მნიშვნელოვანი ინფორმაცია
5
მაისიდღის ზოგადი ასტროლოგიური პროგნოზი
სამშაბათი, მთვარის მეათე დღე დაიწყება 14:10-ზე, მთვარე ქალწულშია
თამამად წამოიწყეთ ახალი საქმეები. კარგი დღეა უძრავი ქონების შესაძენად, ფინანსური საკითხების მოსაგვარებლად, ვაჭრობისთვის. ცუდი დღეა კამათისა და სასამართლო საქმეებისთვის. სწავლა და გამოცდების ჩაბარება გაგიადვილდებათ. მოაგვარეთ საოჯახო კონფლიქტები. კარგია ნათესავებთან შეხვედრა და საუბარი. დღეს მომხდარი უსიამოვნებები მალევე დასრულდება. კარგი დღეა უფროსთან შესახვედრად და ახალი პროექტების განსახილველად. საქმიანობის, სამსახურის შესაცვლელად. მოერიდეთ მგზავრობასა და საცხოვრებელი მისამართის შეცვლას. მოერიდეთ ფიზიკურ დატვირთვას. გაგიადვილდებათ საოჯახო საქმეების, რემონტისა და მშენებლობის შესრულება. კარგი დღეა ქორწინებისა და ნიშნობისათვის, ინტიმური ურთიერთობისთვის. მოერიდეთ ოპერაციების ჩატარებას მუცლის ღრუს ორგანოებზე. მარტივ ოპერაციასაც კი შეიძლება გართულება მოჰყვეს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თქვა, - საქართველო ულამაზესი ქვეყანაა, რატომ არ უნდა წავიდე იქო?!" - რას ამბობენ გორში მოკლული, 28 წლის ტურისტის ოჯახის წევრები?
11:37 / 14-10-2021
28 წლის ბრიტანელი მუსიკოსი, ტომას კენედი კიდევ ერთი ტურისტია, რომელიც საქართველოში მოკლეს. შინაგან საქმეთა სამინისტროს ინფორმაციით, გორში, 7 ოქტომბერს, რამდენიმე პირი ტომასს ფიზიკურად გაუსწორდა და უგონო მდგომარეობაში მყოფი, დანაშაულის დაფარვის მიზნით, მტკვარში გადააგდო. გარდაცვლილის ცხედარი მდინარემ სოფელ ქვახვრელთან, 8 ოქტომბერს გამორიყა.
თემას აქტიურად აშუქებს ბრიტანული მედია. მომხდარის შესახებ წერენ The Guardian, The Times, The Sun და სხვები.
- ირლანდიური გამოცემა the Irish Sun-ის ცნობით, ტომას კენედის ოჯახი სამართლიანობის აღდგენის მოლოდინშია.
"28 წლის ნიჭიერი მუსიკოსი და კომპოზიტორი შვებულებას საქართველოში ატარებდა, როდესაც მამაკაცების ჯგუფმა ის სასმელზე მიიწვია. შემდეგ კი ტომასის ცხედარი, გორის მახლობლად, მდინარე მტკვარში იპოვეს.
ბრალდებულები სასამართლოზე უარყოფენ ტურისტის მკვლელობას, თუმცა აღიარებენ მის გაძარცვას. კენედი მანჩესტერში დაიბადა, მაგრამ მთელი ცხოვრება ირლანდიაში, ბაბუასთან ცხოვრობდა", - წერს The Sun.
- "თქვა, - საქართველო ულამაზესი ქვეყანაა, ულამაზესი ხედებით, რატომ არ უნდა წავიდე იქო?!“
გარდაცვლილის ბიძაშვილი, ოლივია ბარეტი ამბობს, რომ ტომასს უყვარდა მოგზაურობა, ლამაზი ხედები. მოხიბლული იყო საქართველოთი და სწორედ ამიტომ, შვებულების გატარება საქართველოში გადაწყვიტა.
"ის იყო თვითნასწავლი მუსიკოსი, ძალიან ნიჭიერი მომღერალი, კომპოზიტორი, გიტარისტი, უკრავდა ასევე ვიოლინოზე და სხვა საკრავებზე. იყო საოცრად კეთილი, მხიარული, ბუზსაც კი არ ავნებდა. ტომს ძალიან უყვარდა მოგზაურობა, წაიღებდა გიტარას და სხვა ქვეყნების ქუჩებში უკრავდა. უყვარდა მთებში ხეტიალი, ულამაზესი ხედების ნახვა, იზიდავდა ისტორია. თქვა, - საქართველო არის ულამაზესი ქვეყანა, ულამაზესი ხედებით, რატომ არ უნდა წავიდე იქო?! ძალიან გულნატკენები ვართ მისი სიკვდილით, მაგრამ, ამავდროულად, ძლიერი ოჯახი გვაქვს და ამ განსაცდელს გავუმკლავდებით. იმედია, სამართლიანობა იზეიმებს და ჩვენ შევძლებთ სასამართლო პროცესზე წასვლას და იმ ადამიანების დანახვას", - ამბობს ოლივია ბარეტი ირლანდიურ Sun-თან საუბრისას.
