოპყრობა. სტრასბურგი ნახავს, რომ გლდანში არ არის ნამდვილად საკმარისი პირობები არც მისი უსაფრთხოებისა და სამდიცინო მომსახურების თვალსაზრისით. ამიტომ უმაღლესი ინსტიტუტი აკონტროლებს ახლა ამ პროცესს, მიცემულია ამ მეთვალყურეობისთვის ძალიან კონკრეტული ვადა, ეს არის 2 კვირა და ეს ორი კვირა ჩვენთვის ყველასთვის და, პირველ რიგში, რა თქმა უნდა, ხელისუფლებისთვის არის შანსი, რომ გამოვიდეთ ამ ქვეყნისთვის უკიდურესად დამაზიანებელი კრიზისიდან. ახლა დადგა მომენტი, როდესაც საერთაშორისო ყველაზე ძლიერი ინსტიტუტი გვეუბნება, მორჩით მაიმუნობას, გამოუშვით ინფორმაცია, სხვა შემთხვევაში დაისჯებით, ეს, რა თქმა უნდა, ჩემი მარტივი ინტერპრეტაციაა.
ხელისუფლებას დღეს პირდაპირ შეუძლია, მათ შორის, საკუთარი პრაგმატული ინტერესებიდან გამომდინარე, გადაიყვანოს სააკაშვილი სამოქალაქო კლინიკაში, სტრასბურგთან დამატებითი პრობლემები არ შეიქმნას და გააგზავნოს ინფორმაცია მისი უსაფრთხო, სამედიცინო თვალსაზრისით სწორი გარემოს შესახებ. დღეს მოგვეცა კიდევ ერთი შანსი, რომ ჩვენ გამოვიდეთ მოკლევადიანად მწვავე კრიზისიდან,“- განაცხადა ხოშტარიამ.
ელენე ჩაბერე შვიშტოკში, მარტო ეს გამოგდის )))) შე ,,ხულიგანკა,,
რა გემართება ელენიკოო? აგერ, ვის გამოც, შენ შიმშილობ ((და ვფიქრობ, რომ ნამდვილი, საპროტესტო შიმშილობაა))..ხოდა იმ კაცმა, 42 დღის ნაშიმშილებმა, ციხის მომსახურეები ერთმანეთსს აფარა,, სიქა გააცალა! ხოდა გაავლე პარალელები რატომ ჯიუტობ???