- ხუჭუჭა ბიჭი, რომელიც მუდამ იღიმოდა და მზად იყო, გარშემომყოფებისთვის სასიამოვნო სიტყვები ეთქვა
მომხდარს სოციალურ ქსელში ეხმიანება ტომასის ძმა, ჯეიმს კენედი და შემდეგ პოსტს აქვეყნებს:
"ძალიან მიყვარხარ, ძმაო. შენ ამ სამყაროში შესანიშნავი ადამიანი იყავი. საოცარი იყავი ჩვენთვის, ყველასთვის და გულწრფელად, არ ვიცი, როგორ უნდა გავაგრძელოთ შენ გარეშე ცხოვრება. ამ 28 წლის განმავლობაში საოცარი მოგონებები დამიტოვე. მე და მთელი ჩვენი ოჯახი ვამაყობთ შენით. ყოველთვის მომენატრები, ტომ. მიყვარხარ უფრო მეტად, ვიდრე ოდესმე ამის გადმოცემა შემეძლო. შენ ლეგენდა ხარ“, - წერს გარდაცვლილის ძმა.
ტომასის მეგობრები ამბობენ, რომ ეს ხუჭუჭა ბიჭი მუდამ იღიმოდა და ყოველთვის მზად იყო, ადამიანებისთვის სასიამოვნო სიტყვები ეთქვა.
The Sun ასევე აღწერს სასამართლოზე განვითარებულ მოვლენებს. მათი ცნობით, გამოძიებამ ტომასის ტელეფონი ლომბარდში იპოვა. გამოცემა წერს, ასევე ბრალდებულთა სახელებსა და გვარებს.
"28 წლის გიორგი ბალაშვილი, 19 წლის ზურა ფალავანდიშვილი, 17 წლის გიორგი ოხანაშვილი, 20 წლის გიორგი ქარელი აღიარებენ ძარცვას, თუმცა უარყოფენ მკვლელობას. ისინი ირწმუნებიან რომ კენედი გაექცა მათთან ჩხუბს, რა დროსაც მდინარეში გადავარდა. კიდევ ერთი ბრალდებული უარყოფს როგორც კენედის ძარცვაში მონაწილეობას, ასევე მის მკვლელობას. ხუთივე ბრალდებულს სასამართლომ წინასწარი პატიმრობა შეუფარდა და ბრალის დამტკიცების შემთხვევაში, მათ 13-დან 17 წლამდე თავისუფლების აღკვეთა ემუქრებათ", - ნათქვამია სტატიაში.
- ცნობისთვის:
ბრიტანელი ტურისტის მკვლელობის საქმეზე დაკავებულ 5 პირს 12 ოქტომბერს პატიმრობა შეეფარდა. გორის რაიონულმა სასამართლომ ბრალდების მხარის პოზიცია სრულად გაიზიარა და დამამძიმებელ გარემოებაში ჯგუფურად ჩადენილ განზრახ მკვლელობასა და განსაკუთრებით მძიმე დანაშაულის შეუტყობინებლობის ბრალდებით დაკავებულებს აღკვეთის ღონისძიების სახით პატიმრობა შეუფარდა.
უცხო ქვეყნის მოქალაქის მიმართ ჩადენილი დანაშულის შეუტყობინებლობის ბრალდებით დაკავებული ერთი პირი არასრულწლოვანია, რის გამოც მოსამართლე გოგა კუპრეიშვილმა სხდომა დახურა.
საქართველოს სსკ-ის 109-ე მუხლის მე-2 ნაწილის "ე“ ქვეპუნქტით და სსკ-ის 376-ე მუხლის მე-2 ნაწილით მიმდინარე საქმეზე ბრალდების მხარის მოთხოვნა პატიმრობა იყო, მოსამართლემ საქმის პროკურორის, მიხეილ ბერიაშვილის შუამდგომლობა დააკმაყოფილა, რასაც არ იზიარებს დაცვის მხარე და სასამართლოს გადაწყვეტილების გასაჩივრებას გეგმავს.
ბრალდებულთაგან ოთხის უფლებებს ადვოკატი გიგა ჯეირანაშვილი იცავს. ჯეირანაშვილის განცხადებით, მისი დაცვის ქვეშ მყოფი პირები ბრალს არ აღიარებენ. მოსამზადებელი სხდომა გორის რაიონულ სასამართლოში 8 ნოემბერს შედგება.
შეგახსენებთ, გორში, 7 ოქტომბერს, რამდენიმე პირი უცხო ქვეყნის მოქალაქეს, 1993 წელს დაბადებული ტომას კენედის ფიზიკურად გაუსწორდა და უგონო მდგომარეობაში მყოფი დანაშაულის დაფარვის მიზნით, მტკვარში გადააგდეს. გარდაცვლილის ცხედარი მდინარემ სოფელ ქვახვრელთან 8 ოქტომბერს გამორიყა.
ჩატარებული კომპლექსური ოპერატიულ-სამძებრო და საგამოძიებო ღონისძიებების შედეგად, დამამძიმებელ გარემოებაში ჯგუფურად ჩადენილი განზრახ მკვლელობის და დანაშაულის შუტყობინებლობის ბრალდებით სამართალდამცავებმა 5 პირი დააკავეს. შინაგან საქმეთა სამინისტროს ინფორმაციით, დაკავებულთაგან 3 პირი წარსულში სხვადასხვა დანაშაულისთვის არის ნასამართლევი.
მკითხველის კომენტარები /
75 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რა ახალი დეტალებია ხდება ცნობილი კლინიკა „ვივამედში“ პატიმრის გარდაცვალებასთან დაკავშირებით
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ქართველებო რას ჩადიხართ, რამ გაგაველურათ. რა ოჯახებში იზრდებით. ფუი.....
ლამაზი ქვეყანა, ველური და ბნელი ხალხით დასახლებული..